កូនស្រីញៀនលេង Facebook ពេក អស់លុយឪពុកជាង ១ ម៉ឺនដុល្លារ

កូនស្រីញៀនលេង Facebook ពេក អស់លុយឪពុកជាង ១ ម៉ឺនដុល្លារ

ក្មេងស្រីម្នាក់បានចំណាយអស់ប្រាក់ ៩០០០ ផោន (ប្រហែល ១៥០០០ ដុល្លារ) ដោយសារជក់លេង Facebook ដើម្បីបង្ហោះរូបភាព ដើរកម្សាន្តទៅកាន់ Antigua ក្នុងតំបន់ខារីបៀន។

ឪពុកចុងរបស់នាង David Mason ដែលជាអ្នកចំណាយថ្លៃទូរសព្ទ បានទាក់ទងទៅកាន់នាងពីផ្ទះនៅទីក្រុង Gloucester បន្ទាប់ពីទទួលបានសារមួយដែលមានន័យថានាងត្រូវបានគេគិតថ្លៃ ៥០ ផោន (ប្រហែល ៧៥ ដុល្លារ) ពីការប្រើប្រាស់សេវា roaming (សេវាប្រើប្រាស់ទូរសព្ទក្រៅប្រទេស)។

បុរសវ័យចំណាស់ដដែលស្មានថាកូនស្រីរបស់ខ្លួនផ្ដាច់សេវាទូរសព្ទពីចក្រភពអង់គ្លេស ហើយប្រើប្រាស់តាមប្រព័ន្ធ WiFi ប៉ុន្តែតាមពិតនាងនៅតែប្រើប្រាស់សេវាទូរសព្ទក្នុងតំបន់ ដែលធ្វើឲ្យគ្រួសាររបស់នាងជំពាក់បំណុលគេរហូតដល់ជាង ១ ម៉ឺនដុល្លារ។

article-2682391-1F6D6BDD00000578-836_306x423

នៅពេលដែលនាង និងម្ដាយរបស់នាង Tracey វ័យ៤៦ឆ្នាំ ត្រលប់មកពីដំណើរកម្សាន្តវិញ លោក Mason ក៏បានទទួលវិក្កយបត្រមួយដែលមានទឹកប្រាក់ ៥៤០០ ផោន ហើយ ៤ សប្ដាហ៍ក្រោយមកទទួលបានវិក្កយបត្រមួយទៀតដែលមានទឹកប្រាក់ ៣៥០០ ផោន។

លោក Mason បាននិយាយថា “ខ្ញុំមានការភ្ញាក់ផ្អើលយ៉ាងខ្លាំងនៅពេលទទួលបានវិក្កយបត្រដែលមានតម្លៃ ៥៤០០ ផោនលើកដំបូង”។

កិច្ចសន្យាប្រើប្រាស់ទូរសព្ទគឺដាក់ឈ្មោះរបស់ខ្ញុំ ប៉ុន្តែខ្ញុំកំពុងតែនៅប្រទេសអង់គ្លេស ហើយនៅពេលនោះខ្ញុំក៏ទទួលបានសារដែលនិយាយថាការប្រើប្រាស់សេវា roaming ត្រូវបង់ថ្លៃ ៥០ ផោន។ ក្រុមហ៊ុន Orange បានសួរខ្ញុំថាចង់ផ្ដាច់សេវា roaming ឬអត់? ខ្ញុំក៏យល់ព្រម ហើយបានផ្ដល់ដំណឹងឲ្យ Tracey ប៉ុន្តែទូរសព្ទនោះនៅតែភ្ជាប់ទៅកាន់សេវា roaming របស់ប្រទេសចាម៉ៃកាដោយពួកគេមិនបានដឹងទាល់តែសោះ។

Masonបានបង់ប្រាក់សម្រាប់វិក្កយបត្រដែលមានទឹកប្រាក់ ៥៤០០ ផោន ហើយបដិសេធមិនបង់ប្រាក់សម្រាប់វិក្កយបត្រផ្សេងទៀតទេ។

គាត់បានទាក់ទងទៅកាន់ការិយាល័យផ្ដល់ដំបូន្មានដល់ពលរដ្ឋ ហើយគេក៏បានធ្វើការស៊ើបអង្កេត។ ជាលទ្ធផល សប្ដាហ៍មុននេះក្រុមហ៊ុន Orange បានកាត់បន្ថយតម្លៃវិក្កយបត្រនោះមកនៅត្រឹម ៥០០ ផោន (៧៥០ ដុល្លារ) ហើយយល់ព្រមបង្វិលទឹកប្រាក់ដែលគេបានទទួលមកឲ្យម្ចាស់ដើមវិញ។

នេះជាឧទាហរណ៍មួយសម្រាប់អ្នកប្រើប្រាស់ដែលប្រើប្រាស់សេវា Roaming នៅក្រៅប្រទេស ត្រូវប្រយ័ត្នប្រយែង បើមិនដូច្នោះទេ ច្បាស់ជាត្រូវវណ្ឌកដូចបុរសរូបនេះអីចឹង៕

ប្រភព: sabay

មុន បន្ទាប់

មតិយោបល់