យាយ ណាង ទទួលថវិកាជំនួយពី រដ្ឋមន្ត្រីក្រសួងវប្បធម៌

យាយ ណាង ទទួលថវិកាជំនួយពី រដ្ឋមន្ត្រីក្រសួងវប្បធម៌

ថវិកាចំនួន ២០០ ដុល្លារ ត្រូវបានតំណាងរបស់ លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្ប នាំយកទៅប្រគល់ជូនដល់តារាកំប្លែង និង អាយ៉ៃជើងចាស់ លោក យាយ ណយ សំណាង កាលពីម្សិលមិញនេះ។

លោក យាយ ណយ សំណាង បានសម្ដែងភាពសប្បាយរីករាយ និង ថ្លែងអំណរគុណចំពោះសន្ដានចិត្តរបស់រដ្ឋមន្ត្រីក្រសួងវប្បធម៌ ដែលបានគិតគួរដល់អ្នកសិល្បៈវ័យជរាបាត់បង់ទីផ្សារដូច លោក យាយ ស្របពេលជំងឺកំពុងរួបរឹតរាងកាយជាប្រចាំផងនោះ

“លោកជំទាវគាត់បានខលមកខ្ញុំម្សិលមិញ ស្រាប់តែព្រឹកឡើង ឃើញមានតំណាងមកដល់បន្ទប់ជួលខ្ញុំមែន”។ យាយបន្តថា មុននេះបន្តិចក៏មានសប្បុរសជនបាននាំយកថវិកាចំនួន ២៥០ ដុល្លារ ផងដែរ សម្រាប់ឧបត្ថម្ភដល់ការរស់នៅរបស់យាយ។ នេះជាជំនួយស្របពេលយាយកំពុងខ្វះខាត ក្នុងនាមជាសិល្បករម្នាក់អស់ទីផ្សារបណ្ដើរៗទៅហើយនោះ។

លោក យាយ ណយ សំណាង ទើបទទួលបានសំណង ១ ម៉ឺនដុល្លារ ពីក្រុមហ៊ុន SK កាលពីពេលថ្មីនេះសម្រាប់ការបាត់បង់ជីវិតកូនប្រុសនៅក្នុងគ្រោះថ្នាក់ចរាចរកាលពីថ្ងៃទី ៧ ខែ មីនា ឆ្នាំ ២០១៣។ ត្រង់ចំណុចនេះ យាយបន្ថែមថា ថវិកាទាំងនោះត្រូវចាត់ចែងទិញដី និង សង់ចេតិយអស់ហើយ តាមការសន្យាជាមួយព្រលឹងកូនប្រុសរបស់យាយ នៅក្នុងអំឡុងពេលប្ដឹងផ្ដល់ជាមួយក្រុមហ៊ុន។

“កុំឲ្យគេថា ជាម្ដាយមិនគិតគូរដល់កូន ដែលបានស្លាប់ទៅ បានលុយមិនបានធ្វើអ្វីសម្រាប់គ្នា”។ យាយបានចំណាយ៤០០០ ដុល្លារ ដើម្បីទិញដី និង ៥ ០០០ ដុល្លារផ្សេងទៀត សម្រាប់សង់ចេតិយ នៅស្រុកកំណើតរបស់យាយ ដែលពេលនេះសមិទ្ធផលបានសម្រេចទាំងស្រុងហើយ និង ត្រៀមធ្វើពិធីឆ្លងឆាប់ៗនេះផងដែរ។

យាយសូមថ្លែងអំណរគុណដល់សប្បុរសជនទាំងអស់ ដែលមិនបានបោះបង់ចោលលោកយាយនៅពេលចូលដល់វ័យជរាដូច្នេះ។ យាយអំពាវនាវសប្បុរសជន នៅបន្តជួយដល់វីរសិល្បករវ័យជរាផ្សេងទៀត ដែលកំពុងជួបការលំបាកដូចគ្នា ដូចជា លោកតា ផ្លុង មឿក ជាដើម៕ ប្រភព Sabay.

មុន បន្ទាប់

មតិយោបល់