កំពង់ចាម៖ អ្នកនាង គង់ ចាន់ស្រីមុំ និង លោក គឹម សីហា ត្រូវបានមហាជន កោតសរសើរថា ជាប្តីប្រពន្ធដែលមានរូបសម្រស់ស្រស់ស្អាត និងតែងបង្ហាញភាពផ្អែមល្ហែមមើលទៅគួរឲ្យច្រណែន។

តាំងពីចាប់ដៃគ្នាជាប្ដីប្រពន្ធ មុខជំនួញអ្នកទាំងពីរ ក៏កាន់តែកាក់កប មិនធម្មតាឡើយ។ ទន្ទឹមនឹងនេះរាល់ពេលទំនេរ អ្នកទាំងពីរតែងដឹកដៃគ្នាធ្វើដំណើរកម្សាន្ត និងផ្ដិតយកទិដ្ឋភាពស្អាតៗជានិច្ច។

លើសពីនេះទៅទៀត គេតែងសង្កេតឃើញថា ពេលប្ដីប្រពន្ធ តារាមួយគូនេះដើរលេងម្ដងៗ អ្នកទាំងពីរ ក៏មិនភ្លេចចូលធ្វើបុណ្យនៅទីវត្ត មិនថាវត្តក្នុងឬក្រៅប្រទេសនោះទេ។

ជាក់ស្ដែង ប៉ុន្មានខែមុន សីហា និងស្រីមុំ ក៏បាននាំគ្នាទៅធ្វើបុណ្យដល់ប្រទេសថៃ ហើយថ្មីៗនេះ ទោះជាអ្នកទាំងពីរទៅខេត្តបំពេញការងារ ក៏ឆ្លៀតចូលធ្វើបុណ្យតាមផ្លូវដែលជិះកាត់ ដើម្បីសុំសេចក្ដីសុខដែរ។

នេះជាទង្វើគំរូដ៏ល្អ និងគួរឲ្យកោតសរសើរ សម្រាប់គូស្នេហ៍ដ៏ទៃទៀត ហើយយើងជឿជាក់ថា ប្ដីប្រពន្ធមួយគូនេះ នឹងអាចសម្រេចតាមបំណងដែលខ្លួនបានប៉ង៕