ស្រ្តីវ័យក្មេងម្នាក់ ចុះរាវខ្យង ក្នុងទឹកបឹង លង់ស្លាប់

ស្រ្តីវ័យក្មេងម្នាក់ ចុះរាវខ្យង ក្នុងទឹកបឹង លង់ស្លាប់

ខេត្តឧត្តរមានជ័យ ៖ ទឹកបឹងទំនប់ថ្មីបានឆក់យកជីវិតស្ត្រីវយ័ក្មេងម្នាក់កាលពីវេលាម៉ោង៦ល្ងាចថ្ងៃទី២៤ ខែមេសា ឆ្នាំ២០១៦។

ហេតុការណ៍នេះបានកើតឡើងនៅក្នុងភូមិគោកសំព័រ ឃុំលំទង ស្រុកអន្លង់វែង ខេត្តឧត្តរមានជ័យ។ ស្ត្រីរងគ្រោះឈ្មោះឡៃ សួ អាយុ១៤ឆ្នាំ រស់នៅក្នុងភូមិអូរអង្រេ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ។

យោងតាមសម្តីពលរដ្ឋអ្នកភូមិបានឲ្យដឹងថា មុនពេលកើតហេតុគេបានឃើញមនុស្ស ប្រុសស្រីដែលនៅវ័យក្មេងៗមាន៥ទៅ៦នាក់មករាវខ្យងនៅក្នុងបឹងទំនប់ថ្មី មានរយៈពេលជាង១ម៉ោង ស្រាប់តែមានការភ្ញាក់ផ្អើលឆោឡោថាមានស្ត្រីម្នាក់លង់ទឹកបាត់ខ្លួន។

អ្នកភូមិបានបន្តថា ពេលកើតមានហេតុការណ៍នេះប្រជាពលរដ្ឋជាច្រើននាក់បាននាំគ្នាចុះរាវរកក៍បានប្រទះស្ត្រីដែលលង់ទឹកហើយបានស្រង់យកមកលើគោកវិញ ។ តែអកុសលស្ត្រីរូបនេះបានស្លាប់បាត់បង់ជីវិតបាត់ទៅហើយ ពលរដ្ឋបានរាយការណ៍ដល់សមត្ថកិច្ចឲ្យចុះមកធ្វើកោសល្យវិច័យ។

សមត្ថកិច្ចបានឲ្យដឹងថា បន្ទាប់ពីបានទទួលព័ត៌មានរាយការណ៍ភ្លាមៗនោះកម្លាំងសមត្ថកិច្ចបានចុះទៅដល់កន្លែងកើតហេតុឃើញថាស្ត្រីរូបនេះពិតជាលង់ទឹកស្លាប់ពិតប្រាកដមែន សមត្ថកិច្ចបានប្រគល់សពស្ត្រីទៅឲ្យក្រុមគ្រួសារនាំយកទៅធ្វើបុណ្យតាមប្រពៃណី។

គួរម្លឹកផងដែរថា កន្លងមកទឹកបឹងទំនប់ថ្មីនេះ បានឆក់យកជីវិតក្មេងចាស់ប្រុសស្រីអស់ជាច្រើននាក់មកហើយករណីនេះមិនមែនជាលើទី១នោះទេ៕

រូបភាព៖ ស្រ្តីរងគ្រោះ

ប្រភព ៖ កោះសន្តិភាព

កំណត់ហេតុខ្មែរឡូត

គួររំលឹកឲ្យដឹងផងដែរថា កាលពីរសៀល ថ្ងៃទី៧ កុម្ភៈ ២០១៦ នៅក្នុងឱកាសថ្ងៃសែនបុណ្យចូលឆ្នាំចិន-វៀតណាម នាថ្ងៃដំបូង ត្រង់ចំនុច តំបន់ទេសចរណ៍ថ្មីក្បាលកោះប៉ែន ស្ថិតនៅភូមិ កោះប៉ែន «ក» ឃុំកោះមិត្ត ស្រុកកំពង់សៀម បានកើតមាននូវហេតុការណ៍ បន្តបន្ទាប់គ្នា ដោយមានម្នាក់លង់ ទឹកទន្លេស្លាប់និង មនុស្ស១ហ្វូងទៀតនាំ គ្នាដេញសំពងគ្នា ដោយដំបង ឫស្សីមើល ទៅដូចខ្សែភាពយន្តហុងកុង តែមិនមានអ្នកណាម្នាក់រងរបួសធ្ងន់ ដឹកចូលពេទ្យ នោះទេព្រោះតែរឿងស្រី ។

