អ្នកកាសែតម្នាក់និយាយទូរស័ព្ទ សុខៗបែកពពុះមាត់ស្លាប់

អ្នកកាសែតម្នាក់និយាយទូរស័ព្ទ សុខៗបែកពពុះមាត់ស្លាប់

ខេត្តសៀមរាប ៖ អ្នកយកព័ត៌មានឱ្យកាសែត «ក្រុងកម្ពុជា» ប្រចាំខេត្តសៀមរាបម្នាក់ ខណៈពេលនិយាយ ទូរស័ព្ទសុខៗស្រាប់តែ ប្រកាច់បែកពពុះមាត់ ហើយបានស្លាប់ពេល បញ្ជូនដល់មន្ទីរពេទ្យ កាលពីវេលា ម៉ោង៩និង៣០នាទីថ្ងៃទី១៨ មីនា នេះ ស្ថិតនៅភូមិត្របែក ឃុំដំដែក ស្រុកសូទ្រនិគម ។

លោកវរសេនីយ៍ត្រី ទេព ចាន់ណា អធិការនគរបាលស្រុកសូទ្រនិគមបានឱ្យដឹងថា មានពលរដ្ឋរាយការណ៍ មកថា មានបុរសម្នាក់ ជាអ្នកកាសែតបើករថយន្តមក ឈប់ក្បែររោងកាត់សក់ ហើយសុំដេកលើ អង្រឹង ពេលនោះជនរងគ្រោះទាញទូរស័ព្ទមក និយាយសុខៗ ស្រាប់តែបែកពពុះមាត់ប្រកាច់ ហើយប្រជាពលរដ្ឋដែល នៅក្បែរនោះនាំគ្នាជួយសង្គ្រោះបឋម និងលើកជនរងគ្រោះដាក់លើ រថយន្តរបស់ជនរងគ្រោះដឹកយកទៅ សង្គ្រោះនៅមន្ទីរពេទ្យ ដោយសារអាក្ការៈធ្ងន់ធ្ងរពេក ជាអកុសលជនរងគ្រោះ ក៏បានស្លាប់នៅក្នុង មន្ទីរពេទ្យតែម្តង ។

លោកអធិការ បានបន្តថា ជនរងគ្រោះឈ្មោះ ទុំ មោង អាយុ៤១ឆ្នាំ ជាអ្នកយកព័ត៌មានឱ្យអង្គភាព កាសែត«ក្រុងកម្ពុជា» ប្រចាំខេត្តសៀមរាប ។ ក្រោយពីសមត្ថកិច្ចពិនិត្យនិង ធ្វើកោសល្យវិច័យទៅលើសព ជនរងគ្រោះរួចមក បានសន្និដា្ឋនថា ជនរងគ្រោះពិតជាស្លាប់ដោយ សារតែជំងឺខ្យល់គរ ពុំមែនជាករណី ឃាតកម្មគិតទុកជាមុននោះទេ ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

មុន បន្ទាប់

មតិយោបល់