មិនធម្មតា! រថភ្លើងបុកជាមួយឡាននៅខេត្តកំពត ចង់ដឹងថាទារសំណងប៉ុន្មានទេ?

មិនធម្មតា! រថភ្លើងបុកជាមួយឡាននៅខេត្តកំពត ចង់ដឹងថាទារសំណងប៉ុន្មានទេ?

ខេត្តកំពត ៖ លោកលុក រតនា តំណាងក្រុមហ៊ុនរ៉ូយ៉ាល់ (ភាគីខាងរថភ្លើងអូសស៊ីទែនប្រេង) បានដាក់ពាក្យបណ្តឹងជាបន្ទាន់មកកាន់អធិការដ្ឋាននគរបាលស្រុកបន្ទាយមាស ដើម្បីធ្វើការទាមទារសំណងពីម្ចាស់រថយន្តពោងផ្ទុកស៊ីម៉ង់ត៍ ដែលមានឈ្មោះក្រុមហ៊ុនស៊ីម៉ៅ ត្រេតឌីង ខូអិលធីឌី គឺជាក្រុមរបស់ចិន ពាក់ព័ន្ធករណីរថភ្លើងអូសស៊ីទែនប្រេងបុកជាមួយរថយន្តពោងផ្ទុកស៊ីម៉ង់ត៍ កាលពីវេលាម៉ោង០៧ និង៣០នាទីព្រឹកថ្ងៃទី១២ មិថុនា កន្លងមក ស្ថិតនៅចន្លោះគីឡូលេខ១២៣ ក្នុងភូមិព្រៃតាព្រិត ឃុំស្តេចគង់ខាងលិច ស្រុកបន្ទាយមាស ខេត្តកំពត ។

ប្រភពឱ្យដឹងថា លោកតំណាងក្រុមហ៊ុនរ៉ូយ៉ាល់នេះ បានដាក់ពាក្យបណ្តឹងទារសំណងជាផ្លូវការចំនួន៦០ម៉ឺនដុល្លារ ពីខាងក្រុមហ៊ុនស៊ីម៉ៅត្រេតឌីង ខូអិលធីឌី របស់ចិននោះ ។ ប៉ុន្តែខាងក្រុមហ៊ុនចិន ដែលមានរថយន្តផ្ទុកស៊ីម៉ង់ត៍នោះ មិនទាន់បានឆ្លើយតបទេ ។ ប៉ុន្តែរឿងគ្រោះថ្នាក់ចរាចរណ៍នេះ គឺខាងរថភ្លើងបុកជាមួយខាងរថយន្ត បណ្តាលឱ្យខូចទាំងស្រុងនោះ ក៏ត្រូវឱ្យស្ថានទូតចិនជាអ្នកដោះស្រាយវិញ ។

ប្រភពបន្តថា កាលពីព្រឹកថ្ងៃទី១៨ មិថុនា មានតំណាងខាងរថយន្តពោងផ្ទុកស៊ីម៉ង់ត៍ បានចូលជួបជាមួយនគរបាលស្រុក គ្រោងនឹងចរចា និងសួរនាំពីច្បាប់ផង ប៉ុន្តែត្រូវនគរបាលបញ្ជាក់ងថា រថយន្តពោងផ្ទុុកស៊ីម៉ង់ត៍ ពិតជាខុសហើយ គឺបើកប្រជែងជាមួយរថភ្លើង គឺក្នុងទិសដៅស្របគ្នា ពីជើងទៅត្បូង តែពេលកំពុងមានល្បឿនដូចគ្នា រថយន្តបានបើកពីកើតទៅលិច គឺឆ្លងផ្លូវរថភ្លើង ហើយត្រូវរថភ្លើងបុកតែម្តង ។ គួបញ្ជាក់ថា ផ្លូវក្រាលក្រួសក្រហមឆ្លងកាត់ផ្លូវដែកនេះ ជាផ្លូវថ្មីឆ្លងកាត់ចូលទៅរោងចក្រស៊ីម៉ង់ត៍ថ្មី។

ប្រភព ៖ កោះសន្តិភាព

កំណត់ហេតុខ្មែរឡូត

គួររំលឹកថា រថភ្លើង បុករថយន្តម៉ាកធ់នត្រា ចំពាក់កណ្តាល អូសជាង១០០ម៉ែត្រ បណ្តាលឲ្យរបួសធ្ងន់ ០៤នាក់ និងស្រាលម្នាក់ នៅវេលាម៉ោង៤រសៀល ថ្ងៃទី៣១ ខែធ្នូ ឆ្នាំ២០១៥ ចំណុចផ្លូវរថភ្លើងឡើងភ្នំបូកគោ ស្ថិតក្នុងភូមិរលួស ឃុំបឹងទូក ស្រុកទឹកឈូ ខេត្តកំពត។

មន្ត្រីនគរបាលមូលដ្ឋាន បានប្រាប់ឲ្យមជ្ឈមណ្ឌល ព័ត៌មានដើមអម្ពិលដឹងថា ជនរងគ្រោះទាំងអស់, ១-ឈ្មោះស្រី សុខុន ភេទប្រុស អាយុ៥៣ឆ្នាំ (របួសធ្ងន់),២-ឈ្មោះអ៊ុក ខាត់ណា ភេទស្រី អាយុ៤៨ឆ្នាំ(របួសធ្ងន់),៣-ឈ្មោះសួស លីហួរ ភេទប្រុស អាយុ២ឆ្នាំ(របួសធន់),៤-អ្នកបើកបររថយន្ត ឈ្មោះអាំ សុខថេន ភេទប្រុស អាយុ២៨ឆ្នាំ(របួសស្រាល) អ្នកទាំង៤ មានទីលំនៅភូមិសំឡី ឃុំសំឡី ស្រុកកំពង់រោទិ៍ ខេត្តស្វាយរៀង និង ៥-ឈ្មោះ(ស្រី) ភេទស្រី អាយុ៤៧ឆ្នាំ(របួសធ្ងន់) រស់នៅភូមិកំបូល ខណ្ឌដង្កោ រាជធានីភ្នំពេញ។

មន្ត្រីដដែលបន្តថា រថយន្តធុនត្រា អ្នកជិះទាំងអស់មានចំនួន៧នាក់ ស្រី៣នាក់ ទាំងអ្នកបើកបរ ជាលក្ខណៈគ្រួសារ ក្នុងគោលបំណងឡើងទៅដេក លើភ្នំបូកគោ ដើម្បីឆ្លងឆ្នាំនៅលើទីនោះ លុះរថយន្តមកដល់ផ្លូវរថភ្លើងអ្នក បើកមិនបានប្រុងប្រយ័ត្ន ចៃដន្យត្រូវរថភ្លើង មកដល់បុកចំពាក់កណ្តាល អូសរថយន្តចម្ងាយ ១១៥ម៉ែត្រ ដែលធ្វើឲ្យជួបនូវឧបត្តិហេតុ គ្រោះថ្នាក់បែបនេះតែម្តងទៅ។ ក្រោយហេតុការណ៍ ភ្លាមអ្នករងរបួសទាំងអស់ ត្រូវបានគេដឹកយកទៅសម្រាក ព្យាបាលនៅឯមន្ទីរពេទ្យអង្គការ "ស៊ុនយ៉ាឃៀល" ក្នុងឃុំបឹងទូក៕