ថៃ៖ មិនទាន់បានប៉ុន្មានថ្ងៃផង តារាស្រីថៃដ៏ល្បី Aum Patcharapa  ស្រាប់តែធ្វើពិធីខួបកំណើតជាថ្មីម្តងទៀត ប៉ុន្តែខួបកំណើតរបស់នាងលើកនេះ គឺធំដុំជាងពិធីខួបកំណើត កាលពីថ្ងៃទី៥ ខែធ្នូ​ កន្លងទៅថ្មីៗនេះទៅទៀត។

នាង Aum Patcharapa  បានរៀបចំធ្វើខួបកំណើតសារជាថ្មី ដែលបានសម្រិតសម្រាំងពិធីនេះ យ៉ាងប្លែកអស្ចារ្យ ខុសពីតារាដទៃទៀត។ ចំពោះទិដ្ឋភាពទាំងមូល នៅក្នុងពិធីរបស់នាង កាលពីយប់មិញនេះ គឺអ្វីគ្រប់យ៉ាង រំលេចទៅដោយផ្កាចម្រុះពណ៌ ធ្លាក់រំយោលពាសពេញ មើលទៅពិតជាស្រស់ស្អាតយ៉ាងខ្លាំង។

អ្វីដែលពិសេសទៀតនោះ គឺមិនត្រឹមតែ ពិធីរបស់នាងពោរពេញទៅដោយផ្កាប៉ុណ្ណោះទេ សូម្បីតែអ្នកចូលរួមទាំងអស់ ក៏ពួកគេនាំគ្នាស្លៀកឈុតសម្លៀកបំពាក់ណា ដែលមានរូបផ្កាជាប់ផងដែរ។

ជាមួយគ្នានោះដែរ ពិធីខួបកំណើត របស់តារាស្រីវ័យ ៣៧ឆ្នាំរូបនេះ ក៏មានវត្តមានមិត្តប្រុសជាទីស្រឡាញ់ របស់នាង បានមកចូលរួម និងបានបង្ហាញភាពផ្អែមល្ហែមទៅកាន់រូបនាង នៅមុខអ្នកចូលរួមទាំងអស់ផងដែរ៕

ខួបកំណើតរបស់តារាស្រីថៃ  Aum Patcharapa

ដោយ៖​កា
ខ្មែរឡូត