ភ្នំពេញ៖ កំពូលតារាចម្រៀងស្រី ឱក សុគន្ធកញ្ញា បានឈរជើងលើវិថីសិល្បៈនេះ អស់ពេលជាច្រើនឆ្នាំ បើគិតមកដល់បច្ចុប្បន្ននេះ។

ទន្ទឹមនឹងមានកេរ្តិ៍ឈ្មោះ បោះសម្លេងខ្លាំងគួរឲ្យកត់សម្គាល់ហើយ ម្ចាស់បទ«ចង់ទៅ ទៅៗ» រូបនេះ ក៏ទទួលបានប្រជាប្រិយភាពពីទស្សនិកជន យ៉ាងច្រើនសន្ធឹកសន្ធាប់ ផងដែរ។

ជាក់ស្ដែងមុននេះ​​​​ ដើម្បីតបស្នងអ្នកគាំទ្រ កញ្ញា ឱក សុគន្ធកញ្ញា ក៏បានបង្ហោះរូបភាព លើបណ្ដាញសង្គម(IG)របស់ខ្លួន ដែលស្ដែងពីកាដូជាច្រើន ដែលហ្វេនបានជូនឲ្យកញ្ញា អមនឹងពាក្យអរគុណផងដែរ។

យ៉ាងណាមិញចំពោះកាដូ និងទឹកចិត្តនៃការស្រលាញ់របស់ពួកគេ គឺជាកម្លាំងចិត្តដែល ជម្រុញឲ្យកំពូលតារាចម្រៀងល្បីឈ្មោះរូបនេះ ទទួលបានជោគជ័យ ព្រោះបើគ្មាន ប្រិយមិត្ត គាំទ្រទេក៏កញ្ញា សុគន្ធកញ្ញា មិនអាចមានថ្ងៃនេះដែរ។

ជាពិសេសសារមួយនេះ កាន់តែបានបង្ហាញច្បាស់ថា   បើទោះបីជាល្បីឈ្មោះខ្លាំងប៉ុណ្ណា ក៏ឱក សុគន្ធកញ្ញា មិនភ្លេចអ្នកគាំទ្ររបស់ខ្លួនដែរ។