ដេកក្នុងបន្ទប់ជួលជាមួយគ្នា ទៀបភ្លឺលួចសើយសំពត់ ស្រាតខោទ្រនាប់

ដេកក្នុងបន្ទប់ជួលជាមួយគ្នា ទៀបភ្លឺលួចសើយសំពត់ ស្រាតខោទ្រនាប់

ខេត្តកំពត ៖ យុវជនម្នាក់ត្រូវបាន សមត្ថកិច្ចចាប់ខ្លួនកាល ពីវេលាម៉ោង៣ទៀបភ្លឺ ថ្ងៃទី២៩ ខែសីហា ឆ្នាំ២០១៦ នៅចំណុចបន្ទប់ជួល ក្រោយខារ៉ាអូខេខួល ស្ថិតក្នុងភូមិសុវណ្ណសាគរ សង្កាត់កំពង់កណ្ដោល ក្រុងកំពត ដោយចោទប្រកាន់ថា បានប៉ុនប៉ងចាប់រំលោភនារីម្នាក់ ។

សមត្ថកិច្ចសង្កាត់ កំពង់កណ្ដោលបានឲ្យដឹងថា យុវជនសង្ស័យដែលត្រូវចាប់ខ្លួនឈ្មោះ ជីវ សុខលាង មានទីលំនៅភូមិស្នំប្រាំពីរ ឃុំម៉ាក់ប្រាំង្គ ស្រុកទឹកឈូ ចំណែកនារីរងគ្រោះ អាយុ១៧ឆ្នាំ មានទីលំនៅសង្កាត់កំពង់បាយ ក្រុងកំពត ។

សមត្ថកិច្ចសង្កាត់ កំពង់កណ្ដោល បានឲ្យដឹងទៀតថា ខណៈកំពុងដេកលង់លក់នៅក្នុងបន្ទប់ជួលជាមួយគ្នា ស្រាប់តែទៀបភ្លឺថ្ងៃទី២៩ ខែសីហា ឆ្នាំ២០១៦ ជនសង្ស័យបានលបលួចសើយសំពត់ និងស្រាតខោទ្រនាប់នារីរងគ្រោះ តែពេលនោះនារីរងគ្រោះដឹងខ្លួនទាន់ ក៏ស្រែកផ្អើលឆោឡោ បង្កការភ្ញាក់ផ្អើល ទើបកម្លាំងនគរបាលចុះទៅអន្តរាគមន៍ចាប់ខ្លួនបានភ្លាមៗតែម្តង ។

ក្រោយពេលចាប់ខ្លួន ជនសង្ស័យត្រូវបាននាំខ្លួន មកធ្វើការសាកសួរ នៅប៉ុស្តិ៍នគរបាល រដ្ឋបាលសង្កាត់កណ្ដោល ដើម្បីចាត់ការតាមនិតិវិធីច្បាប់ ៕

ប្រភព ៖ កោះសន្តិភាព

កំណត់ហេតុខ្មែរឡូត៖

គួររំលឹកដែរថា ដោយឡែកករណីមួយវិញទៀត ឆ្ងល់? ដេកបន្ទប់ផ្សេងគ្នា តែរំលោភបានសម្រេច។ មានការភ្ញាក់ផ្អើលមួយនៅក្នុងផ្ទះសំណាក់យីហោ «ប៊ុនឈន» ក្នុងបន្ទប់លេខ១៦ កាលពីវេលាម៉ោង០៣ព្រឹកថ្ងៃទី១៣ កក្កដា ២០១៦ កន្លងទៅ ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ បន្ទាប់ពីស្ត្រីម្នាក់ បានស្រែកផ្អើលឆោឡោប្តឹងម្ចាស់ផ្ទះសំណាក់ថា បុរសម្នាក់ចូលទៅចាប់រំលោភនាង រហូតបានសម្រេច ។ តែហេតុការណ៍ផ្អើលនេះ នៅយប់ពេក គេបានចាត់ការបែបណានោះទេ ដោយរង់ចាំព្រឹក ទើបរាយការណ៍ជូនសមត្ថកិច្ចដោះស្រាយ បន្ត ។

ប្រភពឱ្យដឹងថា ស្ត្រីរងគ្រោះមានអាយុ២៧ឆ្នាំ (ជាស្ត្រីមេម៉ាយ) ។ ចំណែកបុរសដែលរងការចោទប្រកាន់ ឈ្មោះសុទ្ធ សុធន់ អាយុ៣១ឆ្នាំ ជាកម្មកររោងចក្រ មានស្រុកកំណើតនៅភូមិព្រៃនប់ សង្កាត់ព្រៃនប់ ខេត្តព្រះសីហនុ បច្ចុប្បន្ន ស្នាក់នៅផ្ទះជួលក្នុងភូមិកើតហេតុ ។

ប្រភពបន្តថា មុនពេលកើតហេតុត្រូវគេដឹងថា ពួកគេទាំង២នាក់បានចូលក្លិបមួយកន្លែង នៅក្នុងភូមិកើតហេតុខាងលើ តែមិនដឹងថា ពួកគេស្គាល់គ្នាឬមិនស្គាល់គ្នាទេ ។ បន្ទាប់មក ពួកគេចូលទៅផ្ទះសំណាក់ដេក ដោយបុរសដេកបន្ទប់លេខ៧ រីឯនារីដេកបន្ទប់លេខ១៦ ។

ភាគីបុរសត្រូវដឹងទៀតថា បានផឹកស្រាបៀរអស់៦កំប៉ុង (ABC) នៅក្នុងក្លិបស្រវឹងទៅហើយ ។ ស្រាប់តែនៅម៉ោង០៣ទៀបភ្លឺនោះ ស្រាប់តែស្ត្រីរងគ្រោះបានរត់ចេញពីបន្ទប់ស្រែកដោយប្តឹងម្ចាស់ផ្ទះសំណាក់ថា បុរសនោះចូលទៅចាប់រំលោភនាងក្នុងបន្ទប់ ។

នៅព្រឹកថ្ងៃទី១៣ កក្កដា ដដែលនោះ សមត្ថកិច្ចក៏បាននាំបុរសខាងលើ ទៅសាកសួរនៅប៉ុស្តិ៍ ដោយត្រូវស្ត្រីរងគ្រោះបានទាមទារសំណង២ពាន់ដុល្លារ ដើម្បីបញ្ចប់រឿង តែខាងភាគីខាងប្រុស នៅមិនទាន់មានចម្លើយនោះទេ ។