ភ្នំពេញ៖ តារាចម្រៀងស្រី ដែលល្បីបកស្រាយ ចម្រៀងជាភាសាបរទេសបានយ៉ាងល្អកញ្ញា ស៊ូ ស៊ីរីកា បានឆក់យកប្រជាប្រិយភាព ពីអ្នកគាំទ្រពិសេសមិត្តៗយុវវ័យ មិនតិចនោះទេ ។

លើសពីនេះម្ចាស់បទ «ស្រលាញ់បងលើសហើយ» រូបនេះក៏បានបង្កភាពភ្ញាក់ផ្អើលជាខ្លាំង នៅលើបណ្ដាញសង្គមរបស់ខ្លួន ដោយបានបង្ហោះរូបភាពមួយសន្លឹកក្នុង ឈុតប្រពៃណី អមនឹងសារមួយថា« Pre-wedding with him» ។

គ្រាន់តែផុសរូបមួយនេះភ្លាម ក៏មានចម្ញល់របស់ អ្នកគាំទ្រលើកឡើងថា៖ ស៊ូ ស៊ីរីកា ជិតចូលរោងការនៅពេលដ៏ខ្លីខាងមុខនេះ តើជាការពិតឬយ៉ាងណា? ព្រោះគេកម្រឃើញ តារាស្រីវ័យក្មេងរូបនេះ បង្ហោះរូបភាពនិងសារបែបនេះ ពីមុនមកណាស់។

យ៉ាងណាមិញ ចំពោះចម្លើយយ៉ាងណា មានតែសាមីខ្លួនម្នាក់តែប៉ុណ្ណោះ ដែលអាច បកស្រាយនឹងចម្ងល់ មួយនេះជូនទៅអ្នកគាំទ្រខ្លួនបាន ៕