ភ្នំពេញ៖ នេះជាឆ្នាំទី 10 ដែលផលិតផលថ្នាំសម្លាប់សត្វ​ល្អិតម៉ាក រ៉េដ និងថ្នាំបណ្តេញមូស អហ្វ! ហ្វរ័ឃីដ បង្កើតនូវយុទ្ធនាការប្រយុទ្ធ ប្រឆាំងនឹងជំងឺគ្រុនឈាម ដើម្បីក្រុមគ្រួសារលោកអ្នក និងគ្រប់ក្រុមគ្រួសារ ។ នៅថ្ងៃទី18 ខែវិច្ឆិការ ឆ្នាំ 2015 យុទ្ធនាការរបស់យើង បានធ្វើឡើង សាលាបឋមសិក្សា​កំបូល ក្រោមការចូលរួម ពីក្រុមការពារជួយសង្កាត់កំបូល និងក្រុមយុវជន សេដ្ឋកិច្ចកម្ពុជា លោកនាយកសាលា​ លោកគ្រូ អ្នកគ្រូ និងសិស្សានុសិស្ស ជាច្រើននាក់។​

នៅប្រទេសកម្ពុជា ភាគច្រើននៃជំងឺនេះកើតមានតែនៅលើកុមារតូចៗតែប៉ុណ្ណោះ  តែសព្វថ្ងៃនេះ វាក៏បាននឹងកំពុងកើតមានលើ មនុស្សពេញវ័យដែរ។ ជំងឺនេះបានរីករាលដាល ពាសពេញ ប្រទេសកម្ពុជាដោយសារ តែវត្តមានមូសខ្លា។ មូសគ្រុនឈាម -មូសខ្លា មាននៅ គ្រប់ទីកន្លែង ដូចជាក្នុងផ្ទះ កន្លែងធ្វើការ ទីសាធារណៈ រោងចក្រ សាលារៀន និងវត្តអារាម។ វាខាំជញ្ជក់ឈាម មនុស្សជា ពិសេសនៅពេលថ្ងៃ។ មូសខ្លាអាចខាំ ចំលងមេរោគ ពីកុមារដែល កំពុងមានជំងឺគ្រុនឈាម ហើយយកទៅចម្លងឲ្យ កុមារដទៃទៀត។ បើព្យាបាលមិនទាន់ពេល អាចធ្វើឲ្យកុមារស្លាប់បាន។

គោលបំណងនៃយុទ្ធនាការប្រយុទ្ឋប្រឆាំងនឹងជំងឺគ្រុនឈាម គឺដើម្បីចែករំលែកនូវ ចំណេះដឹងទាក់ទង ទៅនឹងវិធីសាស្រ្ត​ការពារ ជំងឺគ្រុនឈាម ដើម្បីជួយឲ្យកុមារា និងកុមារី ជាទីស្រលាញ់ទាំងអស់ ជៀសផុតពីជំងឺ ដ៏កាចសាហាវនេះ។ នៅក្នុងកម្មវិធីក៏ មានការពន្យល់ បង្ហាញ ​​​ ពីការ ការពារ​​ជំងឺគ្រុនឈាម របស់ផលិតផលថ្នាំសំលាប់ សត្វល្អិត រ៉េដ និងថ្នាំបណ្តេញមូស អហ្វ! ហ្វរ័ឃីដ មកពីក្រុមហ៊ុន SC Johnson ។ នៅក្នុង យុទ្ធនាការ ប្រយុទ្ឋប្រឆាំងនឹងជំងឺ គ្រុនឈាម លោកនាយកសាលា​ លោកគ្រូ អ្នកគ្រូ កុមារា កុមារី​​ដែលជា សិស្សានុសិស្សនៃឋមសិក្សា កំបូល បានចូលរួមសម្អាត​ ជុំវិញបរិវេណសាលា​ ដើម្បី ចូលរួមកម្ចាត់ ជម្រកមូសខ្លា ដោយមានការសហការពីក្រុមការងារ​ SC Johnson ផងដែរ។

នេះជាយុទ្ធនាការប្រចាំឆ្នាំរបស់ផលិតផលថ្នាំសម្លាប់សត្វ​ល្អិតម៉ាក រ៉េដ និងថ្នាំបណ្តេញ មូស អហ្វ! ហ្វរ័ឃីដ ដើម្បីចូលរួមចំណែក យ៉ាងសកម្មក្នុងការ ប្រយុទ្ធប្រឆាំងនឹងជំងឺគ្រុនឈាម បន្ទាប់ពីបានយល់ ច្បាស់អំពីជំងឺ គ្រុនឈាម និងដើម្បីការពារមនុស្ស ដែលលោកអ្នកស្រលាញ់ ជំនួសការព្រួយបារម្ភ ដែលបណ្តាលពីសត្វមូសខាំ ដោយចូលរួមប្រើប្រាស់ថ្នាំ សម្លាប់សត្វ​ល្អិត រ៉េដ ដើម្បីកម្ចាត់មូស ខ្លាទាំងអស់គ្នា។

បញ្ចូលអត្ថបទដោយ ម៉ា

ខ្មែរឡូត