ខេត្តព្រះសីហនុ ៖ ​មានការភ្ញាក់​​​ផ្អើល​​មួយ កាលពីវេលាម៉ោង​ ០៩យប់​ថ្ងៃទី​១៩ មេសា ២០១៦ ​ស្ថិត​នៅភូមិ​១ សង្កាត់​លេខ៤ ​ក្រុង​ព្រះ​​សីហនុ បន្ទាប់ពី​ក្មេងស្រី​ម្នាក់​​​​​ចង.កបញ្ចប់​ជីវិ​តខ្លួន​​ឯង​ ។

ប្រភពឱ្យ​ដឹងថា ក្មេង​ស្រី​រងគ្រោះខាងលើឈ្មោះ​ខុន ស្រីមាស អាយុ​១៤​ឆ្នាំ មានទីលំនៅក្នុងភូមិកើតហេតុខាងលើ ។​ ទោះ​​បី​ជា​យ៉ាង​​ណា មូល​ហេតុ​ គេ​មិន​ទាន់​ដឹង​​ច្បាស់​នៅឡើយ​​ទេ ។

​បើតាម​​​ប្រភពខ្លះ​​​ថា មុន​ពេលកើតហេតុ ក្មេង​ស្រីរងគ្រោះ​​បានទៅទិញ​​ទូរស័ព្ទ​ដៃ​នៅ​ហាង​មួយកន្លែង ក្នុង​តម្លៃ​២០០​ដុល្លារ ប៉ុន្តែ​មិន​ពេញ​ចិត្ត​ នាងក៏យក​ទៅលក់​កន្លែងដើម​វិញ ។ ពេលនោះ​ត្រូវ​អ្នកលក់​​ឱ្យ​តម្លៃ​តែ​៥០ដុល្លារប៉ុណ្ណោះ ហើយ​ក្រោយមក​ត្រូវម្តាយរបស់​នាង​ទិញ​ ទូរស័ព្ទ​ដៃ​​មួយ​គ្រឿង​​ទៀត យកមកឱ្យ​ ប៉ុន្តែ​​​នៅ​តែ​ប្រើ​មិនកើត ទើបធ្វើ​ឱ្យ​ក្មេងស្រី​​តូចចិត្ត​​តែម្តង ។

សពក្មេងស្រី

ប្រភព ៖ កោះសន្ដិភាព

ការចាប់អារម្មណ៍ខ្មែរឡូត៖

យ៉ាងណាមិញ ករណីក្មេងស្រីចងក. បែបនេះក៏ធ្លាប់កើតមានឡើងផងដែរ កាលពីថ្ងៃទី១៥ ខែធ្នូ ឆ្នាំ ២០១៥ ស្ថិតនៅក្នុង ភូមិព្រែកអំបិល ឃុំព្រែកអំបិល ស្រុកស្អាង ខេត្តកណ្តាល ហើយរហូត មកទល់ពេលនេះ ក្រុមគ្រួសារសាច់ញាតិ នៅមិនដឹងមូលហេតុ យ៉ាងណា បានជាកូនស្រីរូបនេះ ដាច់ចិត្តចងកសម្លាប់ខ្លួន។

តាមប្រភពពីអ្នកភូមិព្រែកអំបិល បានឲ្យដឹងថា ក្មេងស្រីរងគ្រោះ ឈ្មោះ ហាន គីមឆេង អាយុ១៥ឆ្នាំ មានឳពុកឈ្មោះយឿន ហាន អាយុ៤៦ឆ្នាំ និងម្តាយឈ្មោះ សុខ ស្រី អាយុ៤៥ឆ្នាំ។

លោក យឿន ហាន ឳពុក ក្មេងស្រីរងគ្រោះបានឲ្យដឹងថា កន្លងមកកូនស្រីរបស់គាត់ មិនដែរមានបញ្ហាអ្វីក្នុង គ្រួសារនោះឡើយ នៅថ្ងៃកើតហេតុ ម៉ោង៦ល្ងាច គីមឆេង បានប្រាប់ថា ងងុយដេកណាស់ ហើយក៏ចូលដេក ចំណែកគាត់ និងប្រពន្ធ ក៏ចូលដេកតាមក្រោយ។

លោក យឿន ហាន បានបន្តទៀតថា ស្រាប់តែនៅម៉ោង១០៖៣០នាទី យប់ ឳពុកក្មេកលោក ឈ្មោះ កុង សុខ បានងើបឡើងទៅបទជើងទូច ភ្លាមនោះ ក៏ឃើញចៅស្រីចងក នៅក្បែរកំាជណ្តើរផ្ទះ ស្លាប់បាត់ទៅហើយ។

ក្រោយពេលកើតហេតុ សមត្ថកិច្ច បានទៅដល់កន្លែង កើតហេតុ និងបានធ្វើការកោសល្យ វិច្ច័យលើសពជនរងគ្រោះ បានរកឃើញថា ជនរងគ្រោះពិតជា ធ្វើអត្តឃាត ដោយចងក សម្លាប់ខ្លួនឯង ពិតប្រាកដមែន ចំណែកសព ប្រគល់ជូនក្រុម គ្រួសារធ្វើបុណ្យតាមប្រពៃណី៕

សពក្មេងស្រី ក្រោយពីធ្វើអត្តឃាត

ខ្មែរឡូត