ស្ថានទូត​អង់គ្លេស នៅកម្ពុជា ឧបត្ថម្ភ​​ថវិកាជាង ៦ពាន់​​ដុល្លារ ជូនមន្ទីរពេទ្យ​​គន្ធបុប្ផា

ថ្ងៃ អង្គារ ទី ៨ ខែ កក្កដា ឆ្នាំ ២០១៤ ម៉ោង ១៧:៣៥

ដើមអម្ពិល, ភ្នំពេញ៖ ឯកអគ្គរាជទូត​​ចក្រភពអង់គ្លេសប្រចាំ នៅ​​កម្ពុជា លោក Bill Longhurst នៅរសៀល​​ថ្ងៃទី០៨ ខែកក្កដា  ឆ្នាំ២០១៤នេះ បាននាំយក​​ថវិកាចំនួន ៦.១០០ដុល្លារ ទៅប្រគល់​​ដល់ដៃលោក​​វេជ្ជបណ្ឌិត Beat Richner  ប្រធានមន្ទីរពេទ្យ​​គន្ធបុប្ផា ដើម្បីជួយដល់កុមារ​​កម្ពុជា ដែលកំពុងត្រូវ​​ការជាចាំបាច់សម្រាប់ព្យាបាល​ជំងឺពួកគេជា រៀងរាល់ថ្ងៃ​នោះ។

យោងតាមហ្វេសប៊ុករបស់​​ស្ថានទូតចក្រភព​អង់គ្លេសប្រចាំ​នៅកម្ពុជា បានថ្លែងឲ្យ​​ដឹងថា ថវិកាប្រគល់​​ប្រគល់ជូន  មន្ទីរ​ពេទ្យគន្ធបុប្ផានា​​ពេលនេះ ដើម្បីអបអរសាទរថ្ងៃខួប​​កំណើតរបស់ម្ចាស់​​ក្សត្រិយ៍អង់គ្លេស អាលីហ្សាបែត២។  

តាមទំព័រហ្វេសប៊ុក ក៏បានឲ្យដឹង​​ផងដែរថា ថវិកាជំនួយដល់​​គន្ធបុប្ផានាថ្ងៃនេះ បានមកពី​​សប្បុរសជន ដែលជាដៃគូ  មានដូចជាក្រុមហ៊ុន​​សម្លៀកបំពាក់ Quantum និងក្រុមហ៊ុន​​រថយន្ត RMA Cambodia ព្រមទាំង​​ថវិកាពីអ្នកចូល រួមប្រារព្ធថ្ងៃខួបកំណើត​ម្ចាស់ក្សត្រិយ៍​អាលីហ្សា២ នៅរាជធានីភ្នំពេញ​​កាលពីថ្ងៃទី១៩ ខែមិថុនា ឆ្នាំ២០១៤។

មន្ទីរពេទ្យគន្ធបុប្ផាត្រូវចំណាយ​​ជាមធ្យមប្រមាណ ១ម៉ឺន​​ដុល្លារជារៀងរាល់ថ្ងៃសម្រាប់​​ចំណាយទៅការ​​ព្យាបាលកុមារ  កម្ពុជា មន្ទីរពេទ្យ​​គន្ធបុប្ផា ជាមន្ទីរពេទ្យស្វែង​​រកប្រាក់កម្រៃមួយនៅ​​កម្ពុជា ដែលមាន​គុណភាពក្នុងការ​​ព្យាបាលកុមារ ហើយបានផ្តល់នូវ​​ទំនុកចិត្តខ្ពស់ផង​ដែរលើសេវាព្យាបាល។

ទាំងសាខាក្នុងរាជធានីភ្នំពេញ និងនៅ​​ខេត្តសៀមរាប តាំងពី​​ព្រលឹម ទល់ព្រលប់ពលរដ្ឋ​​កម្ពុជា រាប់រយនាក់ ជារៀង  រាល់ បានទៅតម្រង់​​ជួរគ្នា ដើម្បីនាំកូនៗរបស់ពួក​​គេទៅរកសេវា​​ព្យាបាលស្ទើរគ្រប់​​ប្រភេទជំងឺទាំងអស់។

មន្ទីរពេទ្យគន្ធបុប្ផា មិនត្រឹមតែបាន​ជួយដល់កុមារ​ក្រីក្រកម្ពុជា មានក្តីសង្ឃឹម​ពេលពួកគេមាន​​ជំងឺនោះទេ នៅពេល  ថ្មីៗនេះទៀតសោត មន្ទីរពេទ្យ​​មួយនេះ បានបំផុសនូវ​​ស្មារតីរួបរួមជួយគ្នា​របស់ប្រជាជនកម្ពុជា​ថែមទៀតផង។ គ្រា  ដែលមន្ទីរពេទ្យប្រកាស​អាសន្ន នៃការខ្វះថវិកា ដើម្បីទ្រទ្រង់ដល់​​សេវារបស់ខ្លួននោះ ប្រជា​ពលរដ្ឋកម្ពុជា  មកពីគ្រប់​ទិសទី រួមទាំងបណ្តាក្រុម​​ហ៊ុននានា បាននាំគ្នាចូលរួមយ៉ាង​​សស្រាក់សស្រាំ​បរិច្ចាគថវិកា ដើម្បី បន្តដង្ហើម​​មន្ទីរពេទ្យ ដ៏មានគុណប្រយោជន៍​សម្រាប់កុមារ​​កម្ពុជាមួយនេះ៕

មតិ​យោបល់