កាលពីម្សិលមិញនេះ តារាសម្តែងស្រីថៃដ៏ល្បី នាង Yaya Urassaya ដែលមានវ័យ ២២ឆ្នាំ និងទើបតែបញ្ចប់ការសិក្សានៅមហាវិទ្យាល័យ កាលពីកន្លងទៅនេះ ត្រូវបានគេប្រទះឃើញ មានវត្ដមាន នៅលើទឹកដីអង្គរ ជាមួយនឹង ស្នាមញញឹមដ៏រួសរាយ។

នេះបើតាមរូបភាព ជាច្រើនសន្លឹកដែលបង្ហោះឡើង នៅក្នុងបណ្ដាញទំនាក់ទំនងសង្គមនានា បានបង្ហាញ ឲ្យដឹងថា នាង Yaya បានមកដល់ទឹកដី ខេត្ដសៀមរាប និងបានទិញសំបុត្រចូលទស្សនា ប្រាសាទអង្គរ កាលពីថ្ងៃម្សិលមិញនេះ ត្រូវនឹងថ្ងៃទី ០៤ ខែធ្នូ។ មួយវិញទៀត ស្ថិតក្នុងសំលៀកបំពាក់ដ៏សាមញ្ញ នៅលើទឹកដីអង្គរ នាងហាក់ដូចជា មកកម្សាន្ដជាលក្ខណៈ ឯកជន ជាជាងការងារ តែបែរជាមិនឃើញវត្ដមាន របស់គូស្នេហ៍នាង គឺលោក Nedech Kugimiya នោះទេ។ យ៉ាងណាមិញ នាងក៏ត្រូវបាន​ស្កាត់ដោយអ្នកគាំទ្រ សុំថតរូបជាមួយផងដែរ៕ 

ដោយ៖ ម៉ា

ខ្មែរឡូត