ស្ពានអាកាសស្ទឹងមានជ័យត្រូវបានដាក់អោយប្រើប្រាស់ក្រោមអធិបតីភាពលោកនាយករដ្ឋមន្ត្រី ហ៊ុន សែន

ស្ពានអាកាសស្ទឹងមានជ័យត្រូវបានដាក់អោយប្រើប្រាស់ក្រោមអធិបតីភាពលោកនាយករដ្ឋមន្ត្រី ហ៊ុន សែន

ស្ពានអាកាសថ្មីស្ទឹងមានជ័យដែលចំណាយពេលកសាងអស់ជាង១ឆ្នាំនោះ ពេលនេះត្រូវបានប្រកាសបើកអោយប្រើប្រាស់ជាផ្លូវការក្រោមអធិបតីភាពរបស់លោកនាយករដ្ឋមន្ត្រីហ៊ុន សែន នៅព្រឹកថ្ងៃទី៣១ កក្កដា ២០១៤។

នេះជាស្ពានអាកាសទី៣ហើយដែលបានត្រូវកសាងឡើងនៅទីក្រុងភ្នំពេញដ៏ចំណាស់ និងធ្លាប់មានប្រវត្តិដ៏ជូចត់មួយនេះ ដែលស្ពានអាកាសទី១គឺស្ពានអាកាសក្បាលថ្នល់ និងស្ពានអាកាសទី២ គឺស្ពានអាកាស៧មករា នៅតាមបណ្តោយផ្លូវសហព័ន្ធរុស្ស៊ី។

ស្ពានអាកាសស្ទឹងមានជ័យបានចាប់ផ្ដើមកសាងពីថ្ងៃទី២៦ ខែវិច្ឆិកា ឆ្នាំ២០១២ ដោយចំណាយពេលជាង ១ឆ្នាំ ហើយត្រូវចំណាយថវិកាសរុបចំនួន ១៧លានដុល្លារអាមេរិក។ ក្រុមហ៊ុនដែលម៉ៅការសាងសង់ស្ពានអាកាសនេះ គឺក្រុមហ៊ុន អូស៊ីអាយស៊ី (OCIC) ។

ក្រោយការប្រកាសបើកឲ្យដាក់ដំណើរការស្ពានអាកាសស្ទឹងមានជ័យនេះ គេរំពឹងថាកម្ពុជានិងបើកការដ្ឋានមួយកន្លែងទៀតនៅស្ដុបទួលគោកជិតវិទ្យាស្ថានបច្ចេកវិទ្យានៃ កម្ពុជា (ហៅសាលាតិចណូ) នេះបើតាមសម្តីរបស់លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ ដែលបានចុះផ្សាយដោយវីទ្យុអាស៊ីសេរីកាលពីថ្ងៃទី ២៦កក្កដា២០១៤៕