រៀបការរួចបង្ខំរួមភេទមួយ យប់៦-៧ដង នាងទ្រាំមិនបានប្តឹងសុំលែង

រៀបការរួចបង្ខំរួមភេទមួយ យប់៦-៧ដង នាងទ្រាំមិនបានប្តឹងសុំលែង

ខេត្តបាត់ដំបង ៖ នារីម្នាក់ដែលទើបរៀបការថ្មីថ្មោងបានបង្ខំចិត្តស្វែងរកកិច្ចអន្តរាគមន៍ពីសមត្ថកិច្ចឲ្យជួយរកដំណោះស្រាយក្នុងករណីដែលនាងមិនអាចទ្រាំទ្របាន ដោយសារស្វាមីរបស់នាងបង្ខំរួមភេទគ្មានអាសូរ រហូតមួយយប់ចាប់ពី៦ទៅ៧ដង សូម្បីនាងសុំងើបទៅបត់ជើងតូច ក៏ស្វាមីល្មោភស៊ិចរូបនេះមិនអនុញ្ញាតិដែរ ពិតជាសាហាវរកលេខដាក់គ្មានមែន។

នាងឈឿង ឆាយ អាយុ២២ឆ្នាំ រស់នៅភូមិព្រែកចែក ឃុំកំពង់ព្រះ ស្រុកសង្កែ ដែលជាសាមីខ្លួនបានរៀបរាប់ប្រាប់អំពីភាពឃោឃៅរបស់ស្វាមីនាងប្រាប់កោះសន្តិភាព នៅរសៀលថ្ងៃទី០៦ មេសា នេះថា ស្វាមីរបស់នាងឈ្មោះហួត សល់ អាយុ២៧ឆ្នាំ បានរៀបការជាមួយនាងនៅថ្ងៃទី១៣ មីនា ២០១៦ កន្លងទៅថ្មីៗនេះ ប៉ុន្តែស្វាមីដែលពោរពេញថាមពលស៊ិចនេះ បានបង្ខំរួមភេទជាមួយនាងស្ទើរគ្មានពេលសំរាកទេ។

នាងឆាយ បានទម្លាយនូវរឿងអាស្រូវផ្លូវភេទនេះ ដោយគ្មានការលាក់បាំងឡើយ ព្រោះតែនាងមិនអាចស៊ូទ្រាំនឹងទារុណកម្មផ្លូវភេទនេះបាន។ នាងបានរៀបរាប់ថា ក្នុងមួយយប់ស្វាមីនាងបង្ខំរួមភេទចាប់ពី៦ទៅ៧ដង សូម្បីនាងសុំងើបទៅបត់ជើងតូចក្នុងបន្ទប់ទឹកក៏លោកប្ដីល្មោភស៊ិចរូបនេះ មិនអនុញ្ញាតិដែរ។ នាងមានការឈឺចាប់យ៉ាងខ្លាំងទាំងផ្លូវកាយ ទាំងផ្លូវចិត្ត និងផ្លូវភេទ រហូតនាងទៅកាន់មន្ទីរពេទ្យ ហើយគ្រួពេទ្យប្រាប់ថា នាងមានរលាកប្រដាប់ភេទ និងស្បូនធ្ងន់ធ្ងរទៀតផង។

នាងឈឿង ឆាយ បាននិយាយថា ចាប់តាំងពីថ្ងៃរៀបការរហូតដល់ថ្ងៃទី២២ មីនា ស្វាមីនាងបង្ខំរួមភេទគ្មានពេលសំរាកទេ ស្ទើររាល់យប់ ធ្វើឲ្យនាងមិនអាចស៊ូទ្រាំបាន ក៏ទៅប្ដឹងសមត្ថកិច្ចមូលដ្ឋានឲ្យជួយអន្តរាគមន៍ដោះស្រាយបញ្ហានេះ។ ប៉ុន្តែបែរជាស្វាមីនាងទាមទារសំណងជំងឺចិត្តពីនាងចំនួន៣.០០០ដុល្លារទៅវិញ នាងពិតជាមានការឈឺចាប់មែនទែន។