ពោធិ៍សាត់៖ អ្នកភូមិម្នាក់ត្រូវបានក្រុមអ្នកញៀនថ្នាំ កាប់ត្រូវប្រអប់ដៃ​ និងត្រូវពោះ​ ធ្លាយពោះវៀន​ រួចថែមទាំងវាយ និងដំបង​ នៅម៉ោងប្រមាណ ១១៖៣០នាទី​ យប់ថ្ងៃទី៧​ ខែមិថុនា​ នៅភូមិអូរបាក់ត្រា​ ឃុំព្រងិល​ ស្រុកក្រវាញ។

មន្ត្រីនគរបាលបានឲ្យដឹងថា​ ជនសង្ស័យឈ្មោះ​ មាក​ ភ័ស​ ហៅញ៉ាញ់​ និងបក្ខពួក មួយចំនួនទៀត​ បានប្រើដាវសាមរ៉ៃ​ និងដំបង វាយកាប់ទៅលើ​ ជនរងគ្រោះ​ វ៉ាន់​ ចាន់រី​ ហៅពឿន​ភេទប្រុស​ អាយុ៣២ឆ្នាំ​ រស់នៅភូមិអូរបាក់ត្រា​ បណ្តាល​ឲ្យរបួស ត្រង់ប្រអប់ដៃ​ ខាងឆ្វេង១កន្លែង , ត្រូវត្រង់ប៉េងទឹក ខាងស្តាំ បណ្តាលអោយ ចេញពោះវៀន​ និងត្រូវត្រង់បោះដៃផុត ខាងស្តាំ បណ្តាលអោយ រងរបួសធ្ងន់ធ្ងរ។

មន្ត្រីនគរបាលបានបន្តថា​ ជនរងគ្រោះត្រូវបានបញ្ជូន ទៅសង្គ្រោះនៅមន្ទីរពេទ្យ ខេត្តពោធិសាត់​ ហើយមូលហេតុ ដោយជនរងគ្រោះ ខឹងនិងក្រុមជនសង្ស័យ អោយកូនប្រុសរបស់ខ្លួន ដែលមានអាយុ ៦ឆ្នាំ ផឹកទឹកក្នុងដប​ ដែលពួកវា បានប្រើប្រាស់ សារធាតុញៀនរួច។

ក្រោយកើតហេតុ​ កម្លាំងសមត្ថកិ្ចបានចុះស្រាវជ្រាវ ហើយធ្វើការឃាត់ខ្លួន បានចំនួន៣នាក់ ១,ឈ្មោះមាក លី ហៅឃ្លី ភេទប្រុស អាយុ២៩ឆ្នាំ ២,ឈ្មោះញ៉ាក់ រួន ភេទប្រុស អាយុ២៣ឆ្នាំ ៣,ឈ្មោះបាន ចាន់ថន ភេទប្រុស អាយុ២១ឆ្នាំ ។ ដោយឡែក ជនដៃដល់ និងបក្សពួកមួយចំនួនទៀត រត់គេចខ្លួន ។

អ្នកទាំងអស់នេះ រស់នៅភូមិអូរបាក់ត្រា ឃុំព្រងិល ។ នៅព្រឹកថ្ងៃទី៩ ខែមិថុនានេះ កម្លាំងនគរបាលជំនាញ កំពុងកសាងសំណុំរឿង បញ្ជូននិងស្រាវជ្រាវ តាមចាប់បន្ត៕

ប្រភព ៖ ដើមអម្ពិល

កំណត់ហេតុខ្មែរឡូត៖

គួររំលឹកដែរថា យុវជនម្នាក់ពេលកំពុងរត់ហាត់ប្រាណ​​ ក្នុងភូមិត្រូវក្មេងទំនើង៥នាក់ រស់នៅផ្ទះក្បែរខាងនាំគ្នាព្រួតវាយសន្លប់ស្តូកស្តឹង ជាងមួយម៉ោងរួចរត់ ទៅសម្ងំក្នុងផ្ទះបាត់ នៅវេលាម៉ោង១០យប់ថ្ងៃទី០៧ ខែមិថុនា ឆ្នាំ២០១៦ ក្នុងបុរីសន្តិភាព២ សង្កាតមចោមចៅ ខណ្ឌពោធិ៍សែនជ័យ។

ជនរងគ្រោះឈ្មោះ រតនា អាយុ៣០ជាង រស់នៅកន្លែងកើតហេតុខាងលើ។

នៅមុនកើតហេតុជនរងគ្រោះ កំពុងរត់ហាត់ប្រាណ ដើម្បីសុខភាពស្រាប់ជនសង្ស័យ ខាងលើមានគ្នា៥នាក់ ប្រដាប់ដោយដំបង មកស្ទាក់ព្រួតវាយជនរងគ្រោះ បណ្តាលរងរបួសធ្ងន់សន្លប់ ជាង១ម៉ោងហើយ នៅមិនទាន់ដឹងខ្លួនទៀត ដោយមិនទាន់ដឹងមូលហេតុ ច្បាស់លាស់នោះទេ។

ក្រោយកើតហេតុ កម្លាំងសមត្ថកិច្ច បានចុះទៅជួយអន្តរាគមន៍ និងដើម្បីតាមចាប់ក្រុមបង្កផងដែរ៕

ខ្មែរឡូត