Town ព្រមានទារសំណងជំងឺចិត្ត ៣០ ម៉ឺនដុល្លារ ពីអ្នកលួចចម្លងស្នាដៃរបស់ខ្លួន

Town ព្រមានទារសំណងជំងឺចិត្ត ៣០ ម៉ឺនដុល្លារ ពីអ្នកលួចចម្លងស្នាដៃរបស់ខ្លួន

កាលពីម្សិលមិញនេះ ផលិតកម្ម Town បានចេញសេចក្ដីជួនដំណឹងមួយ ស្ដីពីការចេញលក់បទចម្រៀងរបស់ខ្លួន ដើម្បីអបអរពិធីបុណ្យចូលឆ្នាំថ្មីប្រពៃណីជាតិខ្មែរ នាពេលដ៏ខ្លីខាងមុខនេះ។

ផលិតកម្មនេះ ក៏បានព្រមានចំពោះអ្នករំលោភលើកម្មសិទ្ធិបញ្ញាគ្រប់រូបភាព រួមមាន ការថតចម្លងចម្រៀង ការបោះពុម្ពលើគម្របស៊ីឌី វីស៊ីឌី និង ឌីវីឌី ដោយគ្មានការអនុញ្ញាតពីផលិតកម្ម ទៅអាជីវកម្មដោយខុសច្បាប់។ ប្រការនេះបានធ្វើឲ្យផលិតកម្មរងការខាតបង់ប្រមាណ ៣០ ម៉ឺន ដុល្លារ ក្នុងមួយឆ្នាំ នាំឲ្យបាក់ទឹកចិត្តក្នុងការផលិត។

នៅក្នុងលិខិតចុះហត្ថលេខាដោយចាងហ្វាងផលិតកម្ម បានព្រមានទារសងជំងឺចិត្តចំនួន ៣០ ម៉ឺនដុល្លារអាមេរិក ចំពោះជនណាដែលលួចចម្លងស្នាដៃផលិតកម្មមួយនេះ ដោយខុសច្បាប់ និង ប្ដឹងចោទជនទាំងនោះទៅកាន់តុលាការ ទទួលខុសត្រូវតាមផ្លូវច្បាប់ដែលមានជាធរមាន។

លោក មាស សុខរតនៈ អ្នកចាត់ការទូទៅផលិតកម្មខាងលើបានឲ្យដឹងនៅព្រឹកនេះថា នេះជាអ្វីដែលខាងលោកចង់ធ្វើជាយូរមកហើយ ខណៈការអនុវត្តន៍កន្លងមកហាក់ដូចជាវែកចកនៅក្នុងទឹក។ ម្យ៉ាងទៀត ខាងលោកចង់ឲ្យមហាជនបានដឹងពីផលលំបាក និងការខាតបង់មួយចំនួនរបស់ផលិតកម្មពីការថតចម្លងស្នាដៃ។

លោកបន្តថា នេះជាលើកទី១ហើយដែលផលិតកម្មចេញសេចក្ដីជួនដំណឹងជាផ្លូវការដូច្នេះ។ ទោះបីជាជោគជ័យ ឬមិនជោគជ័យយ៉ាងណាក៏ដោយ ប៉ុន្តែលោកថា ចាំបាច់ផលិតកម្មត្រូវតែធ្វើឡើងឲ្យមហាជនបានដឹង៕

ប្រភព Sabay

មុន បន្ទាប់

មតិយោបល់