ភ្នំពេញ៖ បច្ចុប្បន្ន តារាចម្រៀងស្រីល្បីល្បាញ អ្នកនាង ខាត់ សុឃីម កំពុងមានប្រជាប្រិយភាពយ៉ាងខ្លាំង នៅក្នុងសង្គមសិល្បៈ ហើយមិនតែប៉ុណ្ណោះអ្នកនាង ក៏មានភាពមមាញឹកណាស់ដែរ ក្នុងអាជីពជាអ្នកច្រៀងតាមរោងការធំៗនានាបន្ថែមទៀត។

ជាក់ស្តែង នៅព្រឹកនេះតារាចម្រៀង ខាត់ សុឃីម ក៏ជាប់រវល់នឹងការងារច្រៀងតាមរោងការមួយកន្លែង ជាមួយនឹងបងប្អូនប្រុសស្រីរបស់ខ្លួនជាច្រើននាក់។

ប៉ុន្តែអ្វីដែលគួរឱ្យចាប់អារម្មណ៍ខ្លាំងនោះគឺ អ្នកនាង ខាត់ សុឃីម ក៏បានតុបតែងខ្លួន ដោយបានយកក្រណាត់សារុងសូត្រ មកច្នៃចេញជាសម្លៀកបំពាក់ចងក្បិន និងពានា នៅលើស្មាជាមួយអាវប៉ាក់ យ៉ាងស្រស់ស្អាត ដែលកម្របានឃើញពីមុនមកណាស់។

មិនមែនមានតែតារាស្រី ទូច ស្រីល័ក្ខ ម្នាក់ប៉ុណ្ណោះទេ ដែលបានយកសារុងខ្មែរមកច្នៃធ្វើជាសម្លៀកបំពាក់ តែពេលនេះអ្នកនាង ខាត់ សុឃីម ក៏ចាប់ផ្តើមប្រើសារុងសូត្រខ្មែរយើងមកកែច្នៃធ្វើជាសម្លៀកបំពាក់ផងដែរ ដើម្បីលើកស្ទួយផលិតផលខ្មែរ ក៏ដូចជារក្សានូវរបស់ដូនតា ដែលជាការបង្ហាញពីអត្តសញ្ញាណជាតិខ្មែរយើង៕

ទស្សនារូបភាពខាងក្រោមនេះ៖