យុវតីរងគ្រោះ រៀបរាប់ហេតុការណ៍ ជនសង្ស័យជិះម៉ូតូស្ទាក់ចាប់អូសចូលព្រៃ

យុវតីរងគ្រោះ រៀបរាប់ហេតុការណ៍ ជនសង្ស័យជិះម៉ូតូស្ទាក់ចាប់អូសចូលព្រៃ

ខេត្តរតនគិរី ៖ ក្មេងស្រីរងគ្រោះម្នាក់ ដែលត្រូវជនសង្ស័យជិះម៉ូតូមកស្ទាក់ផ្លូវបំណងចាប់រំលោភតែមិនបានសម្រេច ត្រង់ចំណុចព្រៃកប់ខ្មោច ក្នុងភូមិ៣នោះ អាឡូវនេះនាងបានធូរស្រាល និងរៀបរាប់ពីហេតុការណ៍នោះនៅថ្ងៃទី៥ ខែសីហា ឆ្នាំ២០១៧ វេលាម៉ោង៣រៀល ស្ថិតក្នុងមន្ទីរពេទ្យបង្អែកខេត្តរតនគិរី ។

បើតាមការរៀបរាប់របស់ក្មេងស្រីរងគ្រោះឲ្យដឹងថា មុនពេលកើតហេតុនាងចេញពីសាលាឯកជនកុលម្ព័ន្ធត្រឡប់ទៅផ្ទះដោយជិះម៉ូតូម្នាក់ឯង ស្រាប់តែមានបុរសម្នាក់មិនស្គាល់មុខឈប់ម៉ូតូកណ្តាលផ្លូវ (ម៉ូតូរៀងកញ្ចាស់មិនស្គាល់ម៉ាក) ហើយប្រុសនោះអាយុ២៥-៣០ឆ្នាំ បានហៅឱ្យនាងយប់ នាងក៏បន្ថយល្បឿន ។ រីឯជននោះក៏ហក់ចាប់ដៃម៉ូតូធ្វើឱ្យនាងដួល រួចចាប់សក់នាងអូសចូលព្រៃ ទោះបីនាងអង្វរថា «ពូចង់យកអីក៏យកទៅកុំធ្វើបាបខ្ញុំ» តែទោះនាងខំអង្វរយ៉ាងណាក៏ជននោះមិនស្តាប់ និងចាប់វ៉ៃនាងចំមុខ ។ ពេលនោះនាងយកជើងធាក់ផង ខ្ញាំផងធ្វើឲ្យជននោះខឹងវ៉ៃនាងរហូតរបួសពេញៗមុខ រួចនាងធ្វើជាសន្លប់ ហើយជននោះអូសម៉ូតូនាង និងម៉ូតូរបស់គេដាក់ក្បែរព្រៃបំណងកុំឱ្យគេឃើញងាយស្រួលធ្វើសកម្មភាព តែចៃដន្យមានភ្លើងម៉ូតូអ្នកភូមិជិះកាត់ ជននោះអូសម៉ូតូចូលព្រៃជិះគេចខ្លួនបាត់ រួចនាងក៏រត់សំដៅទៅផ្ទះឱ្យបងប្អូនជួយ ។ ពេលជននោះកំពុងធ្វើសកម្មភាពបានសួរនាងថា «ឯងកូនពីណា» នាងឆ្លើយថា «ឪពុកខ្ញុំឈ្មោះ ពូណាង» រួចហើយនាងក៏បាត់ខ្សែ.កប្លាទីន១ខ្សែទម្ងន់៤ជី ហើយជនល្មើសធ្វើមកលើរូបនាងឃោរឃៅខ្លាំងណាស់ សំណាងហើយបានអ្នកភូមិ កុំអីនាងស្លាប់បាត់ទៅហើយ។

គួររំលឹកថា ក្មេងស្រីរងគ្រោះឈ្មោះ យ៉ន ផារី អាយុ15ឆ្នាំ មុខរបរសិស្សថ្នាក់ទី10 រស់នៅភូមិចាអ៊ុង ឃុំចាអ៊ុង ស្រុកអូរជុំ ចំណែកម៉ូតូម៉ាក Z00MERX ជិះចេញពីសាលាឯកជនកុលម្ព័ន្ធពេលយប់ ស្រាប់តែលេចមុខជនសង្ស័យនោះបំណងរំលោភតែម្តង រីឯក្មេងស្រីរងគ្រោះត្រូវក្រុមគ្រួសារបញ្ជូនមកសម្រាកព្យាបាលនៅមន្ទីរពេទ្យបង្អែក ។ ហើយតាមការត្រួតពិនិត្យកន្លែងកើតហេតុជាចំណុចឃ្លាតឆ្ងាយពីផ្ទះអ្នកភូមិ ទើបជនសង្ស័យមានឱកាសប៉ងចាប់រំលោភនាង តែមិនបានសម្រេច ។

តាមប្រភពមន្ទីរពេទ្យឱ្យដឹងថា ក្មេងស្រីរងគ្រោះមានស្នាមរបួសជាច្រើនកន្លែងដោយវាយនឹងដៃ ពេលនេះមន្ត្រីពេទ្យកំពុងយកចិត្តទុកដាក់ព្យាបាលនារីរងគ្រោះបានធូរស្រាលខ្លះហើយ។ បច្ចុប្បន្ន សមត្ថកិច្ចនគរបាលជំនាញកំពុងស្រាវជ្រាវ ដើម្បីនាំជនសង្ស័យមកផ្តន្ទាទោសតាមច្បាប់ ៕