ថៃ៖ នៅទីបំផុត តារាសម្តែងប្រុសសង្ហា លោក James Ma សម្រេចចិត្ត បង្កើតគណនី Instagram របស់ខ្លួនហើយ។

ចំពោះ James Ma ជាកំពូលតារាសម្តែងប្រុសមួយរូប ដែលទទួលបានភាពល្បីល្បាញខ្លាំង តែចម្លែកអ្វី លោក មិនដែលមានគណនីអ៊ីនស្តាក្រាម ដូចជាតារាផ្សេងៗនោះទេ មិនដឹង មូលហេតុអ្វី។

ជាពិសេស ក៏មានហ្វេនៗ បានសំណូមពរ ឲ្យលោក បង្កើតគណនីអ៊ីនស្តាក្រាម ដើម្បីឲ្យ ពួកគេ បានតាមដាន និងឃើញរូបសង្ហាៗ របស់លោកផង។

ប៉ុន្តែនៅថ្ងៃទី២១នេះ លោកបានបង្កើត នៅ IGផ្ទាល់ខ្លួន សម្រាប់ធ្វើការចែកចាយ នូវរូបភាព និងសកម្មភាពមួយចំនួន ទៅកាន់មិត្តអ្នកគាំទ្រទាំងក្នុងនិងក្រៅប្រទេស។ ភ្លាមនោះមិនដល់ប៉ុន្មាននាទីផង គណនីរបស់លោក មានការ Follow រាប់ម៉ឺននាក់ឯណោះ។

ចំពោះរូបភាពដំបូងលោក ក៏បានសរសេរទៅកាន់មនុស្សគ្រប់រូបថា «ខ្ញុំគិតថា វាគួរតែដល់ពេលចាប់ផ្តើមហើយ សូមស្វាគមន៍កាន់គណនី Instagramផ្ទាល់របស់ខ្ញុំ។ ខ្ញុំនឹងធ្វើយ៉ាងណាឲ្យល្អបំផុត ដើម្បីព្យាយាមចែករំលែកនូវរូបភាពរបស់ខ្ញុំ ទៅអ្នកទាំងអស់គ្នា។ អរគុណអ្នកទាំងអស់គ្នា សម្រាប់ការរង់ចាំ»។

រឿងមួយនេះ បានធ្វើឲ្យ ហ្វេនៗ មានការសប្បាយរីករាយមែនទែន នៅពេលឃើញ អាយដលរបស់ខ្លួន មានគណនី Instagram៕