ភ្នំពេញ៖បវរកញ្ញាពិភពលោកប្រចាំឆ្នាំ២០១៦ ជនជាតិអេក្វាឌ័រ កញ្ញា អេនជីឡា បូនីឡា(Angela Bonilla) បានអញ្ជើញមកទស្សនកិច្ចនិងធ្វើសកម្មភាពមនុស្សធម៌នៅក្នុងព្រះរាជាណាចក្រកម្ពុជាពីថ្ងៃទី១១ដល់២៤ខែកក្កដា ឆ្នាំ២០១៧ ក្នុងគោលបំណងស្វែងយល់អំពីវប្បធម៌ និងសង្គមកម្ពុជា។

ជាផ្នែកមួយនៃដំណើរទស្សនកិច្ចនៅកម្ពុជា បវរកញ្ញាពិភពលោករូបនេះ បានអញ្ជើញមកហ្សបភីងនៅហាង POSH ដែលមានទីតាំងស្ថិតនៅជិតផ្សារទំនើបសូរិយា តាម បណ្តោយ ផ្លូវ១៥៤ (ជាប់ក្រុមហុន Metfone) កាលពីរសៀលថ្ងៃទី១៩ ខែ កក្កដា ឆ្នាំ២០១៧។

POSH ជាហាងលក់សម្លៀកបំពាក់ កាបូប & ស្បែកជើង នារីដ៏ល្បីតាំងពីឆ្នាំ ២០០៨ ដែលបាននាំសម្លៀកបំពាក់ប្រេនម៉ាក អាយអូរ៉ា (IORA) រ៉ូបដ៏ស្រស់ស្អាត ម៉ាក MOONRIVER និងស្បែកជើង ម៉ាកហ៊ីតវ៉េវ ( HEATWAVE )។ 

ក្នុងកំឡុងពេលនោះ ហាងPOSH ដែលទិញប្រែននែមពីសិង្ហបុរីបានរៀបចំពិធីទទួលស្វា គមន៍យ៉ាងកក់ក្តៅនិងយ៉ាងរាក់ទាក់ជូនបវរកញ្ញា អេនជីឡា បូនីឡានិងទទួលស្វាគមន៏អតិថិជនផង ដែរ។

ភ្ញៀវកិត្តិយសទាំងអស់អាចមានឱកាសថតរូបអនុស្សាវរីយ៍ជាមួយបវរកញ្ញាពិភពលោកព្រម ទាំងមានបំរើ អាហារសំរន់ និង ភេសជ្ជៈផងដែរ។

ក្នុងឱកាសនេះដែរ តារាភាពយន្តជើងចាស់ លោកស្រី ឌី សាវ៉េត ក៏បានចូលរួមក្នុងពិធីស្វាគមបវរកញ្ញា អេនជីឡា បូនីឡាផងដែរ។ 

លោកស្រី សេង ពុទ្ធារី សហស្ថាបនិករបស់ POSH បានមានប្រសាសន៍ ថា« នេះ ជាកិត្តិយសនិងមោទនភាពរបស់ព្រះរាជាណាចក្រកម្ពុជា ក៏ដូចជាហាង HEATWAVE ដែលបានទទួលស្វាគមវត្តមានបវរកញ្ញាពិភពលោក»៕

លោកស្រីបានបន្តថា« វត្តមានកញ្ញាអេនជីឡា បូនីឡា នឹងជួយផ្សព្វផ្សាយអំពីព្រះរាជាណាចក្រកម្ពុជាទៅកាន់ពិភពលោកជាពិសេសអំពីវប្បធម៌និងការអភិវឌ្ឍរបស់កម្ពុជា ព្រមទាំងហាងលក់ផលិតផលល្បីៗ»៕