បញ្ហាទៀតហើយ! នៅកាស៊ីណូ «ណាហ្គាវ៉ើល»

បញ្ហាទៀតហើយ! នៅកាស៊ីណូ «ណាហ្គាវ៉ើល»

រាជធានីភ្នំពេញ ៖ គណៈកម្មាធិការមួយក្រុម ដែលមានការចូលរួមពីសំណាក់មន្ត្រីនៃការិយាល័យរៀបចំដែនដី នគររូបនីយកម្ម សំណង់ ខណ្ឌចំការមន និងមន្ត្រីអាជ្ញាធរខណ្ឌចំការមន បានចុះទៅទៅធ្វើការត្រួតពិនិត្យនូវការសាងសង់របស់ការដ្ឋានសំណង់កាស៊ីណូ «ណាហ្គា វ៉ើល» ដោយតម្រូវឱ្យធ្វើការកាត់ដែក ដែលបានបណ្តុះតយ៉ាកទៅខាងមុខ ដែលធ្វើឡើងដោយខុសច្បាប់ និងធ្វើឱ្យប៉ះពាល់សណ្តាប់ធ្នាប់សារធារណៈយ៉ាងខ្លាំងនោះ ។

រូបភាព៖ កាស៊ីណូ «ណាហ្គាវ៉ើល»

ហេតុការណ៍ចុះទៅត្រួតពិនិត្យនេះ ធ្វើឡើងកាលពីវេលាម៉ោង១០ និង៣០នាទីព្រឹកថ្ងៃទី០២ ឧសភា ២០១៦ ស្ថិតនៅការដ្ឋានសំណង់កាស៊ីណូ «ណាហ្គា វ៉ើល» ដែលមានទីតាំងក្នុងសង្កាត់ទន្លេបាសាក់ ខណ្ឌចំការមន ។

តាមប្រភពពីមន្ត្រីខណ្ឌចំការមនបានឱ្យដឹងថា ដោយសារតែការដ្ឋានសំណង់របស់កាស៊ីណូនេះ ធ្វើឡើងដោយមិនគោរពទៅតាមគោលការណ៍នៃច្បាប់ភូមិបាល និងមិនស្តាប់តាមការណែនាំរបស់អាជ្ញាធរមូលដ្ឋាន មិនអនុញ្ញាតឱ្យធ្វើការបណ្តុះដែកតយ៉ាកមកលើផ្លូវសាធារណៈ នាពេលកន្លងមកនោះ ។

ទើបក្នុងថ្ងៃនេះដែរ កម្លាំងរបស់លោកចុះមកធ្វើការណែនាំ និងតម្រូវឱ្យបញ្ឈប់នូវការតយ៉ាកចេញមកខាងក្រៅ ដែលធ្វើឡើងដោយខុសច្បាប់ និងធ្វើអោយប៉ះពាល់ដល់សណ្តាប់ធ្នាប់យ៉ាងខ្លាំងផងដែរ ។

រូបភាព៖ កាស៊ីណូ «ណាហ្គាវ៉ើល»

ប្រភព ៖ កោះសន្តិភាព

កំណត់ហេតុខ្មែរឡូត

គួររំលឹកផងដែរថា កាលពីវេលាម៉ោង ប្រមាណ ៤៖២០នាទី រសៀល ថ្ងៃទី២ ខែវិច្ឆិកា ឆ្នាំ២០១៤ ស្រ្តីម្នាក់ បានស្លាប់ភ្លាមៗ នៅនឹងកន្លែង កើតហេតុគួរឲ្យ អាណិត អាសូរយ៉ាងខ្លាំង និងគួរឲ្យ អាណោចអាធម យ៉ាងពន់ពេក ដោយសារ តែដែក ជ្រុងប្រវែងជាង១ម៉ែត្រ បានធ្លាក់ ពីលើអាគារ កំពុង សាងសង់ ស្ថិតនៅ ជាប់របង ស្តាតអូឡាំពិក សង្កាត់វាលវង់ ខណ្ឌមករា ហើយចំក្បាល ស្រ្តីរងគ្រោះ បណ្តាលឲ្យពុះ ក្បាលជាពីរបែកចេញខួរ។

