យោងតាមគេហទំព័ររបស់ CNBC បានឲ្យ​ដឹងថា ប្រទេសដែល​​សម្បូរ ទៅដោយមហា​​សេដ្ឋី លំដាប់ពិភព​​លោក កំពុង​តែផ្លាស់ប្ដូរ លេខរៀងនៃ​​​ចំណាត់ថ្នាក់ ដោយសារតែ​​ស្ថានភាព សេដ្ឋកិច្ចរបស់​​ប្រទេសនីមួយៗ ត្រូវបានផ្អែក​ទៅលើ​ទ្រព្យ​សម្បត្តិ និងតុល្យភាព នៃទឹកប្រាក់ របស់​​មហាសេដ្ឋី ប្រទេសទាំងនោះ ។ ខាងក្រោមនេះ គឺជាប្រទេសទាំង ៥ដែលមាន​​មហាសេដ្ឋី ច្រើនជាងគេ ៖
១. ចក្រភពអង់គ្លេស
មហាសេដ្ឋីដ៏កំពូលនៅក្នុង​ពិភពលោក សម្រាប់ទសវត្សរ៍​កន្លងមកនេះ គឺស្ថិតនៅក្នុង​ចក្រភពអង់គ្លេស ។ រវាងឆ្នាំ ២០០៣ និងឆ្នាំ ២០១៣ ចក្រភព​អង់គ្លេសមាន​លំហូរ នៃទឹកប្រាក់សុទ្ធ​ចំនួនជាង ១១៤ពាន់លាន​ដុល្លារអាម៉េរិក ។  
២. ប្រទេសសិង្ហបុរី
សិង្ហបុរីជាមួយនឹង គោលនយោបាយ​នៃពន្ធ និងសន្តិភាពបាន​ធ្វើឲ្យ ប្រទេស​នេះ ទទួលបាន ចំណាត់​ថ្នាក់ទី២ នៅ​ក្នុង​ចំណោមប្រទេស មហាសេដ្ឋី​របស់ពិភពលោក ដែលមាន​លំហូរ នៃទឹកប្រាក់​សុទ្ធចំនួន ៤៥ពាន់លាន រវាងឆ្នាំ ២០០៣ និងឆ្នាំ ២០១៣ ហើយភាគច្រើន​មហាសេដ្ឋី នៅក្នុងប្រទេសមួយនេះ​គឺជាមហា​សេដ្ឋីអលនទ្រព្យ ។ តិចជាង​ពីរ​ដងនៃលំហូរ ទឹកប្រាក់សុទ្ធ​របស់ មហាសេដ្ឋ​អង់គ្លេស ។
៣. សហរដ្ឋអាមេរិក
ជាប្រទេសមហាសេដ្ឋី ដែលស្ថិត​នៅចំណាត់ថ្នាក់ទី៣ នៅ​រវាងឆ្នាំ ២០០៣ និងឆ្នាំ ២០១៣ ដែលមាន​លំហូរ នៃទឹក​ប្រាក់សុទ្ធចំនួន ៤២ពាន់លាន​ដុល្លារអាម៉េរិក ។ នៅក្នុងប្រទេស​មហាអំណាច​មួយនេះ ភាគច្រើនសម្បូរ​​មហាសេដ្ឋី ខាងវិនិ​យោគទុន ។
៤. ប្រទេសអូស្ត្រាលី
យោងតាមរបាយការណ៍ នៃទ្រព្យ​​សម្បត្តិថ្មី របស់ពិភពលោក​បានឲ្យដឹងថា អូស្រ្តាលី​ជាប្រទេសស្ថិត នៅក្នុងចំណាត់​ទី៤ នៃប្រទេស​មហាសេដ្ឋី នៅក្នុងពិភពលោក ដែលមាន​លំហូរ នៃទឹកប្រាក់សុទ្ធ ចំនួនជាង ២២ពាន់លាន​ដុល្លារអា​ម៉េរិក ។ អូស្ត្រាលីជាប្រទេស​មួយ ដែលរីកចម្រើនទៅ​លើវិស័យ ឧស្សាហកម្ម និងកសិកម្ម និងជាប្រទេស​ដែលនាំ ចេញសាច់គោច្រើន​ជាងគេបំផុត ។
៥. ប្រទេសចិន
យោយតាមរបាយការណ៍ ដដែលបាន​ឲ្យដឹងថា ចិនជាប្រទេស​មហាសេដ្ឋី ស្ថិតក្នុង​ចំណាត់ថ្នាក់ទី៥ និងជាប្រ​ទេស​មហាអំណាច សេដ្ឋីធំលំដាប់ទី​២របស់ពិភព ។ ក្នុងនោះមហា​សេដ្ឋី ជនជាតិចិន​ភាគច្រើន រស់នៅក្នុង​ទីក្រុងហុងកុង ដែលមានលំហូរ នៃទឹកប្រាក់​សុទ្ធចំនួន ២២ពាន់លាន​ដុល្លារអាម៉េរិក ៕
 (ប្រភព៖ដើមអម្ពិល)