ចាប់​កំណើត​តាំង​ពី​​ឆ្នាំ​១៩៩៤ ​​និង​ពេញ​និយម​ខ្លាំង​​នៅ​​ទីក្រុង​តូក្យូ​​ប្រទេស​ជប៉ុន​ ភោជនីយដ្ឋាន​ទំនើប​​​​​ Pepper Lunch ​​បាន​​រីក​ចម្រើន​​ប្រកប​​ដោយ​ការ​​គាំទ្រ ​​​​​​ទៅ​ដល់​​​ប្រទេស​ជឿន​លឿន​ជា​​ច្រើន​​​ ហើយ​ចាប់​ពី​ពេល​នេះ​តទៅ​​ប្រជាជន ​កម្ពុជា​​​​ ក៏​​អាច​ភ្លក់​រសជាតិ​អាហារ​ចម្អិន​ថ្មី​ៗ​ ដ៏​មាន​ឱជារស​​ទាំង​នោះ​​ នៅ​ជាន់​ទី​២​​​ ផ្សារ​ទំនើប​​​បំផុត​នៅ​កម្ពុជា​​​ AEON Mall។

​
​Pepper Lunch ​​​​ភោជនីយដ្ឋានដ៏​មាន​យីហោ​​ ​​​មាន​ហាង​​ប្រមាណ​ ២៦០ ​​នៅ​​​​បណ្ដា​​​តំបន់​​​​​ជា​​ច្រើន​ដូច​ជា​​​ ជប៉ុន អូស្ត្រាលី​​ ហុង​កុង សិង្ហបុរី ​កូរ៉េ ចិន តៃវ៉ាន់​ ម៉ាកាវ​​ ថៃ ​សហរដ្ឋ​អាមេរិក​ និង​បណ្ដា​ប្រទេស​ជា​ច្រើន​ទៀត​នៅ​ អាស៊ីអាគ្នេយ៍​​​​​។ ​ភោជនីយដ្ឋាន​បម្រើ​​​​​អាហារ​រស​ជាតិ​បែប​អាស៊ី​នេះ​​​​ ​​​កំពុង​ទទួល​ការ​គាំទ្រ​​​​ឥត​ឈប់ឈរ​​​ ​មុន​ឈាន​ជើង​មក​​បម្រើ​​​អតិថិជន​​នៅ​កម្ពុជា ​​ដោយ​បាន​បើក​​​សម្ពោធ​​​​​​នៅ​ជាន់​ទី​២​ផ្សារ AEON Mall ​​​​ថ្ងៃ​៦​កក្កដា​​ម្សិល​មិញ​​។

លោក Kunio Ichinose ​ប្រធាន​ក្រុមហ៊ុន​ ​Pepper Food Service Co.,Ltd ​​​ក្រុមហ៊ុន​មេ​​នៅ​ តូក្យូ ដែល​គ្រប់​គ្រង និង​លក់​អាជ្ញាប័ណ្ណ​​ ( Franchise)​ ​របស់​ Pepper Lunch ​​ទៅ​​ទីផ្សារ​អន្តរជាតិ​ ​​បាន​ហៅ​​​ការ​​​​​​ផ្ដល់​សិទ្ធ​ឲ្យ​ក្រុមហ៊ុន​​ Yummy Food Co,.Ltd ​របស់​​កម្ពុជា​​​​ នាំ​​ភោជនីយដ្ឋាន​​​មាន​ឈ្មោះ​បោះ​សំឡេង​នេះ ​​​​​​កម​កាន់​ភ្នំពេញ​​ពេល​​នេះ​ ​ថា​​​ជា​​ការ​រីក​ចម្រើន​​របស់​ Pepper Lunch ​មួយ​ជំហាន​ទៀត​។​ ​​បុរស​ជន​ជាតិ​​ជប៉ុន​បន្ថែម​​៖ ​”​២០​ឆ្នាំ​ដែល​ Pepper Lunch ចាប់​បម្រើ​អតិជន​​។ យើ​ង​​​បាន​ជោគជ័យ​ជា​ខ្លាំង​ រីក​​ចម្រើន​គ្មាន​ដែន​កំណត់​ទៅ​ដល់​ប្រទេស​ជា​ច្រើន​​​ ហើយ​​​វា​ជា​រឿង​​រីករាយ​ដែល​​យើង​​​បាន​​​​មក​ កម្ពុជា ដំបូង​បំផុត​ពេល​នេះ”។

