តាកែវ៖ ក្រុមក្មេងស្ទាវចំនួន ៤នាក់ ដែលរួមទាំងកូនកម្លោះផងដែរ ត្រូវបានកម្លាំងសមត្ថកិច្ច ស្រុកទ្រាំង ធ្វើការចាប់ឃាត់ខ្លួន បញ្ចូនមកសាកសួរនៅ ស្នងការដ្ឋាននគបាល ខេត្តតាកែវ នៅព្រឹកថ្ងៃទី០៦ ខែមេសា ឆ្នាំ២០១៦នេះ បន្ទាប់ពីពួកគេបាននាំគ្នា វាយតប់គ្នានៅក្នុងពិធីបង្គលការ កាលពីយប់ថ្ងៃទី៣ ខែមេសា ឆ្នាំ២០១៦ នៅឃុំអង្កាញ់ ស្រុកទ្រាំង។ 

យោងតាមសមត្ថកិច្ច ខេត្តតាកែវបានថ្លែងឲ្យដឹងថា ជនសង្ស័យទាំង ៤នាក់ ទី១ ឈ្មោះ ជូ រឹម ភេទប្រុស អាយុ២៥ឆ្នាំ មានទីលំនៅស្រុកបាធាយ ខេត្តកំពង់ចាម ជាកូនកម្លោះ, ទី២ឈ្មោះ ទ្រី វីត ភេទប្រុស អាយុ៣០ឆ្នាំ មានទីលំនៅស្រុកកំពង់ត្របែក ខេត្តព្រៃវែង, ទី៣ ឈ្មោះ ឆេង ឆេត អាយុ៣១ឆ្នាំ ,ទី៤ ឈ្មោះ ទួន ស៊ីដា អាយុ៣១ឆ្នាំ អ្នកទាំងពីរមានទីលំនៅ ក្នុងខេត្តកមពង់ចាម។ ជនសង្ស័យទាំង ៤នាក់ ត្រូវបានចោទប្រកាន់ថា បានប្រើអំពើហឹង្សា ដោយបានវាយដំទៅលើ យុវជន៣នាក់ នៅក្នុងពិធីមង្គលការ កាលពីថ្ងៃទី៣ ខែមេសា ឆ្នាំ២០១៦ កន្លងទៅនេះ បណ្ដាលអោយរងរបួសស្រាល និងធ្ងន់ផងដែរ។ បើតាមសមត្ថកិច្ច បានឲ្យដឹងបន្ថែមទៀតថា ការឈានដល់ការប្រើ អំពើហឹង្សានៅក្នុងពិធីមង្គលការ ដែលនាំអោយភ្ញៀវ រត់ចេញពីរោងការនេះ បន្ទាប់ពីក្រុមក្មេងស្ទាវ ខាងកូនកម្លោះ និងក្មេងស្ទាវដែលទៅស៊ីការ បានទាស់ពាក្យសំដីគ្នា ហើយបានដេញវៃគ្នា ពេញរោងការតែម្ដង និងបានបណ្ដាលអោយ រងរបួសទាំងសងខាង ហើយភ្ញៀវក៏បានរត់ចេញ ពីរោងការផងដែរ ៕