ផឹកស៊ីបង្កជម្លោះ! ក្លាយទៅជាអំពើឃាតកម្ម សម្លាប់បុរសម្នាក់ នៅស្រុកកណ្តាលស្ទឹង សមត្ថកិច្ចឃាត់ខ្លួនជនដៃដល់ភ្លាមៗ

ផឹកស៊ីបង្កជម្លោះ! ក្លាយទៅជាអំពើឃាតកម្ម សម្លាប់បុរសម្នាក់ នៅស្រុកកណ្តាលស្ទឹង សមត្ថកិច្ចឃាត់ខ្លួនជនដៃដល់ភ្លាមៗ

(កណ្តាល)៖ បុរសម្នាក់ត្រូវបានដៃគូផឹកស៊ីជាមួយ ព្រួតវាយសម្លាប់ចោល បន្ទាប់ពីពួកគេ បានឈ្លោះពាក្យសម្តី នៅព្រឹកថ្ងៃទី៦ ខែធ្នូ ឆ្នាំ២០១៦នេះ ស្ថិតនៅភូមិប្រជុំអង្គ ឃុំជើងកើត ស្រុកកណ្តលស្ទឹង ខេត្តកណ្តាល។ យ៉ាងណាក៏ដោយ ក្រោយកើតហេតុភ្លាមៗ កម្លាំងសមត្ថកិច្ចបានឈានដល់ចាប់ខ្លួនជនសង្ស័យបានម្នាក់ផងដែរ។

សាក្សីបាននិយាយថា មុនពេលកើតហេតុ គេឃើញមានមនុស្សមួយក្រុមមានគ្នា៥ទៅ៦នាក់ បាននាំគ្នាទៅផឹកស៊ីនៅខ្ទមមួយកន្លែង គ្មានមនុស្សរស់នៅស្ថិតនៅភូមិប្រជុំអង្គ ឃុំជើងកើត ស្រុកកណ្តលស្ទឹង ខេត្តកណ្តាល។ លុះរហូតដល់ម៉ោង១១និង១០នាទីព្រឹកថ្ងៃដដែល ស្រាប់តែគេប្រទះឃើញជនរងគ្រោះម្នាក់ ស្លាប់នៅចំណុចខ្ទបកើតហេតុ ហើយភ្ញាក់ផ្អើលរាយការណ៍ប្រាប់សមត្ថកិច្ចចុះពិនិត្យ។

សមត្ថកិច្ចមូលដ្ឋាននៅពេលបច្ចុប្បន្ននេះ ត្រូវគេរាយការណ៍ថា បានស្រាវជ្រាវឈានដល់ការចាប់ខ្លួនជនសង្ស័យម្នាក់ហើយដើម្បីសាកសួរ ។

អត្តសញ្ញាណជនរងគ្រោះ គេនៅមិនទាន់ស្គាល់នៅឡើយទេ ខណៈសមត្ថកិច្ចកំពុងស៊ើបអង្កេត៕

ប្រភព ៖ Fresh News

កំណត់ហេតុខ្មែរឡូត៖

ស្រដៀងគ្នានេះដែរ ករណីមួយផ្សេងទៀត ផឹកស៊ីផ្ទុះជម្លោះចាក់គ្នាធ្លាយពោះវៀន។ គួររំលឹកផងដែរថា បុរសម្នាក់បានរងរបួស ធ្លាយពោះចេញពោះវៀនមកក្រៅ ដោយសារតែជម្លោះ ក្នុងវង់ផឹកស៊ីត្រូវគេចាក់។

ហេតុការណ៍ខាងលើនេះ បានកើតឡើងកាលពីវេលា ម៉ោងជាង២ ថ្ងៃទី១៧ ខែតុលា ឆ្នាំ២០១៦ កន្លងទៅ នៅបន្ទប់ជួលមួយក្នុង ភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត។

ជនរងគ្រោះឈ្មោះ ឆេ ឈិន ភេទប្រុស អាយុ៣១ឆ្នាំ ស្នាក់នៅកន្លែងកើតហេតុ ជាបុគ្គលិកកាស៊ីណូហ្គោលដឹនក្រោន ផ្នែកខាងបោសសំអាត។ គេមិនទាន់ប្រាប់លម្អិតពីដើមចមនៃរឿងរ៉ាវ ខាងលើនៅឡើយទេ ប៉ុន្តែប្រភពពីសន្តិសុខកាស៊ីណូប្រាប់ថា ជនដៃដល់ចាប់ខ្លួនបានហើយ។