នេះ លោកសាពូន មីដាដា ទេតើហ៍... កើតរឿងអីយប់មិញ?

នេះ លោកសាពូន មីដាដា ទេតើហ៍... កើតរឿងអីយប់មិញ?

រាជធានីភ្នំពេញ ៖ បុរសម្នាក់ដែលគេស្គាល់ថា ជាតារាជើងចាស់ឈ្មោះ សំពូន មីដាដា ត្រូវបានជាប់ចោទថា ជាបក្សពួកក្រុមយកដុំថ្ម ដេញគប់គ្នាផ្អើលហាង ខណៈពេលលោកនិងមិត្តភក្តិទៅលេងអុកនៅទីនោះ បង្កឱ្យការភ្ញាក់ផ្អើល កាលពីវេលាម៉ោង១២ និង១០នាទីរំលងអធ្រាត្រ ឈានចូលថ្ងៃទី២២ សីហា នេះ ស្ថិតតាមបណ្តោយផ្លូវ២១៥ ត្រង់ចំណុចមុខហាងមួយកន្លែង ក្នុងសង្កាត់មិត្តភាព ខណ្ឌ៧មករា ។

បើតាមសាក្សីឃើញហេតុការណ៍ឱ្យដឹងថា មុនពេលកើតហេតុ គេបានឃើញលោកសំពូន មីដាដា គាត់បានចូលមកហូបអីនៅក្នុងហាងV-Stneet food Band ជាមួយក្មេងតូចៗ២ ទៅ៣នាក់ រួមជាមួយមិត្តភក្តិ២នាក់ទៀត ដោយហូបបណ្តើរ លេងអុកបណ្តើរ ។ មួយសន្ទុះក្រោយ ស្រាប់តែមានតុជិតគាត់២តុទៀត អង្គុយផឹកស៊ីជិតនោះមិនដឹងថា ទាស់សម្តីគ្នារឿងអ្វីនោះទេ បានជាចេញទៅយកដុំថ្មដេញគប់គ្នាផ្អើលពេញផ្លូវជិតស្តុបDN ។

ភ្លាមៗនោះដែរ លោកសំពូន មីដាដា ភ័យខ្លាច ណាមួយមិនចង់ឱ្យល្បីផងនោះ ក៏បើករថយន្តដឹកក្មេងៗនិងមិត្តភក្តិចេញទៅបាត់។ ក្រោយមក គាត់ភ្លេចគិតលុយឱ្យគេ ក៏បត់ត្រឡប់មកវិញ ដើម្បីគិតលុយឱ្យម្ចាស់ហាង ស្រាប់តែមានបុរសម្នាក់ មិនស្គាល់អត្តសញ្ញាណ ដែលរងរបួសដោយសារវាយតប់គ្នានោះបានមកចោទលោកសំពូន មីដាដា ថា ជាបក្សពួកជនបង្ក ដែលយកដុំថ្មគប់ទៅលើពួកគាត់ ធ្វើឲ្យផ្អើលដល់សមត្ថកិច្ចមូលដ្ឋានចុះមកកន្លែងកើតហេតុសួរនាំម្ចាស់ហាង និងលុះពេលដែលសួរនាំទៅ ទើបដឹងរឿងរ៉ាវថា លោកសំពូន មីដាដា មិនមែនជាបក្សពួកជនបង្កទេ ចំណែកជនបង្កបានរត់គេចខ្លួនបាត់អស់ហើយ ។

ក្រោយពេលកើតហេតុ បុរសដែលចោទប្រកាន់លោកសំពូន មីដាដា មិនបានទៅដាក់ពាក្យបណ្តឹងអីនោះទេ ក៏ត្រឡប់ទៅផ្ទះរៀងៗខ្លួន។