អស់ទាស់! គ្រាន់តែផ្កាស្រស់តុបតែងមង្គលការមួយរោងចំណាយអស់ជិត៣០០០០ដុល្លារ

អស់ទាស់! គ្រាន់តែផ្កាស្រស់តុបតែងមង្គលការមួយរោងចំណាយអស់ជិត៣០០០០ដុល្លារ

ក្នុងចំណោមសេវាកម្មជាច្រើន ប្រមាណជាង១៥០ស្តង់ ដែលកំពុងតែមានវត្តមានក្នុងពិព័រណ៍អាពាហ៍ពិពាហ៍ នៅអគារកោះពេជ្រកាលពីម្សិលមិញនេះ មានសេវាកម្មមួយដែលធ្វើឲ្យមានការចាប់អារម្មណ៍យ៉ាងខ្លាំងពីអ្នកចូលទៅទស្សនា នោះគឺសេវាកម្មតុបតែងផ្កាស្រស់ នៅក្នុងកម្មវិធីរៀបអាពាហ៍ពិពាហ៍ ដែលត្រូវចំណាយប្រាក់ខ្ទង់ម៉ឺនដុល្លារ។

ប្រិយមិត្តជឿអត់ថា អាពាហ៍ពិពាហ៍នៅទីក្រុងភ្នំពេញខ្លះសព្វថ្ងៃ គ្រាន់តែផ្កាស្រស់សម្រាប់តុបតែងមួយចប់កម្មវិធីត្រូវចំណាយអស់ប្រាក់រហូតដល់២៨០០០ដុល្លារឯណោះ។

លើកឡើងពីបញ្ហានេះ អ្នកនាង សុផល លីកា ជាអ្នកគ្រប់គ្រង់ទូទៅនៃ ក្រុមហ៊ុន សុភមង្គល ដែលមានផ្តល់សេវាកម្មអាពាហ៍ពិពាហ៍គ្រប់ប្រភេទ បានបង្ហើបប្រាប់ឲ្យដឹងថា កន្លងមកខាងក្រុមហ៊ុនគាត់ធ្លាប់បានទទួលការកុម្ម៉ង់ឲ្យរៀបចំសេវាកម្មផ្កាស្រស់នេះ នៅក្នុងកម្មវិធីអាពាហ៍ពិពាហ៍មួយ ដែលមានតម្លៃរហូតដល់ជិត៣០០០០ដុល្លារឯណោះ។

អ្នកគ្រប់គ្រង់កម្មវិធីអាពាហ៍ពិពាហ៍ដដែលរូបនេះ បានបញ្ជាក់ឲ្យដឹងទៀតថា៖ “មូលហេតុដែលសេវាកម្មផ្កាស្រស់នេះ មានតម្លៃខ្ពស់ដូច្នេះ ដោយសារតែផ្កាស្រស់ដែលយកមកតុបតែងនៅក្នុងកម្មវិធី សុទ្ធតែជាផ្កាដែលប្លែកៗ និងថ្លៃ នាំចូលមកពីក្រៅប្រទេស និងមិនមាននៅក្នុងប្រទេសយើងទេ”។

ការតុបតែងលម្អផ្កានេះទៀតសោត គឺខាងគាត់រៀបចំតាំងពីនៅក្នុងផ្ទះកូនក្រមុំ និងនៅហាងញ៉ាំ ជាពិសេសក្លោងទ្វារត្រូវប្រើផ្កាច្រើនជាងគេ៕

ប្រភព;sabay

មុន បន្ទាប់

មតិយោបល់