មណ្ឌលគិរី៖ ជនសង្ស័យចំនួន២នាក់ ដឹកជញ្ជូនសត្វព្រៃ ចំនួន១០៣គីឡូក្រាមតាមរយៈ រថយន្តកាមឺរីមួយគ្រឿងដែល មន្រ្តីជំនាញគ្រប់គ្រងដែន ព្រៃហាមឃាត់​ និងរឹបអូសបាន ទាំងវត្ថុតាងជនល្មើស នៅស្រុកកោះញែក ប្រតិបត្តិការនេះ បានធ្វើឡើងកាលល្ងាច ពីថ្ងៃទី៦​ ខែសីហា​ ឆ្នាំ២០១៦ស្ថិតនៅភូមិឈួល ឃុំ ស្រែហ៊ុយ ស្រុក កោះញែកខេត្តមណ្ឌលគិរីនោះត្រូវ បានគេដោះលែងជនល្មើស ចំនួន២នាក់នោះទៅ វិញយ៉ាងរលូនត្រឹមមន្ទី របរិស្ថានខេត្តមណ្ឌលគិរី ។

ជនល្មើស២នាក់ដែលមន្ត្រី ជំនាញការពារសត្វព្រៃ បានបង្ក្រាប​ និងឃាត់ខ្លួន បាននៅស្រុកោះញែក ជនសង្ស័យចំនួន៣នាក់ ដោយមានម្នាក់ មិនទាន់គ្រប់អាយុ ត្រូវដោះលែងវិញចំនែក២នាក់​ ឈ្មោះ សម្បត្តិ​ វុទ្ធថា នឹងម្នាក់ទៀតឈ្មោះ សម្បិត្ត វុទ្ធី ដោយរឹបអូសបានរថយន្ត ម៉ាកកាម៉ារីស្វិត ពណ៌ទឹកប៉ិច ១គ្រឿងរួមទាំងសត្វព្រៃ ចំនួន ១០៣ គីទ្បូក្រាម មានសត្វត្រកួត ចំនួន ៤០ក្បាល ស្វា១ ក្បាល ពពឹច១ ពោះវែកក្បាល ៦ អណ្ដើក ៨ក្បាល និងសំពោច១ក្បាល ។

ករណីនេះធ្វើឡើងកាលថ្ងៃទី ៦ ខែសីហា ឆ្នាំ២០១៦ វេលាម៉ោង ១៧.០០នាទី នៅចំនុច ភូមិ ឈួល ឃុំ ស្រែហ៊ុយ ស្រុកកោះញែក ។ ក្រោយធ្វើការចាប់​ បង្ក្រាបសត្វព្រៃ ខាងលើនោះនៅព្រឹក ថ្ងៃទី៧ខែសីហាឆ្នាំ២០១៦នេះ សត្វព្រៃដែលរឹបអូសបាន ត្រូវប្រលែងឲ្យចូលព្រៃ មានសេរីភាពជាធម្មតាវិញហើយ ដោយមានប្រធានមន្ទីរ បរិស្ថានខេត្ត នាយកដែនជម្រក សត្វព្រៃស្រែពក និងតំណាងអង្គការ wwf ព្រមទាំងមាន មន្រ្តីឧទ្យានុរក្សមួចំនួនទៀតបានចូលរួមប្រលែងនៅចំណុចព្រៃក្បែរទីស្នាក់ការអភិរក្សត្រពាំងធ្មៀរ ក្នុងស្រុកកោះញែក​។

មហាជនកំពុងរង់ចាំមើល ចំណាត់ការរបស់មន្រ្តី ជំនាញដែលកំពុងចាត់ការ លើជនល្មើសមេឈ្មួញជួញដូរ សត្វព្រៃយ៉ាងសកម្មទាំង២នាក់ មកឲ្យខាងអយ្យការដើម្បី ចាត់ការតាមច្បាប់យ៉ាងអន្ទះសារ​ ប៉ុន្តែអ្វីដែលមហាជននៅ មណ្ឌលគិរី​ បានសម្តែងនូវការខកចិត្ត យ៉ាងខ្លាំងនោះជនល្មើសចំនួន២នាក់ រថយន្ត១គ្រឿងដែលជំនាញឃាត់ខ្លួន បានមានភស្តុតាងជាក់ស្តែង បែរជាត្រូវគេដោះលែង ជនសង្ស័យទាំងនោះ អោយមានសេរីភាព នៅមន្ទីរបរិស្ថានខេត្តមណ្ឌលគិរី យ៉ាងរំភើយគ្មានផលរំខានឡើយ ។

