កូរ៉េខាងត្បូង ប្តេជ្ញាជីកឫសគល់ ពុករលួយ គ្រប់សណ្ឋាន ឲ្យអស់ពីផ្ទៃប្រទេស

កូរ៉េខាងត្បូង ប្តេជ្ញាជីកឫសគល់ ពុករលួយ គ្រប់សណ្ឋាន ឲ្យអស់ពីផ្ទៃប្រទេស

ដើមអម្ពិល, សេអ៊ូល៖ លោកនាយករដ្ឋមន្ត្រី កូរ៉េខាងត្បូង ជុង ហុងវ៉ុន បានប្តេជ្ញានៅថ្ងៃអង្គារ ទី០៨ ខែកក្កដា ឆ្នាំ ២០១៤ នេះថា នឹងដកឫសគល់ នៃអំពើពុករលួយឲ្យអស់ពីសង្គមគ្រប់ជាន់ថ្នាក់ ដោយលោកបានលើកឡើង ពីផែនការមេ ដើម្បីបង្កើតគណកម្មាធិការឯកជន និង សាធារណ ឈានទៅរកការធ្វើកំណែទម្រង់ជាតិ ដ៏ធំសម្បើមនៅថ្ងៃអនាគត។

ទីភ្នាក់ងារព័ត៌មានចិនស៊ិនហួ បានចេញផ្សាយនៅថ្ងៃអង្គារ នេះទៀតថា លោកជុង បាន និយាយដូចខាងលើនេះ ក្នុងពេលប្រជុំឡើងកាន់តំណែងថ្មីៗ ដែលមានការចេញផ្សាយព័ត៌ មានតាមកញ្ចក់ទូរទស្សន៍រដ្ឋផងដែរ។ នៅក្នុង គម្រោងបង្កើតផែនការមេនោះ មានការចូលរួម ពីក្រុមអ្នកជំនាញស៊ីវិលមកពីសង្គមគ្រប់លំដាប់ថ្នាក់ ដើម្បី បង្កើតនយោបាយរួមគ្នាមួយ ប្រយុទ្ធប្រឆាំងនឹងអំពើភេវរកម្មក្នុងសង្គមកូរ៉េទាំងមូល។

ស្ថាប័នមួយដែលមានឈ្មោះថា គណកម្មាធិការសភាប្រជាជនសម្រាប់កំណែទម្រង់ទ្រង់ ទ្រាយធំ នឹងត្រូវបង្កើតឡើង ក្រោមការដឹកនាំរបស់ការិយានាយករដ្ឋមន្ត្រី ដើម្បីរៀបចំផែនការមេ សម្រាប់ជំរុញ ការធ្វើកំណែទម្រង់នៅខែកុម្ភៈ ឆ្នាំ ២០១៥ ខាងមុខនេះ។

គួរបញ្ជាក់ថា សេចក្តីសម្រេចរបស់រដ្ឋាភិបាលកូរ៉េខាងត្បូង បានលេចឡើងបន្ទាប់ពីគ្រោះ ថ្នាក់លិចសាឡង់ សេវូល កាលពីខែមេសា ដែលបានបណ្តាលឲ្យមនុស្សជាង ៣០០នាក់ស្លាប់ និង បាត់ខ្លួន ហើយប្រការនោះ មិនទាន់មានការឆ្លើយតបណាមួយ ឲ្យទទួលយកបានពី សំណាក់ប្រជាពលរដ្ឋ និង សាច់ញាតិជនរងគ្រោះ នៅឡើយទេ។ ប្រការនេះត្រូវបាន សាធារណជន ស្តីបន្ទោស ទៅលើអំពើពុករលួយ និង ភាពមិនទទួលខុស ត្រូវរបស់មន្ត្រីពាក់ព័ន្ធ៕

មុន បន្ទាប់

មតិយោបល់