ព្រៃវែង៖ បុរសម្នាក់ឈ្មោះ ឡាយ ម៉េត ភេទប្រុស អាយុ ៤៣ឆ្នាំ បានស្លាប់ភ្លាមៗ បន្ទាប់ពីបើកម៉ូតូបញ្ច្រាសទិសគ្នា ជាមួយរថយន្ត រួចរថយន្តបុកពេញមួយទំហឹង កាលពីវេលា ម៉ោង០៤ និង៤០នាទី ល្ងាចថ្ងៃទី១០ ខែវិច្ឆិកា ឆ្នាំ២០១៥ នៅតាមបណ្តោយផ្លូវជាតិលេខ៨ ចន្លោះបង្គោល គីឡូម៉ែត្រលេខ ៥២ និង ៥៣ ស្ថិតក្នុងភូមិជ្រៃ ឃុំរាប ស្រុកពារាំង ខេត្តព្រៃវែង។

បើយោងតាមសមត្ថកិច្ច បានលើកឡើងថា ពេលបុកម៉ូតូហើយ រថយន្តបង្កហេតុ បានបើករត់គេចខ្លួនបាត់ ដោយ មិនមានអ្នកណាស្គាល់អត្តសញ្ញាណទេ រីឯម៉ូតូជនរង គ្រោះ តែម្នាក់ឯងនោះ ម៉ាក ហុងដា សេ១០០ ស្លាកលេខ 1A 6365 ហើយរហូតមកទល់យប់ថ្ងៃទី១០ ខែវិច្ឆិកានេះ សមត្ថកិច្ចកំពុងតាមរករថយន្តបង្កហេតុ រីឯសពជន រងគ្រោះ ត្រូវបានប្រគល់ជូនសាច់ញាតិ យកទៅធ្វើបុណ្យតាមប្រពៃណី៕

ផ្តល់សិទ្ធដោយ ដើមអម្ពិល