បង្កហិង្សា ចង់ដុតផ្ទះចោល ខឹងអតីតម្តាយក្មេក

បង្កហិង្សា ចង់ដុតផ្ទះចោល ខឹងអតីតម្តាយក្មេក

រាជធានីភ្នំពេញ ៖ បុរសម្នាក់ត្រូវកម្លាំងនគរបាលប៉ុស្តិ៍គីឡូម៉ែត្រលេខ៦ចាប់ខ្លួន បន្ទាប់ពីអុកឡុក និងប៉ុនប៉ងដុតផ្ទះចោល តែមិនបានសម្រេចទេ ដោយសាតែខឹងអតីតម្តាយក្មេកមិនឱ្យជួបប្រពន្ធ និងកូន ដែលហេតុការណ៍នេះ បង្កឱ្យភ្ញាក់ផ្អើលកាលពីវេលាម៉ោង០៩ និង៣០នាទីយប់ថ្ងៃទី២៨ មេសា ២០១៦ ស្ថិតនៅផ្ទះលេខ២៤៣ ក្រុមទី៣ ផ្លូវលំ ភូមិក្រោលគោ សង្កាត់គីឡូម៉ែត្រលេខ៦ ខណ្ឌប្ញស្សីកែវ ។

ប្រភពឱ្យដឹថា ជនសង្ស័យឈ្មោះឃ្លឹក ចន្ទ័ដារ៉ា អាយុ៣៩ឆ្នាំ ស្នាក់នៅក្នុងសង្កាត់ច្រាំងចំរេះទី២ ខណ្ឌប្ញស្សីកែវ រាជធានីភ្នំពេញ ។ចំណែកស្ត្រីជាអតីតប្រពន្ធឈ្មោះវ៉ាន់ ធី អាយុ៣៥ឆ្នាំ មានលំនៅផ្ទះកើតហេតុខាងលើ ។

រូបភាព៖ បុរសដែលប៉ុនប៉ងដុតផ្ទះចោល

បើតាមមន្ត្រីនគរបាលឱ្យដឹងថា ការពិតជនសង្ស័យបានលែងលះប្រពន្ធរយៈពេល៤ឆ្នាំមកហើយ ហើយនៅមុនពេលកើតហេតុ ជននោះទៅជួបប្រពន្ធ និងកូន តែត្រូវម្តាយក្មេកពុំអនុញាត្តឱ្យជួប ខឹងពេកក៏ឡើងទៅលើផ្ទះរបស់ខ្លួនដែលទុកចោលនៅក្បែនោះហើយធាក់ជញ្ជាំងស្រែកឡូឡា អុកឡុក ព្រមទាំងយកសាំងបម្រុងដុតផ្ទះកម្ទេចចោល ។ ភ្លាមៗ ត្រូវបានប្រជាពលរដ្ឋរាយការណ៍ទៅសមត្ថកិច្ច ចុះអន្តរាគមន៍ឃាត់ខ្លួន ។

តាមព័ត៌មានឱ្យដឹងថាទៀតថា ការដែលបុរសនោះចង់ជួបប្រពន្ធ ព្រោះនឹកអាល័យ និងចង់ទៅសុំជានាគ្នាវិញ តែម្តាយក្មេករារាំង ក៏បានកើតទៅជាហិង្សារហូតចង់ដុតផ្ទះតែម្តង ។

នៅចំពោះមុខសមត្ថកិច្ច បុរសរូបនោះបានឱ្យដឹងថា ខ្លួននិងប្រពន្ធបានរស់នៅជាមួយគ្នាបានកូនប្រុសម្នាក់អាយុ៦ឆ្នាំ តែបានលែងលះគ្នារយៈពេល៤ឆ្នាំ ។ នៅមុនពេលកើតហេតុ ខ្លួនធ្វើដំណើរទៅលេងកូន ក៏ត្រូវបានគេចោទថា អុកឡុកនិងប៉ងដុតផ្ទះតែម្តង ។

