ដកផ្ទាំងផ្សាយពាណិជ្ជកម្ម ចេញទាំងអស់ មុនថ្ងៃទី៣០ មេសា

ដកផ្ទាំងផ្សាយពាណិជ្ជកម្ម ចេញទាំងអស់ មុនថ្ងៃទី៣០ មេសា

ខេត្តសៀមរាប ៖ ក្នុងគោលដៅថែរក្សាការពារ និងលើកកម្ពស់គុណតម្លៃរមណីយដ្ឋានអង្គរ ឱ្យស័ក្តិសមជាតំបន់ទេសចរណ៍វប្បធម៌ ប្រវត្តិសាស្ត្រ និងជាសម្បត្តិបេតិកភណ្ឌពិភពលោក អាជ្ញាធរជាតិអប្សរាបានចេញសេចក្តីជូនដំណឹងមួយ ដល់បងប្អូនអាជីវករទាំង អស់ ដែលកំពុងប្រកបអាជីវកម្មលក់ដូរ និងផ្ដល់សេវាកម្មទេសចរណ៍ក្នុងតំបន់អង្គរ ដើម្បីហាមឃាត់មិនឱ្យដាក់តាំងផ្ទាំងផ្សព្វផ្សាយពាណិជ្ជកម្មគ្រប់ប្រភេទ នៅតាមហាង ឬតូបលក់ដូរ និងបានដាក់សំណើមួយទៀត ទៅដល់ក្រុមហ៊ុនស្រាបៀរ និងភេសជ្ជៈទាំងឡាយ ដែលមានផ្ទាំងផ្សព្វផ្សាយពាណិជ្ជកម្មនៅតំបន់អង្គរ ឱ្យរុះរើផ្ទាំងផ្សព្វផ្សាយរបស់ខ្លួនទាំងអស់ឱ្យបានមុនថ្ងៃទី៣០ មេសា ឆ្នាំ២០១៦ ។

ព្រោះផ្ទាំងផ្សព្វផ្សាយពាណិជ្ជកម្មទាំងនេះ បាននឹងកំពុងបង្កផលប៉ះពាល់ដល់ទេសភាពវប្បធម៌ និងបទដ្ឋានបេតិកភណ្ឌដែលកំណត់តំបន់អង្គរជាបេតិកភណ្ឌវប្បធម៌ពិភពលោក ។

រូបភាព៖ ដកផ្ទាំងផ្សាយពាណិជ្ជកម្ម ចេញទាំងអស់ មុនថ្ងៃទី៣០ មេសា

បន្ទាប់ពីបានចេញសេចក្តីជូនដំណឹងមក អាជ្ញាធរជាតិអប្សរាបានសង្កេតឃើញថា មានក្រុមការងារក្រុមហ៊ុនស្រាបៀរ និងភេសជ្ជៈមួយចំនួន កំពុងអនុវត្តនូវខ្លឹមសារសេចក្ដីណែនាំ ដោយយកចេញនូវផ្ទាំងផ្សព្វផ្សាយពាណិជ្ជកម្មផ្សេងៗជាបន្តបន្ទាប់ ដោយគិតត្រឹមថ្ងៃទី២៥ មេសា ឆ្នាំ២០១៦ មានផ្ទាំងផ្សព្វផ្សាយពាណិជ្ជកម្មចំនួន៣៥១ផ្ទាំង ត្រូវបានរុះរើចេញពីសំណាក់ក្រុមហ៊ុនមួយចំនួនដូចជា ក្រុមហ៊ុនស្រាបៀរអង្គរចំនួន១៦៨ផ្ទាំង ក្រុមហ៊ុនស្រាបៀកម្ពុជាចំនួន ១៣៩ផ្ទាំង ក្រុមហ៊ុនស្រាបៀរលីអូចំនួន១៣ផ្ទាំង និងក្រុមហ៊ុនកូកាកូឡាចំនួន៣១ផ្ទាំង ហើយបច្ចុប្បន្ននេះសកម្មភាពរុះរើក៏កំពុងអនុវត្តជាបន្តបន្ទាប់ផងដែរ។

