ខ្មោចឡានរាប់រយគ្រឿងកប់ចោលក្នុងព្រៃ៧០ឆ្នាំយ៉ាងអាថ៌កំបាំង តម្រង់ជួរគ្នាដូចស្ទះចរាចរ

ខ្មោចឡានរាប់រយគ្រឿងកប់ចោលក្នុងព្រៃ៧០ឆ្នាំយ៉ាងអាថ៌កំបាំង តម្រង់ជួរគ្នាដូចស្ទះចរាចរ

រូបភាពដែលប្រិយមិត្តឃើញខាងក្រោមនេះ មិនមែនជាឈុតឆាកក្នុងខ្សែភាពយន្តនោះទេ ប៉ុន្តែជារូបដែលថតចេញពីព្រៃខ្មោចរថយន្តដ៏ពិតប្រាកដមួយនៅក្នុងប្រទេសបែលហ្សិក។

ខ្មោចឡានតម្រង់ជួរគ្នាដូចស្ទះចរាចររយៈពេល៧០ឆ្នាំ

យោងតាមការនិយាយតៗគ្នាបានឲ្យដឹងថាឡានទាំងអស់នោះ ត្រូវបានបន្សល់ទុកដោយទាហានអាមេរិកក្នុងសម័យសង្រ្គាមលោកលើកទី២។ ពួកគេមិនអាចដឹកជញ្ជូនឡានទាំងនោះទៅអាមេរិកបាន ទើបសម្រេចលាក់ទុកនៅក្នុងព្រៃសិន ចាំពេលណាមួយអាចត្រលប់មកយកទៅអាមេរិកវិញ។ យ៉ាងណាក្ដី ប្រជាជនក្នុងតំបន់ បានបដិសេធការលើកឡើងនោះ ដោយអះអាងថារថយន្តចាស់ៗទាំងនោះ ត្រូវបានផលិតនៅក្រោយសង្រ្គាមលោកលើកទី២។

នៅក្នុងព្រៃនៃតំបន់ Chatillon នោះ មានកន្លែងទុកខ្មោចឡានដល់ទៅ៤ មិនមែនតែ១នោះទេ ហើយមានខ្មោចឡានប្រហែល៥០០គ្រឿង។ ប៉ុន្តែ ឡានចាស់ៗភាគច្រើន ត្រូវបានគេលួច ឬក៏យកចេញពីព្រៃដោយប្រជាជនក្នុងតំបន់។ ដោយសារតែវាអាចប៉ះពាល់ដល់បរិស្ថាន ទើបកន្លែងដំកល់ខ្មោចឡាននោះ ត្រូវសម្អាតចោលនៅឆ្នាំ២០១០។

សូមមើលរូបភាពជាច្រើនទៀត ដូចខាងក្រោម៖