លោក Kunio Ichinose (ពាក់វែនតា) និង​លោក លី ស៊ាងហុង ក្នុង​ពិធី​សម្ពោធ

ភោជនីយដ្ឋាន​មួយ​នេះ​​ ថ្មី​បន្តិច​សម្រាប់​ប្រជាជន​កម្ពុជា តែ​អ្នក​ដែល​​ធ្លាប់​​ទៅ​​បរទេស​​ប្រហែល​ធ្លាប់​​ស្គាល់ ​​ធ្លាប់​ដឹង​រសជាតិ​។ ​គ្រាន់​តែ​បើក​បម្រើ​បណ្ដោះ​អាសន្ន​​មួយ​អាទិត្យ ​មុន​សម្ពោធ​ម្សិល​មិញ Pepper Lunch ​​ទទួល​ការ​គាំទ្រ​​លើស​ការ​​​គិត​ទុក​របស់​ខ្លួន​​​ដាច់​ឆ្ងាយ​តែ​ម្ដង​​​។ ​

លោក លី ស៊ាងហុង អគ្គនាយក​​ក្រុមហ៊ុន​ Yummy Food Co,.Ltd ​ក្រុមហ៊ុន​​​ដែល​​បាន​ទិញ​អាជ្ញាប័ណ្ណ​​​​នាំ​ភោជនីយដ្ឋាន​​នេះ​​មក​កម្ពុជា ថា​​​​​ប្រជាជន​កម្ពុជា​​​មួយ​ចំនួន​ធ្លាប់​ស្គាល់ និង​ចាប់​ផ្ដើម​ស្គាល់​ Pepper Lunch​។​លោក លីស៊ាងហ៊ុង​​​​ ​ពន្យល់៖ “​​​​​យើង​​​​ទិញ main franchise (អាជ្ញាប័ណ្ណ​​លក់​ដូរ​ផ្ដាច់​មុខ​​) ពី​​ជប៉ុន។ គ្រាន់​​តែ​បើក​​​​បណ្ដោះ​អាសន្ន​មួយ​អាទិត្យ​ ជា​មធ្យម​​មាន​​អតិថិជន​​ប្រមាណ​ ៥០០​នាក់​ក្នុង​មួយ​ថ្ងៃ​មក​កាន់​ហាង​​នេះ​​​​​។ ​​​ម្សិល​មិញ​អី ៧០០​នាក់​​ ​ហើយ​ខ្ញុំ​មាន​ជំនឿ​ចិត្ត​​ថា​​យើង​នឹង​រីកចម្រើន​​ ​ព្រោះ​​យើង​មាន​បទពិសោធន៍​​សេវាកម្ម​​​ភោជនីយដ្ឋាន​ល្បី​ៗ​នៅ​ភ្នំពេញ​ស្រាប់”។

ទិដ្ឋភាព​សម្ពោធ​ម្សិល​មិញ

លក្ខណៈ​ពិសេស​​​របស់​ភោជនីយដ្ឋាន​​មួយ​នេះ​ គឺ​ថា​​ឈុត​​​អាហារ​​​​ទាំង​ឡាយ ​​​ចម្អិន​ស្រស់​ៗ រហ័ស​ មាន​អនាម័យ​បំផុត​​។ រាល់​គ្រឿង​ផ្សំ​​ប្រកប​ដោយ​គុណភាព​​​ និង​រូប​មន្ត​​ចម្អិន​សព្វ​បែប​ សុទ្ធ​តែ​​​មាន​ស្តង់ដារ​​​​ ដើម្បី​ផ្ដល់​ទំនុក​ចិត្ត​​ដល់​អតិជន​​​​​​​ គាំទ្រ​ចាប់​ចិត្ត​​។ ​

ក្រោយ​បើក​​សម្ពោធ​​លើ​​ផ្សារ​ទំនើប​​ AEON Mall ជា​ទី​ចាប់​អារម្មណ៍​​បំផុត​របស់​ប្រជាជន​យ៉ាង​ភ្លូក​ទឹក​ដី​នៅ​ភ្នំពេញ កាល​ពី​ម្សិល​មិញ Pepper Lunch ​​ក្នុង​រយៈពេល​​​៨​ឆ្នាំ​​មាន​គោលដៅ​​បង្កើន​សេវាកម្ម​​​​ធ្វើ​យ៉ាង​ណា​​​ ពង្រីក​ខ្លួន​ឲ្យ​​បាន​​ ១០​​ ហាង​នៅ​កម្ពុជា៕