ដោយឡែក ចំពោះផ្ទាំងផ្សព្វផ្សាយពាណិជ្ជកម្ម ដែលមិនទាន់បានរុះរើត្រឹមថ្ងៃទី៣០ មេសា ឆ្នាំ២០១៦ នោះទេ អាជ្ញាធរជាតិអប្សរានឹងចាត់វិធានការរដ្ឋបាល ដើម្បីរុះរើផ្ទាំងផ្សព្វផ្សាយពាណិជ្ជកម្មទាំងនោះ ឱ្យអស់ពីតំបន់អង្គរ។

គួរបញ្ជាក់ផងដែរថា អាជ្ញាធរជាតិអប្សរា សូមថ្លែងអំណរគុណយ៉ាងជ្រាលជ្រៅ ចំពោះស្មារតីចូលរួមលើកតម្លៃបេតិកភណ្ឌថែរក្សាទេសភាពវប្បធម៌ប្រវត្តិសាស្ត្រ និងបរិស្ថានធម្មជាតិនៃតំបន់ឧទ្យានអង្គរ ៕

រូបភាព៖ ដកផ្ទាំងផ្សាយពាណិជ្ជកម្ម ចេញទាំងអស់ មុនថ្ងៃទី៣០ មេសា

ប្រភព ៖ កោះសន្តិភាព

កំណត់ហេតុខ្មែរឡូត

ទាក់ទងនឹងរឿងផ្ទាំងផ្សាយពាណិជ្ជកម្មនេះដែរ ប្រជាពលរដ្ឋរស់នៅ ក្នុងទីក្រុង Lishui ខេត្ត Zhejiang ដែល ធ្វើដំណើរតាមផ្លូវទៅធ្វើការ បាននាំគ្នាស្រឡាំងកាំង ក្រោយពេល បុគ្គលិកផ្សារទំនើបម្នាក់ ច្រលំដៃចាក់បញ្ចាំងរឿងក្តៅ សាច់នៅលើផ្ទាំង LED ដ៏ធំនៅ ខាងមុខផ្សារ ។

ភាពថ្វីប្រហែសស្រដៀងគ្នានេះ ធ្លាប់កើតឡើងម្តងដែរ នៅ ផ្សារទំនើប Wandi Plaza ក្នុងខេត្ត Gansu ដែលពេលនោះ បុគ្គលិក របស់ផ្សារទំនើប បានប្រើកុំព្យូទ័រ របស់ក្រុមហ៊ុន បើកមើលរឿងអាសអាភាស ដោយភ្លេចខ្លួនថា កុំព្យូទ័រ តភ្ជាប់ទៅនឹង ផ្ទាំងទូរទស្សន៍ ដែលបញ្ចាំង នៅខាងក្រៅ។

មនុស្សម្នានាំគ្នាឈរមើល រឿងអាសអាភាសដែលចាក់បញ្ចាំង ប្រមាណ៩នាទី រហូតទាល់តែ បុគ្គលិករូបនោះត្រូវបានគេ ជូនដំណឹង ហើយក្រោយមកផ្ទាំង LED ក៏ត្រូវបានបិទ ចោលតែម្តង នេះបើយោង តាមសារព័ត៌មាន Xinhua។ ក្នុងហេតុការណ៍នោះក៏មាន អ្នកដំណើរមួយ ចំនួនបានយកទូរស័ព្ទ ថតនូវវីដេអូ រួចបង្ហោះនៅលើបណ្តាញទំនាក់ទំនងសង្គម ផងដែរ។

មន្ត្រីប៉ូលិសបានអំពាវនាវ ដល់អ្នកប្រើប្រាស់ បណ្តាញសង្គមទាំងអស់ កុំធ្វើឲ្យវីដេអូ មិនសមរម្យទាំងនោះ រីករាល ដាល តទៅទៀត ហើយប៉ូលិសក៏កំពុង ធ្វើការស៊ើបអង្កេត ពីហេតុការណ៍នេះ ផងដែរ៕

រូបភាព៖ រឿងក្តៅសាច់ នៅលើផ្ទាំង LED ដ៏ធំនៅ ខាងមុខផ្សារ