ភ្នំពេញ៖ កំពូលតារាចម្រៀងស្រី ល្បីសឹងគ្រប់បទកញ្ញា ឱក សុគន្ធកញ្ញា តែងបង្ហាញមុខលើឆាកជាតិ និងអន្តរជាតិជាច្រើនរាប់ភ្លេច ហើយបន្ថែមពីលើសមត្ថភាពច្រៀង កញ្ញា ក៏មានទេពកោសល្យខាងរាំ និងសម្ដែងបានយ៉ាងល្អផងដែរ។

ក្នុងនោះអ្នកគាំទ្រភាគច្រើនក៏បានដឹងហើយថាម្ចាស់បទ «ចង់ទៅៗទៅ» រូបនេះក៏និយមលេងស្ទីលតុបតែងខ្លួនប្លែកៗ ពិសេសគឺស្បែកជើងតែម្ដង ព្រោះវាក៏ជាផ្នែកមួយសំខាន់ដើម្បីបង្កើនភាពទាក់ទាញដល់កញ្ញា ថែមមួយកម្រិតទៀត។

ចំពោះប្រិយមិត្ត ពេលបានទស្សនារូបភាពទាំងនេះ នោះនឹងដឹងកាន់តែច្បាស់ថា ឱក សុគន្ធកញ្ញា ត្រូវប៉ាន់បានតែ ស្បែកជើងប៉ាតាតែប៉ុណ្ណោះ ព្រោះមិនថារាល់ពេលឡើងសម្ដែងលើឆាក ឬមានដំណើរកម្សាន្តបែបឯកជននោះទេ តារាស្រីសម្ដីពិរោះរូបនេះតែងពាក់ស្បែកជើង ប៉ាតា ជាងស្បែកជើងម៉ូតផ្សេងៗ ដែលខុសពីតារាស្រីផ្សេងទៀត ដែលនិយមលេងម៉ូតស្បែកជើងកែងចោទខ្ពស់ៗ។

យ៉ាងណាមិញ មិនមែនគ្រប់កម្មវិធី កញ្ញា ឱក សុគន្ធកញ្ញា ពាក់តែស្បែកជើងប៉ាតាតែមួយមុខនោះទេ ក៏មានពេលខ្លះកញ្ញា ប្ដូរការតុបតែងមួយនេះទៅតាមស្ថានភាពដែរ គ្រាន់តែ កញ្ញា មានរសនិយមលើស្បែកជើងប៉ាតាជាងគេតែប៉ុណ្ណោះ៕ 

ខាងក្រោមនេះជារូបភាព សុគន្ធកញ្ញា ពាក់ស្បែកជើងប៉ាតា៖