ភ្នំពេញ៖ បុរសម្នាក់របួសធ្ងន់ ខណៈប្រពន្ធ និងអ្នកបម្រើបានស្លាប់ បន្ទាប់ពីរថយន្ត របស់គាត់បើក គេចម៉ូតូរួចរ៉េចង្កូត ទៅបុកដើមត្នោត នៅផ្លូវជាតិលេខ៦ ស្ថិតនក្នុងភូមិសណ្តាន់ ឃុំចំណាក្រោម ស្រុកស្ទោង ខេត្តកំពង់ធំ នៅម៉ោងប្រមាណ ១០៖៣០នាទី ព្រឹកថ្ងៃទី២៣ ខែមេសា ឆ្នាំ២០១៧នេះ ។

បើតាមអ្នកភូមិសណ្តាន់ បានឲ្យដឹងថា នៅមុនពេលកើតហេតុ រថយន្តលុចស៊ីស បានធ្វើដំណើរ ក្នុងទិសដៅពីភ្នំពេញ ទៅសៀមរាប លុះដល់ចំណុច ភូមិសណ្តាន់ ក៏បានបើក គេចម៉ូតូមួយគ្រឿង រួចរ៉េចង្កូតធ្លាក់ផ្លូវ បុកដើមត្នោតតែម្តង បណ្តាលឲ្យអ្នកបើក បររងរបួសធ្ងន់ និងអ្នករួមដំណើរ ពីរនាក់ស្លាប់ភ្លាមៗ ។

បើតាមអាជ្ញាធរមូលដ្ឋាន បានឲ្យដឹងថា អ្នកបើកបរឈ្មោះ ចាន ណា ភេទប្រុស អាយុ៥៤ឆ្នាំ នៅភូមិពាមរ ឃុំពាមរ ស្រុកពាមរ ខេត្តព្រៃវែង បានរងរបួសធ្ងន់ ដោយឡែស្ត្រីជាប្រពន្ធឈ្មោះ ការ ណារី អាយុ៥៥ឆ្នាំ បានស្លាប់ ហើយនិងអ្នកបម្រើ ផ្ទះម្នាក់ទៀត ឈ្មោះ ស្រី ទូច ភេទស្រីអាយុ១៣ឆ្នាំ ក៏បានស្លាប់ភ្លាមៗ ផងដែរ ៕

ប្រភព : ដើមអម្ពិល