ប៉ូលីសទំនើង បង្កហិង្សាតាមផ្លូវ

ប៉ូលីសទំនើង បង្កហិង្សាតាមផ្លូវ

រាជធានីភ្នំពេញ ៖ នៅមុននេះបន្តិចយប់ថ្ងៃទី១៨ ខែមីនា ឆ្នាំ២០១៦ ម្តុំស្តុបកោសដូង ស្ថិតក្នុងសង្កាត់ បឹងសាឡាង ខណ្ឌទួលគោក មានករណីហិង្សាមួយ បានកើតឡើង។ ប្រភពផ្ដល់ព័ត៌មាន ពីប្រជាពលរដ្ឋ បានប្រាប់ឲ្យដឹងថា ភាគីទាំងពីរនេះបានធ្វើដំណើរក្នុង ទិសដៅស្របគ្នា តាមបណ្ដោយផ្លូវម៉ៅសេទុង ក្នុងទិសដៅពីជើង ទៅត្បូង ម្ដុំស្ដុបកោសដូង ។

អត្តសញ្ញាណដែលជាជនបង្កដែលគេបានស្គាល់ថា ជាមន្ត្រីនគរបាលពាក់ស័ក្ដិមួយម្នាក់ ជិះម៉ូតូស្គូពី ពណ៌ខ្មៅ ពាក់ស្លាកលេខ ភ្នំពេញ1BN-0756 បានជិះស្ទាក់ពីមុខជនរងគ្រោះ ដែលជិះម៉ូតូហុងដាឌ្រីម សេ១២៥ មួយគ្រឿង ពាក់ស្លាកលេខ ភ្នំពេញ 1CP-3392 ហើយបានដកសោម៉ូតូថែមទៀតផង ។ ក្នុងហេតុការណ៍នេះនៅពេលដែលភាគីដែលជាមន្ត្រីនគរបាលបានដកសោម៉ូតូ ភាគីខាងប្រជាពលរដ្ឋបានសួរថា ហេតុអីបានជាដក សោម៉ូតូគាត់ មន្ត្រីនគរពាលរូបនោះបានឆ្លើយថា អញឲ្យឈប់ អញដកសោវាយ៉ាងម៉េច ? អញចង់ដក ។

ជាមួយគ្នានោះដែរគេបានឃើញសកម្មភាពរបស់មន្ត្រីនគរបាល មានសភាពច្រងេងច្រងាងខ្លាំង ហើយស្រវឹងស្រាថែមទៀតផង ។ ភ្លាមៗនោះប្រជាពលរដ្ឋ បានជួយអន្តរាគមន៍ ហើយបានទាក់ទងមន្ត្រី នគរបាល ប៉ុស្តិ៍ទឹកល្អក់មួយ ដើម្បីជួយដោះស្រាយ ។ បន្ទាប់មកក៏មានការ ចាប់វាយខ្នោះ បញ្ជូនបុរសដែលគេស្គាល់ ថាជាមន្ត្រីនគរបាល ពាក់ស័ក្តិមួយ ទៅប៉ុស្ដិ៍រដ្ឋបាល ទឹកល្អក់មួយ ដើម្បីធ្វើការអប់រំ ព្រោះនេះជាទង្វើអសីលធម៌ មួយនៅក្នុងសង្គម ក្នុងនាមខ្លួនជាសមត្ថកិច្ច បម្រើសន្តិសុខជូនប្រជាពលរដ្ឋ បែរជាមានសកម្មភាព ច្រងេងច្រងាង បង្កហិង្សានៅទីសាធារណៈ ធ្វើឲ្យបាត់បង់កិត្តិយស ដល់អង្គភាព ក៏ដូចជាមិត្តរួមអាជីពផងដែរ ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

មុន បន្ទាប់

មតិយោបល់