ភ្នំពេញៈ តារាចម្រៀង ដែលអាចបកស្រាយ បទចម្រៀងជាតិ និងភាសាចិនបានយ៉ាងពិរោះ កញ្ញា លី អ៊ីវ៉ាធីណា ក្រោយពីចូលវ័យ៣១មក នាងហាក់ មានការកែប្រែច្រើន ដោយនាងបានងាកមក តុបតែងខ្លួន ស្លៀកពាក់សិចស៊ី ដើម្បីធ្វើឲ្យមហាជនងាកមក ចាប់អារម្មណ៍និងគាំទ្រនាងជាថ្មី ខណៈដែលប្រជាប្រិយ ភាពរបស់នាង ហាក់នៅទ្រឹង មិនសូវលេចធ្លោដូចពីមុន ។ 

រូបថតជាច្រើនសន្លឹក ដែលតារាចម្រៀងម្ចាស់បទ «ស្តាយមិនបានសារភាពថាស្នេហ៍» កញ្ញា លី អ៊ីវ៉ាធីណា បានបង្ហោះរូបថត ជាច្រើនសន្លឹក បង្ហាញពីភាពសិចស៊ី ស្លៀកពាក់ខើចលើខើចក្រោម សិចស៊ីខ្លាំងជាងមុន ខណៈដែលវ័យរបស់នាងកាន់តែជ្រេ ហើយសន្ទុះកេរ្តិ៍ឈ្មោះ ក៏នៅទ្រឹង មួយកន្លែងទៀត។ តាមរយៈការបង្ហាញ ភាពសិចស៊ី របស់តារាស្រីរូបនេះ ត្រូវបានមហាជនខ្លះ លើកឡើងថា ការដែលនាងបង្ហាញ ភាពសិចស៊ី បែបនេះ ទំនងជានាងចង់ទាមទារ ការចាប់អារម្មណ៍ និងបង្កើនប្រជាប្រិយភាពឡើងវិញ ទើបនាងងាកមកលេងស្ទីល តែងខ្លួនថ្មីបែបនេះ៕