គម្រក់ណាស់ ! បង្ខំប្រពន្ធមានផ្ទៃពោះ ឲ្យលក់ខ្លួន

គម្រក់ណាស់ ! បង្ខំប្រពន្ធមានផ្ទៃពោះ ឲ្យលក់ខ្លួន

រាជធានីភ្នំពេញ ៖ នារីវ័យក្មេងម្នាក់បានជិះម៉ូតូឌុបទាំងទឹកភ្នែកហូររហាមមកប្តឹងប៉ូលិសប្រចាំការនៅគល់ស្ពានជ្រោយចង្វាឲ្យជួយអន្តរាគមន៍ ថាប្តីរបស់នាងបានវាយធ្វើបាប បង្ខំនាងឲ្យលក់ខ្លួននៅរង្វល់វត្តភ្នំទាំងដឹងថានាងមានផ្ទៃពោះជាង១ខែទៅហើយ ។ ហេតុការណ៍នេះបង្កការភ្ញាក់ផ្អើលកាលពីព្រលប់ថ្ងៃទី២៤ ខែឧសភា ឆ្នាំ២០១៦ នៅចំណុចគល់ស្ពានជ្រោយចង្វា ស្ថិតក្នុងសង្កាត់ស្រះចក ខណ្ឌដូនពេញ ។

នារីវ័យក្មេងអភ័ព្វរូបនោះមិនបានប្រាប់ឈ្មោះឲ្យសមត្ថកិច្ចដឹងឡើយ តែនាងបានប្រាប់ថា នាងមានអាយុ១៩ឆ្នាំ ជាអតីតសន្តិសុខឯកជនមួយ ហើយជាក្មេងកំព្រាតាំងពីតូច រស់នៅជាមួយជីដូននៅខេត្តតាកែវ បច្ចុប្បន្នស្នាក់នៅផ្ទះជួលម្តុំវិហារអ៊ិស្លាមបឹងកក់ ។

នារីវ័យក្មេងអភ័ព្វឲ្យដឹងទៀតថា កាលពីប្រហែល១ឆ្នាំមុននាងមានទំនាក់ទំនងស្នេហាជាមួយបុរសជនជាតិចិនម្នាក់ហូតមានផ្ទៃពោះ ហើយជនជាតិចិននោះក៏រត់ចោលនាងបាត់ទៅ ហើយកាលពីកន្លះខែមុននាងក៏បានទំនាក់ទំនងស្នេហាជាមួយទាហានម្នាក់ឈ្មោះ រ័ត្ន អាយុ២៦ឆ្នាំ ដោយរស់នៅជាមួយគ្នាដូចប្តីប្រពន្ធអ៊ីចឹង តែប្តីក្រោយនេះតែងតែវាយធ្វើបាបនាងបង្ខំឲ្យរកស៊ីចិញ្ចឹមគ្រួសារ មិនតែប៉ុណ្ណោះវាយបង្ខំនាងឲ្យលក់ខ្លួននៅរង្វង់មូលវត្តភ្នំថែមទៀតផង ទើបនាងទ្រាំលែងបានមកសុំឲ្យប៉ូលិសជួយ ។

ក្រោយពីទទួលពាក្យបណ្ដឹងពីនារីអភ័ព្វហើយ នគរបាលគោលដៅ៣យាមស្ពានជ្រោយចង្វាបានប្រគល់រឿងនេះទៅឲ្យនគរបាលប៉ុស្តិ៍ស្រះចកបន្តចាត់ការតាមនិតិវិធី ៕

ប្រភព ៖ កោះសន្តិភាព

កំណត់ហេតុខ្មែរឡូត

ទាក់ទងនឹងករណី បង្ខំឲ្យលក់ខ្លួន ស្រដៀងគ្នានេះដែរ នៅឯប្រទេសចិន ស្ត្រីម្នាក់ ត្រកូល Wang មានវ័យ ៣៣ឆ្នាំ ស្លៀកឈុត ប៊ីគីនី ដែលមើលទៅ សឹងតែអាក្រាតកាយ ទាំងអស់ និងមានកាន់បដា ដែលមានអក្សរ “ខ្ញុំចង់លក់ ខ្លួនប្រាណ របស់ខ្ញុំ” ដើរពាសពេញ ផ្លូវសាធារណៈ ក្រោមក្រសែភ្នែក របស់មនុស្ស ជាច្រើន ដែលហេតុការណ៍នេះ បានកើតឡើង នៅក្នុងខេត្តជាំងស៊ី របស់ប្រទេស ចិន។

មូលហេតុដែល នាំឲ្យស្ត្រីម្នាក់នោះ ធ្វើដូច្នេះ ក៏ព្រោះតែ ប្តីរបស់នាង ត្រកូល Zhang អាយុ ៣៧ឆ្នាំ ស្ថិតនៅក្នុង ស្ថានភាព ស្រវឹងស្រា មានគំនិត ប្រច័ណ្ឌប្រពន្ធ និងបានចោទនាង ថាលួចមាន សាហាយ ក្បត់ចិត្ត ពីក្រោយខ្នង ទើបបាន បង្ខំឲ្យនាង ធ្វើសកម្មភាព បែបនោះនៅ តាមផ្លូវសាធារណៈ តែម្តងទៅ។

មិនត្រឹមតែ ប៉ុណ្ណឹងទេ ក្នុងពេលដែល ស្ត្រីត្រកូល Wang ដើរតាមផ្លូវនោះ បុរសជាប្តី ក៏បានបើក រថយន្តពណ៌ខ្មៅ មួយគ្រឿង យឺតៗតាមពីក្រោយ ដើម្បីឃ្លាំមើល ពីសកម្មភាព របស់នាង ដោយមិន ឲ្យឃ្លាតពី ក្រសែភ្នែកឡើយ។

ផ្អែកលើរបាយការណ៍ របស់ព័ត៌មានក្នុងស្រុក ដែលបានដកស្រង់ សម្តីរបស់មិត្តភក្តិ នៃប្តីប្រពន្ធ មួយគូនេះ បានឲ្យដឹងថា ពួកគេបានរៀបការ ជាមួយគ្នា អស់រយៈពេល ១០ឆ្នាំ មកហើយ និងមាន កូនស្រី ២នាក់ ហើយនាពេលថ្មីៗនេះ ស្ត្រីជាប្រពន្ធ ជារឿយៗបានទទួលរង នូវការវាយធ្វើបាប ពីសំណាក់ បុរសជាប្តី ក៏ព្រោះតែ ប្តីម្នាក់នោះ មានចិត្តគុំគួន ជាមួយប្រពន្ធ របស់ខ្លួន ដោយសារតែនាង មិនអាចមាន កូនប្រុស ទៅតាមចិត្ត ចង់បានរបស់គេ ទើបបណ្តាលឲ្យ កើតមានរឿង ជាហូរហែ បែបនោះទៅ។

គួរបញ្ជាក់ផងដែរថា រូបថតដែល បង្ហាញពី ស្រ្តីកំសត់ ស្លៀកឈុតប៊ីគីនី និងកាន់បដា តាមដងផ្លូវ សាធារណៈនេះ បានធ្វើឲ្យ មនុស្សជាច្រើន ភ្ញាក់ផ្អើល និងកើតមាន ក្តីអាណិតអាសូរ ដល់ស្ត្រីម្នាក់នោះ ជាខ្លាំងផងដែរ៕