ជប៉ុនប្រកាសអាសន្នពិសេស និងឱ្យជម្លៀសមនុស្សចេញពេលព្យុះ NEOGURI ជិតមកដល់

ជប៉ុនប្រកាសអាសន្នពិសេស និងឱ្យជម្លៀសមនុស្សចេញពេលព្យុះ NEOGURI ជិតមកដល់

បញ្ចូលអត្ថបទ ៖ ចន្ទ្រគ្រាស

ថ្ងៃអង្គារ ទី៨ ខែកក្កដា ឆ្នាំ២០១៤ ម៉ោង ១៥:០៩

គេហទំព័របរទេស

ភ្លៀងធ្លាក់រួចហើយនៅកោះអូគីណាវ៉ា មុនព្យុះមកដល់

ការប្រកាសអាសន្នពិសេសនៅតែរក្សាទុកកាលពីព្រឹកថ្ងៃទី៨ កក្កដា នៅភាគខាងត្បូងជប៉ុន ចំពោះកោះមីយ៉ាកូ និងកោះអូគីណាវ៉ា ពេលព្យុះទីហ្វុង NEOGURI ជិតបោកបក់មកដល់ ។

ទីភ្នាក់ងារឧតុនិយមជប៉ុនបានធ្វើការព្រមានចម្បងមួយចំពោះខ្យល់យ៉ាងខ្លាំង ព្រមទាំងភ្លៀងធ្លាក់ខ្លាំង និងរលកសមុទ្រធំៗ ដែលតំបន់ភាគខាងត្បូងប្រទេសរងប៉ះពាល់រួចហើយ ។ ទីភ្នាក់ងារឧតុនិយមជប៉ុនគូសបញ្ជាក់ថា នោះជាសភាពការណ៍វិសាមញ្ញមួយជាមួយគ្រោះថ្នាក់យ៉ាងធំធេង ហើយយើងស្នើដល់ប្រជាជនរកកន្លែងដែលយល់ថា អាចការពារបានដោយតាមដានបណ្តាការណែនាំរបស់អាជ្ញាធរមូលដ្ឋានមុនពេលព្យុះនោះមកដល់ ។

បន្ទាប់ពីកោះមីយ៉ាកូ ដែលមានបទបញ្ជាកាលពីយប់ថ្ងៃទី៧ កក្កដា ឱ្យជម្លៀសមនុស្សចេញប្រមាណជា៥៥.០០០នាក់ កោះធំអូគីណាវ៉ា ក៏ត្រូវប្រឈមមុខនឹងខ្យល់បោកបក់ខ្លាំងដែរអាចមានល្បឿនដល់២១៥គីឡូម៉ែត្រក្នុង១ម៉ោង ហើយអាចខ្លាំងជាងនេះផង ។ បទបញ្ជាឱ្យមានការជម្លៀសមនុស្ស៤២.០០០នាក់ចេញ ត្រូវបានធ្វើកាលពីព្រឹកថ្ងៃទី៨ កក្កដា នៅទីក្រុងណាហ្សូ ហើយមនុស្ស៤៦.០០០នាក់ត្រូវជម្លៀសចេញនៅទីក្រុងហ្ស៊ីណូវ៉ាន ជាទីក្រុង២ ស្ថិតនៅភាគខាងត្បូងកោះអូគីណាវ៉ា ។

ជើងហោះហើរជាច្រើនរយជើងរបស់យន្តហោះត្រូវលុបចោល រួចមនុស្សជាង៥០០.០០០នាក់ទទួលបទបញ្ជាឱ្យជម្លៀសចេញពេលព្យុះកំពុងគំរាមកំហែង ដោយទាំងទីក្រុងតូក្យូដែរក្នុងសប្តាហ៍នេះ ។

ព្យុះទីហ្វុង NEOGURI ទោះបីពេលនេះចុះថយកម្លាំងបន្តិច ក៏ប៉ុន្តែនៅតែជាខ្យល់ព្យុះខ្លាំងបំផុតមួយជាមួយកម្លាំងខ្យល់បោកបក់ដល់២៥០គីឡូម៉ែត្រក្នុង១ម៉ោង ។ ព្យុះនេះត្រូវមកដល់កោះអូគីណាវ៉ា នាថ្ងៃទី៨ កក្កដា ។

ទូរទស្សន៍ជបុ៉ន NHK រាយការណ៍ថា មនុស្សម្នាក់បានបាត់ខ្លួនរួចហើយនៅកោះអូគីណាវ៉ា ហើយមនុស្សជាច្រើននាក់ទៀតត្រូវរបួស។ មូលដ្ឋានអាកាសចរណ៍កាជឺណា ជាមូលដ្ឋានយោធាសំខាន់មួយរបស់អាមេរិកនៅកោះអូគីណាវ៉ា ស្ថិតក្នុងការប្រកាសអាសន្នពេញបន្ទុករួចរាល់សកម្មភាពនៅខាងក្រៅមូលដ្ឋាននេះត្រូវហាមឃាត់ ៕

មុន បន្ទាប់

មតិយោបល់