នគរបាលអន្តោប្រវេសន៍ និងនគរបាលខេត្តកំពង់ស្ពឺ ឃាត់ខ្លួនជនជាតិ វៀតណាម១៣នាក់ ជិះម៉ូតូស្លាកលេខ វៀតណាម

នគរបាលអន្តោប្រវេសន៍ និងនគរបាលខេត្តកំពង់ស្ពឺ ឃាត់ខ្លួនជនជាតិ វៀតណាម១៣នាក់ ជិះម៉ូតូស្លាកលេខ វៀតណាម

(កំពង់ស្ពឺ)៖ នៅរសៀលថ្ងៃទី២២ ខែកក្កដា ឆ្នាំ២០១៦ នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ បានសហការជាមួយការិយាល័យអន្តោប្រវេសន៍ នៃស្នងការដ្ឋាននគរបាលខេត្តកំពង់ស្ពឺ បានឃាត់ខ្លួនជនជាតិវៀតណាមចំនួន១៣នាក់ (ស្រីម្នាក់) ពីបទជិះម៉ូតូពាក់ស្លាកលេខវៀតណាមចំនួន១១គ្រឿង ដើរលក់តង់ និងប្រើប្រាស់ទិដ្ឋាការខុសទិសដៅ។

សមត្ថកិច្ចបានបញ្ជាក់ថា ការឃាត់ខ្លួននេះធ្វើឡើង នៅចំណុចផ្ទះសំណាក់ ថ្មត្រជាក់ ភូមិសំណង់ សង្កាត់រការធំ ក្រុងច្បារមន ខេត្តកំពង់ស្ពឺ។

ជនសង្ស័យទាំងអស់ត្រូវបានបញ្ជូនមក អគ្គនាយកដ្ឋានអន្តោប្រវេសន៍ ដើម្បីធ្វើការសាកសួរ និងធ្វើការបណ្តេញចេញឲ្យទៅ ប្រទេសរបស់ខ្លួនវិញ។

គួររំលឹកផងដែរ ជនបរទេសទាំងឡាយ ដែលប្រើប្រាស់ មធ្យោបាយធ្វើដំណើរ មិនមែនជាស្លាកលេខរបស់កម្ពុជា ត្រូវធ្វើការទាក់ទងទៅមន្រ្តីគយ និងសមត្ថកិច្ចពាក់ព័ន្ធ តាមបណ្តាច្រកទ្វារអន្តរជាតិនៃកម្ពុជា ឲ្យបានត្រឹមត្រូវតាមច្បាប់ និងប្រើប្រាស់ទិដ្ឋាការឲ្យចំទិសដៅ៕

ប្រភព ៖ Fresh News

កំណត់ត្រាខ្មែរឡូត៖

គួររំលឹកថា កាលពីវេលាម៉ោង៦នាទីព្រឹកថ្ងៃទី២១ កក្កដា ២០១៦ កន្លងទៅនេះ ក៏មានកម្លាំងនគរបាល នៃនាយកដ្ឋានអន្តោប្រវេសន៍ បានបន្តចុះពិនិត្យការរស់នៅខុសច្បាប់របស់ជនជាតិវៀតណាម ស្ថិតនៅចំណុចទីតាំងផ្ទះជួលជាច្រើនបន្ទប់ តាមបណ្តោយផ្លូវបេតុង ក្នុងក្រុមទី៥ ភូមិកណ្តាល សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។

ប្រតិបត្តិការនេះធ្វើឡើង ដឹកនាំដោយកម្លាំងផ្ទាល់ពីសំណាក់លោកសៀង សុខ ព្រះរាជអាជ្ញាររងអមសាលាដំបូង និងលោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្គេត និងអនុវត្តនីតិវិធី ។ ហើយជាលទ្ធផលជាក់ស្តែង សមត្ថកិច្ចបានរកឃើញជនជាតិវៀតណាមចំនួន៥១នាក់ ក្នុងនោះស្រីមាន១៦នាក់ ដែលពួកគេគ្មានលិខិតឯកសារពាក់ព័ន្ធអ្វីទាំងអស់ ។ ក្រោយការឃាត់ខ្លួន ពួកគេត្រូវបានបញ្ចូនខ្លួនទៅកាន់អគ្គនាយកដ្ឋានអន្តោប្រវេសន៍ភ្លាមៗ រង់ចាំចាត់ការទៅតាមផ្លូវច្បាប់ នៅពេលក្រោយ ។

លោកឧត្តមសេនីយ៍អ៊ុក ហៃសីឡា ប្រធាននាយកដ្ឋានស៊ើបអង្គេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ឱ្យដឹងថា ក្នុងការចុះត្រួតពិនិត្រនេះ សមត្ថកិច្ចរកឃើញមានកាំភ្លើងខ្លីមួយដើមម៉ាកកា៥៤ គ្រាប់ចំនួន២១ ថ្នាំញៀនម្សៅក្រាម.សថ្លា ហៅម៉ាទឹកកកចំនួន៤៩កញ្ចប់ ក្នុងនោះ២កញ្ចប់ធំ និង៤៧កញ្ចប់តូច, ដាវសាមូរ៉ៃ៣ដើម ស្លាកលេខខេមរភូមិន្ទ១ រួមជាមួយវត្ថុតាង ក៏ដូចជាឧបករណ៍ប្រើប្រាស់ថ្នាំញៀនមួយចំនួនធំ នៅក្នុងបន្ទប់របស់ជនជាតិវៀតណាម២នាក់ និងបក្សពួកមួយចំនួនកំពុងរត់គេចខ្លួន ។

ខ្មែរឡូត

មុន បន្ទាប់

មតិយោបល់