លោកវរសេនីយ៏ទោ ជា ធារិទ្ធ អធិការនគរបាលស្រុកកំពង់សៀម ប្រាប់ឲ្យដឹងថា នៅពេលដែល មានមនុស្សមា្នមកពីគ្រប់ទិសទី នាំគ្នាមកលេងនៅតំបន់ឆ្នេរ ខ្សាច់កោះប៉ែន រាប់រយនាក់នោះនៅរសៀលថ្ងៃខាងលើសុខៗក៏ស្រាប់តែមានអំពើហឹង្សាបាន កើតឡើង ដោយមានមនុស្សជាច្រើននាក់ បានដេញសំពង គ្នាទៅវិញទៅមក មិនដឹងថាក្រុម ណាវាយលើក្រុមណានោះទេ ។

លោកវរសេនីយ៏ទោ ជា ធារិទ្ធអធិការនគរបាលស្រុក កំពង់សៀម ប្រាប់បន្តថា នៅពេលដែល មានហេតុការណ៍នេះកើតឡើង កម្លាំងប៉ុស្ត៏រដ្ឋបាលឃុំ កោះមិត្ត ដែលប្រចាំការនៅត្រង់ចំនុចក្បាលកោះ បានប្រញាប់ចេញទៅកាន់កន្លែងផ្ទុះហិង្សា នោះ តែទៅមិនទាន់ដោយក្រុមបង្ក បាននាំគ្នារត់គេចបាត់អស់ ស្ថិតនៅក្នុងហ្វូងមនុស្សច្រើន កុះករ ។ នៅពេលដែលមើលទៅមិនដឹងថា មានអ្នកណាម្នាក់ ដែលជាប់ពាក់ព័ន្ធនឹងហិង្សាទេ ព្រោះតែមិនឃើញមានរបួសស្នាមនៅលើខ្លួនប្រាណ តែសមត្ថកិច្ចគ្រាន់តែធ្វើ ការស្រាវជ្រាវ ដឹងថាមូលហេតុ ដែលរហូតដល់ទៅឈានទំនាស់ខាងលើ គឺដោយសារតែភ្លើងប្រចណ្ឌ ស្រីស្នេហ៏ ។

តាមបញ្ជាររបស់ លោកឧត្តមសេនីយ៏ស្នងការនគរបាលខេត្ត នឹងបន្តនីតិវិធីតាមរក ក្រុមនោះបន្តទៀត ដែលបានបង្កភាពអណាធិបតេយ្យ ក្នុងតំបន់ទេសចរណ៏ឆ្នេរខ្សាច់ កោះប៉ែន ។លោកវរសេនី័យ៏ទោ ជា ធារិទ្ធ អធិការនគរបាលស្រុកកំពង់សៀមបញ្ជាក់ថា ចំពោះករណីទី២វិញគឺមាន ប្រជាពលរដ្ឋជាក្រុមគ្រួសារ បាននាំគ្នាមកធ្វើដំណើរ តាមប្រដឺស មកលេងឆ្នេរខ្សាច់កោះប៉ែននៅវេលាម៉ោង៣និង១៥នាទីរសៀលថ្ងៃទី៧កុម្ភៈ ២០១៦ ចៃដន្យឈ្មោះ ស៊ាន សុខធានី ភេទស្រីអាយុ១៧ឆ្នាំ មកពីភូមិគមមហា ឃុំវិហារធំ ស្រុកកំពង់សៀម បានចុះងូតទឹកទន្លេមេគង្គលេងក៏ស្រាប់តែលង់ទឹកទន្លេ បន្ទាប់មកក្រុមគ្រួសារបាន ស្រង់ពីក្នុងទឹកប្រឹងសង្គ្រោះ លើករលាក់ទឹកនូវតែមិនដឹង ខ្លួនទើបដឹងថាស្លាប់ក៏បានដឹកតាមរ ថយន្តយកទៅផ្ទះ វិញធ្វើបុណ្យតាមប្រពៃណី ក្រោមសំឡេងយំទួញដ៏សោកសៅពីឪពុកម្តាយគួរឲ្យសង្វេក៕

នារីរងគ្រោះ