សេចក្តីរាយការណ៍ពីលោក ជួន សុជាតិ ភ្នាក់ងារ របស់ មជ្ឈមណ្ឌល ព័ត៌មានដើមអម្ពិល ដែលចុះទៅ កាន់ក ន្លែង កើតហេតុ បាន រាយការណ៍ថា ស្រ្តីរងគ្រោះមានឈ្មោះ ប៊ុត វណ្ណី អាយុ៣៣ឆ្នាំ មុខរបរ នៅផ្ទះរស់នៅ ភូមិតាង៉ូវ សង្កាត់និរោធ ខណ្ឌច្បារអំពៅ រាជធានីភ្នំពេញ។

លោក ជួន សុជាតិ បានបន្តទៀតថា មុនពេលកើតហេតុ ស្រ្តីរងគ្រោះ បានជិះម៉ូតូ ម៉ាកសេ១២៥ ពាក់ ស្លាក លេខ 1K-4654 បានធ្វើ ដំណើរ តាមបណ្តោយ ផ្លូវលេខ១៨២ ក្នុងទិសដៅចេញពីលិច ទៅកើត ស្រាប់តែទល់ មុខសាលា អន្តរជាតិសឹង្ហបូរី ស្រាប់តែដែក ជ្រុងប្រវែង ជាង១ម៉ែត្រ ធ្លាក់ពីលើអាគារ ចំកណ្តាលក្បាលស្រ្តី រងគ្រោះបណ្តាលឲ្យ បែកជាពីរ ខ្ទាតខួរចេញ មកក្រៅ និងស្លាប់ភ្លាមៗ នៅកន្លែងកើត ហេតុតែម្តង។

តាមប្រជាពលរដ្ឋនៅទីនោះ បានរិះគន់យ៉ាងចាស់ដៃថា មូលហេតុនេះ បណ្តាល មកពីការធ្វេស ប្រហែស របស់ជាង សំណង់ និងអ្នកម៉ៅងការសំណង់ ។ នៅកន្លែងកើតហេតុនោះ គេសង្កេតឃើញ ក្រុមគ្រួសារ និងសាច់ញាតិ របស់ស្រ្តីរងគ្រោះ មកយំអោបសព ទាំងប្រឡាក់ឈាមផងដែរ។

ដោយឡែក អធិការ នគរបាលខណ្ឌ ៧មករា លោក នេត ស៊ីថុន បានឆ្លើយថា មិនដឹងសូមឲ្យ លោកអ្នក កាសែត ចុះទៅ មើលខ្លួនឯង ។

ក្រោយទទួល បានព័ត៌មាន ភ្លាមៗ ពីប្រជាពលរដ្ឋ អំពីករណីមួយនេះ អ្នកយកព័ត៌មានដើមអម្ពិល បានចុចទូរស័ព្ទ ភ្លាមទៅ លោកអធិការខណ្ឌ នេត ស៊ីថុន ដើម្បីចង់បាន ព័ត៌មានចុះផ្សាយ លើគេហទំព័រ របស់ខ្លួន តែមានឯណា ត្រូវបាន លោកអធិការ ប្រាប់ឲ្យចុះ ទៅយកដោយ ខ្លួនឯង កុំទៅសួរលោក លោក អត់ដឹងទេ។

លោក នេត ស៊ីថុន បានបញ្ជាក់តាម ទូរស័ព្ទយ៉ាងខ្លីថា «អត់ដឹង បងអ្ហែងទៅមើលខ្លួនឯង តិចទៅ មកបញ្ជាក់ខ្ញុំ ងាប់ហើយ អធិការខណ្ឌ យើងជាអ្នកកាសែត មកបញ្ជាក់ពីខ្ញុំវិញ បងឮហើយ បងអ្ហែង ចុះទៅដល់ ហ្នឹងទៅ វាមានកន្លែងកើតហេតុទេតើ»៕

រូបភាព៖ ទិដ្ឋភាពនៅកន្លែងកើតហេតុ