ផឹកស៊ីជាមួយគ្នាខ្ចីម៉ូតូមួយភ្លែត បែរជាយកទៅបញ្ចាំបាត់
ខេត្តកំពង់ស្ពឺ ៖ ជនសង្ស័យម្នាក់ត្រូវបានចាប់ខ្លួនដោយម្ចាស់ម៉ូតូប្រគល់ឲ្យសមត្ថកិច្ចចាត់ការតាមច្បាប់ ក្រោយពីផឹកស៊ីជាមួយគ្នាហើយថាខ្ចីម៉ូតូទៅជួបមិត្តភក្តិម្នាក់ទៀត តែបែរជាយកម៉ូតូទៅបញ្ចាំយកលុយទៅទិញថ្នាំញៀនជក់ទៅវិញ។ ការឃាត់ខ្លួននេះធ្វើឡើងនៅវេលាម៉ោង១និង៣០នាទី នៅជិតមន្ទីរសាធារណៈការក្នុងភូមិសំណង់ សង្កាត់រកាធំ ក្រុងច្បារមន ខេត្តកំពង់ស្ពឺ។ ជនសង្ស័យមានឈ្មោះ ផាន់ សំនៀង ភេទប្រុស ឣាយុ៣០ឆ្នាំ រស់នៅភូមិទ្រា ឃុំព្នាយស្រុកសំរោងទង។ រីឯម្ចាស់ម៉ូតូឈ្មោះ សុត ឌឿន ភេទប្រុស ឣាយុ៣៤ឆ្នាំ មានទីលំនៅភូមិប៉ែលហែល សង្កាត់សុពណ៌ទេព ក្រុងច្បារមន។
ម្ចាស់ម៉ូតូបានរៀបរាប់ថា មុនពេលជនសង្ស័យយកម៉ូតូរបស់ខ្លួនទៅបញ្ចាំនេះគឺពួកគេបានស៊ីផឹកជាមួយគ្នាតាំងពីម៉ោង៥ល្ងាច ថ្ងៃទី២៣ ខែមិថុនា ឆ្នាំ២០១៦ រហូតដល់ម៉ោង៩យប់ នៅភូមិប៉ែលហែល ស្រាប់តែជនសង្ស័យប្រាប់ថាខ្ចីម៉ូតូទៅជួបមិត្តភក្តិម្នាក់ ហើយក៏យកទៅបាត់តែម្តង។ ដោយបាត់យូរក៏បាននាំគ្នាតាមរកតែរកមិនឃើញឡើយរហូតដល់ថ្ងៃទី២៤ ខែមិថុនា ឆ្នាំ២០១៦ បាននាំគ្នាតាមរកម្តងទៀតស្រាប់តែប្រទះឃើញជននេះកំពុងដើរនៅជិតមន្ទីរសាធារណការ ក៏ចាប់ខ្លួនប្រគល់ឲ្យសមត្ថកិច្ចតែម្តង។
ក្រោយឃាត់ខ្លួនជនសង្ស័យបានឆ្លើយសារភាពថា ម៉ូតូម៉ាកTodayពណ៌ឈាមជ្រូកគ្មានស្លាកលេខដែលគេយកទៅបញ្ចាំនោះបានលុយ ៣០ម៉ឺនរៀលហើយលុយទាំងនោះគេយកទៅទិញថ្នាំញៀនជក់ឣស់ហើយ។ ជនសង្ស័យបន្តថាម៉ូតូនោះគេយកទៅបញ្ចាំនៅហាងទិញលក់ម៉ូតូយីហោ ឆេង លាភ នៅភូមិមុខខេត្ត សង្កាត់រកាធំ ក្រុងច្បារមនដោយមិនមានលិខិតស្នាមឣ្វីទាំងឣស់។ បច្ចុប្បន្នជនសង្ស័យរូបនេះត្រូវបានសមត្ថកិច្ចនគរបាលព្រហ្មទណ្ឌកម្រិតស្រាលកសាងសំណុំរឿងចាត់ការបន្តតាមនីតិវិធី។ មិនមានប្រភពណាមួយឣះឣាថាតើសមត្ថកិច្ចនឹងចាត់វិធានការយ៉ាងណាឡើយចំពោះឣ្នកទទួលបញ្ចាំម៉ូតូនេះឡើយ ៕
ប្រភព ៖ កោះសន្តិភាព
កំណត់ហេតុខ្មែរឡូត៖
គួររំលឹកដែរថា ទាក់ទងនឹងករណីស្រដៀងគ្នានេះដែរ បុរសម្នាក់ បានជិះម៉ូតូមួយគ្រឿង មកដាក់ពាក្យបណ្តឹង ឲ្យនគរបាលប៉ុស្តិ៍ចោមចៅ ដើម្បីឲ្យនគរបាល ជួយរកយុត្តិធម៌ជូនពួកគាត់ ដោយបានប្តឹងចោទប្រកាន់ ទៅលើបុរសម្នាក់ ជាមិត្តភក្តិអ្នករួមការងារ ជាមួយគ្នា បានខ្ចីម៉ូតូរបស់គាត់បាត់១ថ្ងៃ លុះពេលយក មកប្រគល់ ជូនគាត់វិញ ឃើញថាបាត់គ្រឿងមួយចំនួន ប៉ុន្តែត្រូវ បាននគរបាលណែនាំ ឲ្យទៅដោះស្រាយគ្នាឯងសិនទៅ ។
ការអញ្ជើញមកប្តឹងនគរបាលនេះធ្វើឡើងកាលពីព្រឹកថ្ងៃទី២៥ ខែមិថុនា ឆ្នាំ២០១៥ កន្លងទៅ ស្ថិតនៅ ប៉ុស្តិ៍នគរបាល ចោមចៅ ខណ្ឌពោធិ៍សែនជ័យ។
