សេន រ៉ានុត ទទួលបានចំណងដៃកូនស្រី ក្រោយរៀបការជាមួយស្ត្រីវ័យជ្រេ នៅអាមេរិក

សេន រ៉ានុត ទទួលបានចំណងដៃកូនស្រី ក្រោយរៀបការជាមួយស្ត្រីវ័យជ្រេ នៅអាមេរិក

ភ្នំពេញ: ២ឆ្នាំបន្ទាប់ពីឃ្លាតចាកឆ្ងាយពីប្រទេសកម្ពុជាទៅធ្វើការសម្តែង និងច្រៀងនៅលើទឹកដីសហរដ្ឋអាមេរិក តបតាមការអញ្ជើញរបស់សមាគមខ្មែរ និងបានរៀបអាពាហ៍ពិពាហ៍ដោយស្ងៀមស្ងាត់ជាមួយស្រី្តវ័យជ្រេម្នាក់នៅទីនោះ ពេលនេះ តារាចម្រៀងសម្លេងធ្ងន់លោក សេន រ៉ានុត បានទទួលចំណងដៃកូនស្រីគួអោយស្រលាញ់ម្នាក់ហើយ។

យោងតាមប្រភពស្និទ្ធនិងលោក សេន រ៉ានុត បានអះអាងថា លោក សេន រ៉ានុត បានរៀបអាពាហ៍ពិពាហ៍ជាមួយស្ត្រីអានិកជនខ្មែររស់នៅអាមេរិកអស់រយៈពេលប្រមាណជិត២ឆ្នាំហើយ ដែលមកទល់នឹងពេលនេះ លោកបានទទួលចំណងដៃកូនស្រីដ៏ស្រស់ស្អាតម្នាក់ មានវ័យប្រហែលជា ៧ ឆ្នាំ។

ប្រភពខាងលើបានធ្វើការបញ្ជាក់ថា បើទោះជាលោក សេន រ៉ានុត បានចូលសញ្ជាតិអាមេរិក និងរស់នៅលើគំនរទ្រព្យប្រកបដោយសុភមង្គលក៏ដោយ ប៉ុន្តែលោកមិនបានបោះបង់អាជីពសិល្បៈដែលជាស្ពានចម្លងលោកមកកាន់ភាពល្បីឈ្មោះចោលនោះទេ គឺលោកនៅតែបន្តបម្រើវិស័យសិល្បៈដដែរ ដោយជារឿយៗលោកតែងតែបង្ហាញវត្តមានសម្តែង និងច្រៀងនៅក្នុងកម្មវិធីនានានៅអាមេរិក ។

កន្លងមកតារាចម្រៀងលោក សេន រ៉ានុត ធ្លាប់រងសម្ពាធនូវពាក្យចចាមអារាមធ្វើការវាយប្រហារពីការសម្រេចចិត្តជ្រើសរើសស្ត្រីវ័យច្រើនជាងខ្លួនមកធ្វើជាគូអនាគតដោយសារតែសម្លឹងឃើញទឹកប្រាក់ មិនមែនស្រលាញ់ដោយចិត្តនិងចិត្តនោះទេ ។

ជាការឆ្លើយតបប្រភពស្និទ្ធនឹងលោក សេន រ៉ានុត បានធ្វើការបកស្រាយថា គ្មានរឿងដូច្នោះឡើយ ការពិតសម្ពន្ធ័ភាពស្នេហារវាងលោក សេន រ៉ានុត និងភរិយាកើតមានឡើងយូរណាស់ហើយ។ ពួកគេសម្រេចចិត្តរៀបការដោយសារតែទឹកចិត្តស្រលាញ់គ្នាទៅវិញទៅមក មិនមែនស្រលាញ់គ្នាដោយសារតែសម្លឹងឃើញទឹកប្រាក់ជាធំនោះទេ ។យ៉ាងណា ក៏ដោយទទួលស្គាល់ភរិយារបស់លោក សេន រ៉ានុត ពិតជាមានវ័យច្រើនជាងលោកបន្តិចមែន “ ប្រភពស្និទ្ធបន្ថែម ”។

សូមបញ្ជាក់ថា លោក សេន រ៉ានុត បានឈោងចាប់អាជីពជាអ្នកសិល្បៈនៅក្នុងអំឡុងឆ្នាំ២០០២តាមរយៈចូលរួមប្រឡងចម្រៀងជាប់ជ័យលាភីលេខ១នៅក្នុងកម្មវិធី “ ស្ពានតារា ” របស់ស្ថានីយ៍ទូរទស្សន៍ប៉ុស្តិ៍លេខ៣។ ក្នុងដំណើរ ប្រឡូកក្នុងវិស័យសិល្បៈចម្រៀងលោកបានចូលច្រៀងអោយផលិតកម្មជាច្រើនមានដូចជា “ រស្មីស្ទឹងសង្កែ ” ផលិតកម្ម “ SM ”និងផលិតកម្ម Nice Star ហើយកេរ្តិ៍ឈ្មោះរបស់លោក សេន រ៉ានុត ទទួលបានការចាប់អារម្មណ៍ខ្លាំងពីទស្សនិកជនតាមរយៈបទ “ ខ្លែងដាច់ខ្សែ ” “ ចិត្តខ្លែង ” “ ចិត្តស្រល់ ” “ កំផែងវណ្ណៈ ” និងបទល្បីៗជាច្រើនទៀត៕ ប្រភព everyday.com.kh

មុន បន្ទាប់

មតិយោបល់