រូបភាព៖ បុរសដែលប៉ុនប៉ងដុតផ្ទះចោល

ប្រភព ៖ កោះសន្តិភាព

កំណត់ហេតុខ្មែរឡូត

គួរបញ្ជាក់ផងដែរថា កាលពីថ្ងៃទី១៧ ខែមីនា ឆ្នាំ២០១៦ មានប្ដីចិត្តអប្រិយ សាហាវឃោរឃៅ បានសម្រេចចិត្តចាក់សាំងដុតផ្ទះ សម្លាប់ប្រពន្ធខ្លួនឯង នៅក្នុងភូមិបឹងកៀប ឃុំដំរីផុង ស្រុកឆ្លូង មានចំងាយប្រហែល ០៧គីឡូម៉ែត្រ ពីទីប្រជុំជនឆ្លូង។ យោងតាមសេចក្ដីរាយការណ៍ បានឲ្យដឹងថា "ស្រី្តម្នាក់ស្លាប់យ៉ាង អណោចអាធ័មបំផុត ក្នុងអណ្តាតភ្លើង ដែលក្រុមគ្រួសារ របស់ស្រី្តរងគ្រោះ សង្ស័យទៅលើ ប្តីស្រី្តរងគ្រោះជាអ្នក សម្លាប់ហើយបន្សល់ សាកសពស្រី្ត រងគ្រោះរោលខ្មៅ ក្នុងគំនរផេះផង់"។

សវតារឿង៖ នៅខេត្តក្រចេះ មានករណីអគ្គិភ័យ ឆាបឆេះផ្ទះប្រជាពលរដ្ឋ មួយបានកើតឡើង នៅម៉ោង ១០និង៣០នាទី ថ្ងៃទី១៧ ខែមីនា ឆ្នាំ២០១៦ នៅចំនុចភូមិបឹងកៀប ឃុំដំរីផុង ស្រុកឆ្លូង មានចំងាយប្រហែល ០៧គីឡូម៉ែត្រ ពីទីប្រជុំជនឆ្លូង មូលហេតុបណ្ដាលមកពី ភ្លើងចង្ក្រានដាំបាយ។ បើតាមសាក្សីនៅកន្លែង កើតហេតុបានឲ្យដឹងថា នៅមុនពេលកើតហេតុ គាត់បានឃើញផ្សែងហុយ និងអណ្តាតភ្លើងឆេះ ចេញពីកណ្តាលផ្ទះ រួចក៏បាក់ស្រុតតែម្តង ហើយដោយសារតែ នៅកន្លែងកើតហេតុ ជាតំបន់ដាច់ស្រយាល ផ្លូវមានភាពពិបាក សំរាប់ឡានពន្លត់អគ្គីភ័យ ចូលទៅជួយអន្តរាគមន៍ផងនោះ បានឆេះផ្ទះឈើទំហំ 6,5 × 8 ម៉ែត្រ ប្រក់សង្ហសី។

ប្រភពដដែលបានឲ្យដឹងបន្តថា នៅក្នុងហេតុការណ៍នោះ បានបណ្ដាលឲ្យម្ចាស់ផ្ទះឈ្មោះ អ៊ុន ចន្នីណា ភេទស្រី អាយុ ៤២ឆ្នាំ ជនជាតិខ្មែរ បានស្លាប់បាត់បង់ជីវិត និងខូចខាតទ្រព្យសម្បត្តិ មួយចំនួនរួមមាន ម៉ូតូចំនួន០២គ្រឿង, ស្រូវ ០២បេ, ទូរទស្សន៍ ០១គ្រឿង, និងសូឡា០១គ្រឿង ផងដែរ៕

រូបភាព៖ ប្ដីចិត្តអប្រិយ ចាក់សាំងដុតផ្ទះ សម្លាប់ប្រពន្ធខ្លួនឯង