ភ្នំពេញ៖ តារាចម្រៀងស្រីវ័យក្មេងប៉ុន្តែមានទីផ្សារសិល្បៈខ្ពស់ កញ្ញា រ៉េត ស៊ូហ្សាណាបច្ចុប្បន្ននេះ កំពុងតែមមាញឹកខ្លាំងសឹងតែដកខ្លួនមិនរួច ជាមួយនឹងការងារសិល្បៈផង ថែមទាំងកំពុងបន្តការសិក្សាថ្នាក់មហាវិទ្យាល័យថែមទៀតផងដែរ។

យ៉ាងណាមិញ ចាប់តាំងពីតារាចម្រៀងស្រីញញឹមស្រស់រូបនេះ ឈានចូលដល់វ័យ១៨ឆ្នាំ ពេញរូបពេញរាងមក គេសង្កេតឃើញថា ការតុបតែងខ្លួនរបស់នាង រាល់ពេលចូលរួមកម្មវិធីម្តងៗ ក៏មានការផ្លាស់ប្តូរមិនដូចពីមុនផងដែរ។ 

ជាការពិតណាស់ នៅពេលខ្លះគេចាប់អារម្មណ៍ឃើញថា រ៉េត ស៊ូហ្សាណា បានផ្លាស់ប្តូរស្ទាយ៍នៃការស្លៀកពាក់ បែបCuteៗ គួរឲ្យស្រលាញ់ ដោយបែរមកស្លៀកជាឈុតនារីពេញវ័យវិញ ដែលមើលទៅនាងកាន់តែស្រស់ស្អាត និងប្លែកភ្នែកមួយបែប ជាមួយនឹងស្ទាយ៍ថ្មីបែបនារីពេញក្រមុំ ឃើញហើយគួរឲ្យចង់បេតីតែម្តង៕