ភ្នំពេញ៖ គ្រាប់ពេជ្រ របស់ផលិតកម្មថោន អ្នកនាង មាស សុខសោភា នៅតែអាចរក្សាបានតំណែងកំពូល ប្រចាំផលិតកម្មនេះ ទោះបីជារូបនាង មិនសូវមានបទចម្រៀងថ្មីៗ សម្រាប់ចេញលក់ក៏ដោយ។

ក្នុងនោះផងដែរ គេតែងសង្កេតឃើញថា អ្នកនាង មាស សុខសោភា ជាតារាចម្រៀងម្នាក់ ដែលចូលចិត្តតែងខ្លួនប្លែកៗ ទាំងសុភាព និងស៊ិចស៊ី គឺនាងអាចធ្វើបានទាំងអស់។

យ៉ាងណាមិញ នាពេលម្សិលមិញនេះ សោភា បានធ្វើឲ្យអ្នកគាំទ្ររបស់នាង ស្ទើរតែក្តៅខ្លួនទៅហើយ ពេលដែលឃើញនាង បង្ហោះរូបបញ្ចេញស្ទើរទាំងស្រុង ក្នុងឈុតហែលទឹក នៅឯឆ្នេរសមុទ្រ។

ទោះជាយ៉ាងក្តី នេះមិនមែនជាលើកទីមួយ ដែលសោភាបង្ហោះរូបបែបនេះនោះទេ គ្រាន់តែមួយរយៈចុងក្រោយនេះ នាងបង្ហោះតែរូបធម្មតាៗតែប៉ុណ្ណោះ៕