ពន្លកសិល្បៈ ប៊ុន ថេត ស្លាប់ទាំងកំហឹង (មានវីដេអូ)

ពន្លកសិល្បៈ ប៊ុន ថេត ស្លាប់ទាំងកំហឹង (មានវីដេអូ)

ភ្នំពេញ៖ តារាសម្តែង ដែលទើបតែឈានជើង ចូលវិថីសិល្បៈលោក ប៊ុន ថេត បានស្លាប់ទាំងកំហឹង និងគ្មានសាច់ញាតិមកមើល ។

នេះបើតាមការអះអាង អ្នកលេងហ្វេសប៊ុកម្នាក់ឈ្មោះ Hun Vanny ត្រូវជាមិត្តភក្តិជនរងគ្រោះ។ លោក Hun Vanny បានសរសេរនៅលើ ហ្វេសប៊ុកនៅប៉ុន្មាន ម៉ោងមុននេះថា មុនគាត់ស្លាប់2ថៃ្ង គាត់បានទៅសុំលុយខ្ញុំនៅ Epic10000 រៀល ចាក់សាំងទៅស្រុក ហើយក្នុងហោប៉ាវគាត់មានតែ 7000រ ទេ ហើយគាត់បានប្រាប់ខ្ញុំថា គាត់យល់សប្តិអត់ល្អប៉ុន្មានថ្ងៃហើយចង់ទៅស្រោចទឹក តែថ្ងៃនោះខ្ញុំមិនបាន យកកាបូបលុយទៅទេ ខ្ញុំប្រាប់ថាចាំទៅស្អែកទៅ គាត់ក៏ត្រឡប់ទៅវិញទាំងទឹកមុខស្អុយ។

មិត្តភក្តិតារាសម្តែងខាងលើ បានសរសេរថា« ខ្ញុំស្រណោះបំផុតគឺ គ្មានសាច់ញាតិគាត់មកមើល........ការ ស្លាប់របស់គាត់ គឺពោលពេញទៅដោយកំហឹង»។ ជាមួយនឹងព័ត៌មានលម្អិត ទាក់ទងនឹង ជនរងគ្រោះឈ្មោះ ប៊ុន ថេត គេហទំព័រ LookingTODAY បានព្យាយាមខលទៅកាន់ តារាសម្តែង ថៃ ប៊ុននាង ដែរ ប៉ុន្តែទូរស័ព្ទទៅ ជួបអ្នកលើកផ្សេង ដោយប្រាប់ថា ប៊ុននាង កំពុងជាប់ថត។

បញ្ជាក់ផងដែរថា តារាសម្តែង ប៊ុន ថេត បានស្លាប់ក្នុងគ្រោះថ្នាក់ចរាចរណ៍ កាលពីយប់ថ្ងៃទី១២ ខែមិថុនា ឆ្នាំ២០១៦ នៅកោះពេជ្រ ហើយសព្វបានបូជា នៅខេត្តព្រៃវែង៕ ទស្សនាវីដេអូឃ្លិប មិត្តភក្តិ ប៊ុន ថត ទួញយំមុខសព៖

ប្រភព ៖ ដើមអម្ពិល

កំណត់ហេតុខ្មែរឡូត៖

រំលឹកព័ត៌មានលើកមុនថា ពន្លកតារាសម្តែង និងជាតារាបង្ហាញម៉ូដ ទើបលេចឈ្មោះល្បីសន្សឹមៗ លើវិថីសិល្បៈ លោក ប៊ុន ថេត កាលពីយប់ថ្ងៃទី១២ ខែមិថុនា បានជួបហេតុការណ៍គ្រោះថ្នាក់ចរាចរណ៍មួយ បណ្តាលឲ្យស្លាប់ ក្រោយពេលបញ្ជូនតាមរថយន្ត ទៅសង្រ្គោះបន្ទាន់ នៅប្រទេសវៀតណាម។

នៅលើបណ្តាញសង្គមហ្វេសប៊ុក និងទំព័រផេកសិល្បករកម្ពុជា របស់លោក អ៉ឹម ជីវ៉ា កាលពីប៉ុន្មានម៉ោងមុននេះ បានបង្ហោះ ដោយការសម្តែងអារម្មណ៍សោកស្តាយ និងរន្ធត់ចិត្តខ្លាំង បន្ទាប់ពីទទួលបានដំណឹង នៃមរណភាពរបស់សិល្បករ ជំនាន់ក្រោយលោក ប៊ុន ថេត នៅក្នុងហេតុការណ៍គ្រោះថ្នាក់ ចរាចរណ៍មួយនេះ។

លោក អ៉ឹម ជីវ៉ា បានសរសេរបង្ហោះភ្ជាប់ ជាមួយរូបថតជនរងគ្រោះថា «តារាសម្តែង និងបង្ហាញម៉ូត ទើបតែរះថ្មី បានទទួលមរណភាព កាលពីយប់មិញ។ តារាសម្តែងនិងបង្ហាញម៉ូត ទើបរះថ្មី គឺលោក ប៊ុនថេត ត្រូវបានរងគ្រោះថ្នាក់ចរាចរណ៍ ហើយយកទៅសង្រ្គោះ នៅប្រទេសវៀតណាម តែដោយរបួសធ្ងន់ធ្ងរពេក ទើបធ្វើឲ្យតារាសម្តែងម្នាក់នេះ បាត់បង់ជីវិតទាំងវ័យក្មេង គួរឲ្យអាសូ និងសោកស្តាយ !»។

យ៉ាងណាមិញ សម្រាប់ព័ត៌មានលម្អិតជាងនេះ មិនទាន់ត្រូវបានប្រភពបញ្ជាក់ច្បាស់ នៅឡើយទេ ថាហេតុការណ៍គ្រោះថ្នាក់ចរាចរណ៍ ដែលបណ្តាលឲ្យតារាទើបរះពន្លឺ លោក ប៊ុន ថេត កើតឡើងវេលាម៉ោងប៉ុន្មាន និងទីតាំង នៃកន្លែងកើតហេតុ ស្ថិតនៅម្តុំណានៅឡើយទេ ពោលគឺប្រភពគ្រាន់តែបញ្ជាក់ ប្រាប់ពីការស្លាប់តែប៉ុណ្ណោះ៕