ពាក់ព័ន្ធនិងការដោះលែងជនសង្ស័យ ដែលជាជនល្មើសមេឈ្មួញជួញដូរ សត្វព្រៃខាងលើនេះអ្នកឆ្លើយឆ្លង ព័ត៌មានយើងបានសុំការបំភ្លឺពីលោក ឌិន ប៊ុនធឿន នាយកដែនជម្រកសត្វព្រៃស្រែ ពក នៅរសៀលថ្ងៃនេះលោកបាន បញ្ជាក់ប្រាប់ថា ជនសង្ស័យ២នាក់នេះ ពិតជាបានដោះលែងឲ្យមានសេរីភាព វិញហើយគឺដោះលែងនៅមន្ទីរ បរិស្ថានខេត្តមែនដោយសារ ច្បាប់យល់ឃើញថា សត្វព្រៃខាងលើនេះមិនមែន ជាប្រភេទសត្វព្រៃកម្រនោះទេ ដូច្នេះមានការធ្វើការផាកពិន័យ អន្តរកាលយកថវិការបង់ចូលរដ្ឋ និងណែនាំឲ្យបញ្ឈប់ការ ជួញដូរតទៅទៀត ។ លោកនាយករូបនោះបាន បញ្ជាក់យ៉ាងខ្លីថា រឿងហ្នឹងមានតែប៉ុណ្តឹង ។​

ឯលោក មូល ផាត ប្រធានគម្រោងអភិរក្សតំបន់ ទេសភាពខ្ពង់រាបភាគខាងកើត នៅរសៀលថ្ងៃទី៧ខែសីហាឆ្នាំ២០១៦នេះ បានសម្តែងនូវការសោកស្តាយយ៉ាងខ្លាំង រាល់ការបាត់បង់សត្វព្រៃយ៉ាង ច្រើនសន្ធឹកសន្ធាប់អាចបង្កឡើង ដោយមានអ្នកជួញដូរសត្វព្រៃ ចេះតែកើនឡើង មានអ្នកញៀនការប្រម៉ាញ់ សត្វព្រៃដោយការបាញ់ ប្រហារដោយគ្រាប់កាំភ្លើង ច្រើននាក់ (អ្នកឆ្លុះយប់) ព្រានព្រៃ អ្នកដាក់អន្ទាក់ច្រើន គ្មានការថមថយសោះកត្តា ទាំងនេះហើយធ្វើអោយសត្វព្រៃ គ្រប់ប្រភេទនៅតំបន់មណ្ឌលគិរី ទាំងតូច ធំ ប្រឈមទៅការបាត់បង់ បណ្តើរៗ ។

លោកប្រធានគម្រោងបានធ្វើការ សំណូមពរនិងស្នើរឲ្យអជ្ញាធរ តាំងពីមូលដ្ឋានភូមិ ឃុំ ស្រុកនិងអាជ្ញាធរមាន សមត្ថកិច្ចទាំអស់រួម សហការគ្នឲ្យបានជិតស្និទ្ធ ដើម្បីទទួលបានព័ត៌មាន ពីសកម្មភាពនេះពីមូលដ្ឋាន និងឈានទៅរកការទប់ស្កាត់ និងធ្វើការបង្រ្កាប ។

លោកថាមានតែមូលដ្ឋានផ្ទាល់ ទេដែលបានដឹងរឿងនេះច្បាស់បំផុត ដូច្នេះសូមជួយធ្វើការផ្តល់ព័ត៌មាននេះ ដល់មន្រ្តីឧទ្យានុរក្សឈានទៅរក ការទប់ស្កាត់។មិនតែប៉ុណ្ណោះ លោកបានធ្វើការសំណូមពរដល់មន្រ្តី អនុវត្តច្បាប់មេត្តាដាក់ទោស ឲ្យបានធ្ងន់ធ្ងរដល់ជន ដែលបានប្រព្រឹត្ត ។ ពាក់ព័ន្ធការដោះលែងជនសង្ស័យ ពីរនាក់ខាងលើនេះអ្នកឆ្លើយឆ្លង ព័ត៌មានយើងមិនអាចធ្វើការ ទាក់ទង សុំការបំភ្លឺបានទេថ្ងៃនេះ ៕

ប្រភព ៖ ដើមអម្ពិល

ខ្មែរឡូត