បុរសខាងលើបានអះអាងថា ម្ចាស់ម៉ូតូត្រូវជាឪពុករបស់ខ្លួនឈ្មោះ អោ សង្វាត ភេទប្រុស អាយុ ប្រហែលជា ៥០ឆ្នាំជាង រស់នៅថ្មគោល ខេត្តបាត់ដំបង ចំណែកឯបុរសដែលត្រូវបាន ចោទប្រកាន់ នោះមាន ឈ្មោះ តេន ភក្តី ហៅភក្តិ ភេទប្រុស អាយុប្រហែលជាជិត៣០ឆ្នាំ មានមុខរបរ ជាសន្តិសុខ យាមកាមរោងចក្រខ្មែរម៉ាធើរ ជាមួយគ្នា។
បុរសខាងលើបានបញ្ជាក់ថា មុនពេលកើទហេតុជនសង្ស័យ បានខ្ចីម៉ូតូពីរូបគាត់ ជិះមិនដឹងថាជាជិះទៅ ណានោះទេ លុះពេលល្ងាចបន្តិច យកមកប្រគល់ជូនវិញ ហើយពេលនោះ លោកក៏មិនបានចាប់ អារម្មណ៍អ្វីដែរ ប៉ុន្តែលុះពេលលោក យកទៅប្តូរប្រេងម៉ាស៊ីន ទើបជាងនិយាយថា ម៉ូតូនេះត្រូវបាន គេស៊ីបូមមុខក្រោយអស់ និង ស៊ីគ្រឿងម៉ូតូមួយចំនួនផងដែរ ពេលនោះលោកបាន ទៅសួរនាំ ជនសង្ស័យ ប៉ុន្តែត្រូវ បានជនសង្ស័យ និយាយថា គេពុំ ដឹងនោះទេ ព្រោះមានអ្នកខ្ចីបន្តពីគេទៀត គេមិនដឹងថា គេយកទៅស៊ី គ្រឿងឬយ៉ាងណានោះទេ បន្ទាប់ មក ទើបរូបគេ មកដាក់ពាក្យបណ្តឹង ឲ្យនគរបាលជួយអន្តរាគមន៍ ប៉ុន្តត្រូវបាននគរបាលឲ្យទៅ ដោះស្រាយគ្នាសិនទៅ ពីព្រោះអ្នកទាំងពីរ គឺជាអ្នកធ្វើការជាមួយគ្នា។
បុរសខាងលើបានបន្ថែមថា ម៉ូតូនេះត្រូវរូបគេខ្ចីរបស់ឪពុក យកមកជិះដើម្បីធ្វើការ ពីព្រោះបើមិន មានរបស់ ជិះត្រឹមត្រូវ វាពិបាកធ្វើការណាស់៕
ខ្មែរឡូត
មើលព័ត៌មានផ្សេងៗទៀត
-
អីក៏សំណាងម្ល៉េះ! ទិវាសិទ្ធិនារីឆ្នាំនេះ កែវ វាសនា ឲ្យប្រពន្ធទិញគ្រឿងពេជ្រតាមចិត្ត
-
ហេតុអីរដ្ឋបាលក្រុងភ្នំំពេញ ចេញលិខិតស្នើមិនឲ្យពលរដ្ឋសំរុកទិញ តែមិនចេញលិខិតហាមអ្នកលក់មិនឲ្យតម្លើងថ្លៃ?
-
ដំណឹងល្អ! ចិនប្រកាស រកឃើញវ៉ាក់សាំងដំបូង ដាក់ឲ្យប្រើប្រាស់ នាខែក្រោយនេះ
គួរយល់ដឹង
- វិធី ៨ យ៉ាងដើម្បីបំបាត់ការឈឺក្បាល
- « ស្មៅជើងក្រាស់ » មួយប្រភេទនេះអ្នកណាៗក៏ស្គាល់ដែរថា គ្រាន់តែជាស្មៅធម្មតា តែការពិតវាជាស្មៅមានប្រយោជន៍ ចំពោះសុខភាពច្រើនខ្លាំងណាស់
- ដើម្បីកុំឲ្យខួរក្បាលមានការព្រួយបារម្ភ តោះអានវិធីងាយៗទាំង៣នេះ
- យល់សប្តិឃើញខ្លួនឯងស្លាប់ ឬនរណាម្នាក់ស្លាប់ តើមានន័យបែបណា?
- អ្នកធ្វើការនៅការិយាល័យ បើមិនចង់មានបញ្ហាសុខភាពទេ អាចអនុវត្តតាមវិធីទាំងនេះ
- ស្រីៗដឹងទេ! ថាមនុស្សប្រុសចូលចិត្ត សំលឹងមើលចំណុចណាខ្លះរបស់អ្នក?
- ខមិនស្អាត ស្បែកស្រអាប់ រន្ធញើសធំៗ ? ម៉ាស់ធម្មជាតិធ្វើចេញពីផ្កាឈូកអាចជួយបាន! តោះរៀនធ្វើដោយខ្លួនឯង
- មិនបាច់ Make Up ក៏ស្អាតបានដែរ ដោយអនុវត្តតិចនិចងាយៗទាំងនេះណា!
សេវាកម្មពេញនិយម
ផ្សព្វផ្សាយពាណិជ្ជកម្ម៖
