បង្ក្រាបករណីជួញដូរគ្រឿងញៀន នៅខេត្តព្រះសីហនុ ឃាត់ខ្លួនជនសង្ស័យ២នាក់

បង្ក្រាបករណីជួញដូរគ្រឿងញៀន នៅខេត្តព្រះសីហនុ ឃាត់ខ្លួនជនសង្ស័យ២នាក់

ខេត្តព្រះសីហនុ ៖ កម្លាំងសមត្ថកិច្ចប្រឆាំងគ្រឿង បានចុះបង្ក្រាបករណី ជួញដូរគ្រឿងញៀនមួយកន្លែង កាលពីវេលាម៉ោង៨យប់ ថ្ងៃទី១២ ធ្នូ ២០១៥ នៅចំណុចភូមិ២ សង្កាត់លេខ៣ ខេត្តព្រះសីហនុ ដោយឃាត់ខ្លួនបានជនសង្ស័យ២នាក់ និងវត្ថុតាងមួយចំនួន ។

សមត្ថកិច្ចបានឲ្យដឹងថា ជនសង្ស័យ ដែលឃាត់ខ្លួនបានមាន ១-ឈ្មោះ កែវ ភ័ក្ក្រ ភេទប្រុស អាយុ២៩ឆ្នាំ មុខរបរមិនពិតប្រាកដ ទីលំនៅកន្លែងកើតហេតុ និង ២-ឈ្មោះ នី វណ្ណា ភេទប្រុស អាយុ៣០ឆ្នាំ ជនជាតិខ្មែរ មុខរបរកម្មករ ទីលំនៅភូមិ៣ សង្កាត់លេខ២ ខេត្តព្រះសីហនុ ព្រមទាំងដកហូតបានវត្ថុតាង ថ្នាំញៀនមេតំហ្វេតាមីន ១កញ្ចប់ ។

បច្ចុប្បន្ន ជនសង្ស័យ និងវត្ថុតាង ត្រូវបានកម្លាំងជំនាញ កសាងសំណុំរឿងបញ្ជូន ទៅសាលាដំបូងខេត្តដើម្បី ចាត់ការតាមនីតិវិធីច្បាប់ ៕