ភ្នំពេញ៖ ថ្មីៗនេះ អតីតតារាសម្តែងប្រុស លោក ឃុំ ប៉ុណ្ណាដែត ស្វាមីរបស់តារាចម្រៀង យក់ ថិតរដ្ឋា បង្ហោះសារហួសចិត្តមិននឹកស្មានដល់ ដោយសារតែប៉ុន្មានថ្ងៃនេះ លោក និងភរិយាជួបតែរឿងស៊យជាន់ស៊យ ដោយស្នាដៃរបស់លោកចោរ។

យោងតាមសាររបស់លោក ឃុំ ប៉ុណ្ណាដែត បានលើកឡើងថា៖ 

«អរគុណលោកចោរហើយដែលបានជួយលួចសម្ភារៈ និង កញ្ចក់ឡានភរិយាខ្ញុំយ៉ាងរហ័ស និង មានប្រសិទ្ធភាព ។ ខ្ញុំចង់និយាយទៅកាន់លោកចោរខ្លះថា ពេលលួចជួយDiscount ខ្លះទៅ ពីព្រោះញឹកពេក ហើយម្យ៉ាងជាម៉ូយ [ភាពលួចដដែលៗគឺជាម៉ូយហើយ] កញ្ចក់ស្តាំមួយចំហៀង ១៥០ដុល្លារ ដូរ Touch លោកកូនពៅបោក ជិត២០០ដុល្លារ (ឮជាងប្រាប់តែអត់ទាន់ដឹងប្រាកដ) សរុបមកចត់បាយហ្មង ។ តែប៉ុណ្ណឹងមីឆុង ដាក់ពងមាន់១ អាទិត្យ ។»

គួរឲ្យដឹងថា កាលពីប៉ុន្មានថ្ងៃមុននេះ អ្នកនាង យក់ ថិតរដ្ឋា ជួបរឿងស៊យត្រូវបានចោរ លួចកាច់កញ្ចក់រថយន្តរបស់នាង។ ហើយតាមការលើកឡើងខាងលើរបស់លោក ឃុំ ប៉ុណ្ណាដែត គឺថាលោកឧស្សាហ៍ជួបរឿងបែបនេះជាប្រចាំ រហូតលោកហៅខ្លួនឯងថា ជាម៉ូយរបស់លោកចោរទៅហើយ៕