(ភ្នំពេញ)៖ ពិធីការិនីសំបូរវោហារស័ព្ទមិនចេះរីងស្ងួត ត្រូវបានគេដាក់រហ័សនាមថា ជាពិធីការនីសាច់ចាំ នៅតែមានភាពស្រស់ស្អាតវ័យក្មេង សាច់ផូរផង់ដដែល អ្នកនាង គង់ សុជាតិ ថ្មីៗនេះ បានដឹកដៃក្រុមគ្រួសារមានលោក ជា វិបុល ជាស្វាមី និងកូនស្រីច្បងម្នាក់ផងនោះ ធ្វើដំណើរកម្សាន្តនៅប្រទេសថៃ ជាលក្ខណៈឯកជន។ តាមរយៈរូបថត៤សន្លឹក នាងបានបង្ហោះមក ដើម្បីឲ្យប្រិយមិត្តអ្នកគាំទ្រដឹងថា នាងកំពុងតែមានដំណើរកម្សាន្ត នៅប្រទេសថៃជាមួយកូនស្រី និងស្វាមី ដើម្បីបង្កើនភាពស្និទ្ធស្នាល រវាងគ្នានឹងគ្នា និងកាន់តែធ្វើឲ្យចំណងអាពាហ៍ពិពាហ៍ កាន់តែស្អិតរមួតថែមមួយកម្រិត។

ពិធីការិនីសម្រស់អមតៈ អ្នកនាង គង់ សុជាតិ ត្រូវបានគេដឹងថា ពីមួយថ្ងៃទៅមួយថ្ងៃ មានការងារមមាញឹកខ្លាំងណាស់ ទាំងការគ្រប់គ្រងមុខជំនួញ ទាំងការងារសិល្បៈ និងការគ្រប់គ្រង មើលថែទាំកូននៅក្នុងគ្រួសារ។ ប៉ុន្តែទោះបីជាអ្នកនាង មានការមមាញឹករហូតដល់ស្ទើរតែគ្មាន ពេលឈប់សម្រាកយ៉ាងណាក៏ដោយ នាងនៅតែឆ្លៀតពេល នាំគ្រួសារទៅប្រទេសថៃ ដើម្បីលំហែអារម្មណ៍ បំបាត់ការនឿយហត់ពីការងារសិល្បៈ។ ចំនែកឯការងារសិល្បៈនៅក្នុងប្រទេសកម្ពុជាវិញ ត្រូវបានគេគិតថា អ្នកនាងអាចនឹងផ្ទេរទៅឲ្យអ្នកផ្សេងកាន់កាប់ជំនួស ឬអាចបំពេញកិច្ចការងារដោយខ្លួនឯង នៅពេលត្រឡប់មកពីដើរកម្សាន្តប្រទេសថៃវិញ។

ទោះជាមានការរវល់នឹងការងារ យ៉ាងណា ជីវិតស្នេហារបស់ប្ដីប្រពន្ធមួយគូនេះ នៅតែមានភាពផ្អែមល្ហែម គេឃើញមានជាការថតរូបភាពស្និទ្ធស្នាល ជាមួយគ្នាជាច្រើន

ដែលរហូតមកដល់ពេលនេះ អ្នកទាំង២ បានទទួលនូវចំណងដៃ កូនស្រីដ៏ស្រស់ស្អាតមួយ ហើយកូនស្រីរបស់អ្នកនាង គង់ សុជាតិ ក៏ជាអ្នកតំណាងឲ្យផលិតផលទឹកដោះគោ Nutrilatt ផងដែរ៕